Jannat e Hayat (Humain×Khadija ff) [ONGOING]

Part 2

Writers:
Amna
Wafa
Anisa
____________________________________

"Khadija tumhe pata h hum America ja rhe hain"...wo teeno khane ki table pr bethe thay jub Haya ne use bataya

Khadija ne khate hue nazar utha k be yakeeni se use dekha

"Kia?"...use laga use sunne me ghalti hui ho

"Mene kaha tha aap k walid sahab ko wo naraz hogi lekin.."..usne ek nazar Jihan pe dali jo khane me masroof tha

"Aap ne kaha kia h mene suna nahi"...Khadija khana chor k puchne lagi

"Khadija sunai nahi de raha?"..Haya ne use bhawwhe uchka kr kaha

"Kal aapke kaha tha nazar nahi araha?, aaj aap keh rahi hain sunai nahi de raha"..wo khafgi se kehti hui dobara khane ki taraf mutawajja hui

Jihan ka khana khatam ho chuka tha
"Ek haftay bad ki flight se hum America ja rahe hain Khadija taiyari krlo"...wo haath saf krte use kehne laga

"Hum?America?"..wo be yakeeni se boli

"Yehi to keh rahi hun me inhe"..Haya ne be basi se kaha

"Sacchhhiii!!!???"....wo khushi k mare table se uth khari hui

Un dono ne nazar utha k use dekha

"Kia matlab tum bhi mili hui ho is plan me??"...Haya ne beikhtiyar kaha

Jihan ne muskura kr ek nazar Haya or phir Khadija ko dekha jiski khushi ka koi thikana nahi tha

"Dekh lo Haya DJ tum se ziada samajhdar h"...wo ab table se khara ho kar kamre me ja chuka tha,..Khadija bhi khushi khushi us k peeche peeche kamre me gai thi

Haya ka dil chaha tha kuch bolne ko lekin wo be dhiyani me "Khadija" ki jaga "DJ" keh gaya tha..or use yaad krte wo phir udas hone lagi thi

**********************************
"Kidhar reh gai thin?"...Jibreel ne darwaza kholte hi Ayesha se sawal kia

"Shopping pe gaye thay kapre lene sabzi mandi sabzi lene nahi gaye thay"..Ayesha ne ghar me dakhil hote use kaha

"Tum logo ne khana kha lia?"...Imama ne ghar me dakhil hote hi pucha

"Han..Nahi..Han..."...wo teeno ek sath bole thay jisme se "NAHI" Humain ka tha

Jibreel ne be yakeeni se use dekha

"Abhi thori der pehle tumne khana nahi khaya!?"...wo beikhtiyar bola

"Wo to nashta tha,khana thori tha JB"...wo bari masumiyat se bola to Jibreel k ilawa sub hasne lage

"Acha me bana deti hun abhi kuch"..Imama kehti hui kitchen ki taraf gai

"Nahi nahi mazaq kr raha tha kha lia"..usne haste hue kaha

"Baba hum chalte hain kal Pakistan ki flight bhi h"...wo Salar se gale milte batane laga

"Are itni jaldi kue abhi kuch hafto pehle hi to aye thay"..Imama beikhtiyar boli

"Nahi mummy bus aap log hi rahein ab yahan hum apne mulk me hi theek hain"...wo ab Imama se gale mil raha tha

"Han chale jao tum bhi koi tikta hi nahi yahan"...Humain khafgi se bola

"To business man aap bhi kabhi Pakistan ka chakkar laga lia krein"...usne ab Humain ko gale lagaya

"Filhal to nahi office me kaam bohat h"...usne muskurate hue inkar kia

"Allah Hafiz khayal rakhna"...Salar ne Ayesha k sar pr hath rakkha

"Allah Hafiz"
Ayesha Imama se gale mil rhi thi or un teeno ko Allah Hafiz kehte ab wo dono ja chuke thay