Jannat e Hayat (Humain×Khadija ff) [ONGOING]

Part 3

Writers:
Amna
Wafa
Anisa
____________________________________

"As'Salam'O'Alekum mummy kia haal hain?"...wo agli subah phone pr nashte ki table par bethe Sabeen se puch raha tha

"WalekumAsSalam me theek tum log sunao"..unho ne jawab dia

"Aap to abba ki han ja k hume bhool hi gai phuppo"...Haya table par nashta lagati keh rahi thi

"Aray mene tum logo ko batana tha k me abhi thore arsay yahin par rahungi beta"

"Acha..batana to mene bhi tha aapko kuch"...Haya kitchen se cheezein lane me masroof thi jub Jihan ne unse kaha

"Kia?"

"Hum aglay haftay ki flight se America ja rhe hain"...wo juice peete batane laga

"Acha chalo ye to achi baat h hum sub se mil k jana"

"Ji bilkul"...Haya nashta lagate boli

"Or? Khadija kahan h?"

"So rahi hogi shayad nashta lag rha h abhi uth jaiegi"...Jihan ne kaha

"Acha chalo use piyar krna meri taraf se or subka khayal rakhna tum wahan bhi"...un dono ne chand minute or baat ki phir phone rakh dia

"Khadija ko to bulao"...wo table pr bethte hue boli to wo use bulane k lie khara hone laga

"Aagai Khadija bethein aap"...wo kamray se nikal k ye kehti hui nashte se pehle kitchen ki taraf hath dhonay chali gai thi

*******************************
"Nashta to karo kahan ja rhe ho??"...Imama use gate se nikalte dekh k kehne lagi

"Nahi mama kal JB log aye thay pehle hi late ho gaya hun aaj unki waja se"...wo jaldi jaldi me gate se bahir khara joote pehen raha tha

"JB logo ki waja se nahi aap movies dekhne ki waja se late hue hain Humain Sahab"...wo nashta krte muskura kar boli

"Kia faida guzre hue waqt ko kosne ka ab to late ho gaye..h na baba?" ...

"Sahi baat h"..Salar ne nashta karte bari sanjeedgi se kehte hue uska sath dia

"Chalein Allah Hafiz"...wo un dono ko kehta gate band kr k nikal gaya

"Allah Hafiz"...un dono ne jawab dia tha

*********************************
Wo teeno sub se mil kar 1 haftay bad America k Airport par thay

"Ahhh..kia hawa h"...plane se utar k chand qadam aage jate Khadija ne apne bazu phela kar gehra sans bhara

"Ghar ja k lena hawa abhi aage chalo"...peeche se aati Haya uska hath pakarti Jihan k sath chalne lagi

Wo raat k qareeban 11.30 baje apne naye ghar pohanch chuke thay...ghar me furniture or TV k ilawa kuch nahi tha

"Tum log jao me dekhta hun koi dukan khuli ho to khana bahar se le aata hun"...Jihan un dono ko kehta hua gate k bahar se hi chala gaya tha

*******************************
"So gaye kia?"...wo bed pr leta tha jub uske mobile me Humain ka message aya...usne barabar me soti Imama ko dekha or aankh masalte mobile uthaya

"Koshish kr raha hun"...usne muskurate hue reply kia

"Kamyab kab honge?"...

"Jub har kaam waqt par ho jaye to kamyabi mil hi jati h"...use yakeen tha wo is waqt bhi barabar wale kamre me mobile ya laptop pe koi film dekh raha hoga

"Baba kal kahin bahar khana khane chalein?"...uska agla message aya

"Of course why not"...usne reply dia