အိမ်တစ်အိမ်တွင် အမြဲဆူပူ၍နေလျှင် လူကြီးများက လာဘ်တိတ်သည်ဟုဆိုကြသည်။သို့သော် အိမ်တစ်အိမ်သည် အမြဲဆူပူ၍နေသည်။
ဤအိမ်သည် ကုန်သည်ကြီး ဦးမှိုင်းသာ၏ အိမ်'သာ'ဖြစ်သည်။အိမ်သည် ကုန်သည်အိမ်ဖြစ်၍တစ်ကြောင်း ဆွေကြီးမျိုးကြီးဖြစ်၍တစ်ကြောင်း အနွယ်ပွားများဖြစ်၍ကတစ်ကြောင်း ခြံကျယ်ထဲ၌ အိမ်ကြီးအိမ်ကောင်းတစ်လုံးလည်းဖြစ်၏။
ကုန်သည်ကြီး ဦးမှိုင်းသာတွင် ဒေါ်လှစိန်ဟုခေါ်သော ဇနှီးလည်းရှိ၏။ဒေါ်လှစိန်သည် နှုတ်သိပ်ကြမ်းသည်၊မောက်မာသည် ။ထိုအချက်များကြောင့် အိမ်တွင်အမြဲဆူ၍နေရခြင်းဖြစ်၏။
ထို့အပြင် ကုန်သည်ကြီးတွင် သားသမီးလေးယောက်ရှိသေးသည်။
အကြီးဆုံးမှာ မိန်းကလေးဖြစ်၍ အမည်မှာ မြစန်းနွယ် ဖြစ်၏။အနွယ့်တွင် ရှည်လျားသန်မာ၍ နက်မှောင်သောဆံပင်များပိုင်ဆိုင်ထားသည်။နွယ်သည် မြန်မာဆန်စွာလှပသည်။
ဒုတိယမြှောက်မှာလည်း မိန်းကလေးဖြစ်သည်။အမည်မှာ ပန်းမြိုင် ဆိုသည့်အမည်နှင့်လိုက်အောင် ပန်းကလေးလို နုဖက်စွာလှပ၏။
နို့ညှာမှာမူ မိန်းကလေးဖြစ်၍ အမည်မှာ ခိုင်သစ္စာဆိုသည့်အမည် နှင့် လှပေသောမျက်နှာလေးရှိသော်လည်း အကြီးနှစ်ယောက်နှင့်မတူ မောက်မာသည်၊ခွဲခြားဆက်ဆံတက်သည့်စိတ်လည်းရှိ၏။
အငယ်ဆုံးမှာမူ ယောက်ျားလေးဖြစ်ပြီး လေးယောက်ထဲတွင် အချောဆုံး၊အလှဆုံးလည်းဖြစ်၏။နွယ်တို့၊မြိုင်တို့၊ခိုင်တို့နှင့်အသားရေမှာမတူ ညိုသည့်ဖက်သွားသည်မို့ မြန်းညိုလို့အမည်ပေးခဲ့သည်။
"အညိုရေ အညို"
အညိုတစ်ယောက် အိပ်ခန်းထဲ၌ ကတ်ဆက်နားထောင်နေရာမှ မြိုင်ခေါ်၍အခန်းထဲမှထွက်လာခဲ့ရ၏။
"ဗျာ မမြိုင်"
"အညိုအိမ်ထဲကအိမ်ပြင်မထွက်တာဘယ်လောက်ကြာပြီတုန်း မင်းရုပ်ကိုရောမင်းမှန်ထဲပြန်ကြည့်သေးရဲ့လား"
"ကြည့်မကြည့်တော့မသိဘူး မမြိုင် မှန်ကတော့ဖုန်တွေတက်နေလေရဲ့"
YOU ARE READING
ပန်းပန်ရင်နန်းဆန်တယ် (Completed)
Romanceပန်းလေးတွေကလှကြတယ် သူတို့နဲ့လိုက်ဖက်တဲ့သူနဲ့ဆို ပို၍လိုက်ဖက်လှသည်။
