يَا إرتِوائي بعّد السنِين العِجاف

P2

"يمكن لأي شخص أن يختارك في توهجك،
‏لكني أنا سأختارك حتى حين تنطفىء.. تأكد
‏بأني وإن رأيت النور في غيرك سأختار عتمتك."
‏- شمس التبريزي
أبتسمت بحياء وأردفت: ابو عزيز شف اعمارنا كم صارت مب وقت غزل
ضحك الجد عزام اردف بثبات: استأذنك بطلع للشركه اشوف لعزام استودعت الله
ودعته وقامت تجهز حالها للغداء والمزرعه..
___
في بيت عبدالرحمن كانت تتألم بسبي صلابته وجلافته معها قطع حبل افكارها استئذان سهيله ؛ أنوار بهدوء: تفضلي سهيلة؟
سهيلة بهدوء: مدام جوري تحت
هزت رأسها بالايجاب واتجهت للصالة الداخلية ؛ اول ما شافتها الجوري وقفت بسرعه وتغيرت ملامحها واردفت بسرعه: أفا يالغاليه من ضايقك!!
أنوار اردفت بحنيه: مافيني يأمي كيفك انتِ؟
جوري بإبتسامه واسعه أردفت بهدوء: بخير دامك حولي يابعدي وشلونك انتِ وبعدين وييت وييتت ؛ ضربت جبهتها بخفه واردفت بسرعه: نسيت عبيد برا
أنوار توسعت عيونها واردفت بحياء: افا يا قليلة الخاتمه تنسين ادمي شلون ؛ واردفت بضحكه : اللي ماخذ عقلك يهتني به
جوري بإنزعاج تغيرت ملامحها للانزعاج واردفت بهدوء:والله ابدا ماغير القدرات ابي ارتاح منها شايله همها بزيادة
أنوار بحنيه مسحت على رأسها واردفت
بهدوء: ربي يوفقك ياروحي الله يسخر لك الأرض ومن عليها
جوري بحماس أردفت بسرعه : يمه قومي بدلي عبيد عنده لك مفاجأه
أنوار بإبتسامه رقيقة: بس يمه وشلون
جوري قاطعتها واردفت بسرعة : وشلون من عيالك؟ او دحيم؟
أنوار بإبتسامه رقيقة: كلهم ولا تنسين اليوم خميس اليوم إجتماع بيت عمتي
جوري بإبتسامه واسعه أردفت بهدوء: تنحل يمه الأهم حاليا نفسيتك
أنوار بإبتسامه وبعد تفكير اردفت: مشينا بس لا نتأخر
جوري بحماس اردفت: يلا وانا بروح لعبيد ننتظرك ؛ طلعت جناحها اخذت عباتها تحت انظاره اللي كانت تراقبها بهدوء واردف بحنيه: اعتذر أنوار ع..
أنوار قاطعته واردفت بإبتسامه حاولت ترسمها على شفاها بس فشلت للأسف واردفت: حصل خير
عبدالرحمن اردف بسرعه: بس أنوار
أنوار هزت رأسها بمعنى تمام واردفت بهدوء: بطلع مع جوري توصيني شيء؟
عبدالرحمن بابتسامه خفيفة اردف: انتبهي لك
أنوار تنهدت بعمق وطلعت عجزت تفهم هو يحبها هو يكرها هو العكس ماتدري بس كانت تدري انه دائما يقلب هالفتره وبنفس الوقت ذا بسبب حبه القديم
خلصت لبس العباة وطلعت لعبدالله او ماشافته إبتسمت واردفت: اعذرني يابوي تأخرت عليك؟
عبدالله باس راسها واردف بحنيه: انتظرك وقتي كله لو تبين يمه الا هم مافيك الا العافيه
أنوار بإبتسامه يخالطها امتنان اردفت بحب: الله يديمكم لي يبه
عبدالله بإبتسامه وشد على ايدها واردف بحب: ويديمك لنا يمه ويديم لطفك ودعائك؛ وبإستفسار اردف: باكيه يمه؟
أنوار بتوتر اردفت بهدوء: لا يبه بس ..
جوري قاطعتها واردفت بإبتسامه: اي عبيد كلمها يمكن تفهم منك
عبدالله ضرب جوري على جبهتها واردف وأردف بسرعه: انتِ ورا ماتعقلين
جوري بإنزعاج منه اردفت: وانتِ ورا ما تبطل حركاتك عبدالله بضحكه اردف بسخريه: صدقيني كل الناس بيكبرون ويعقلون وانا وإياك بنظل كذا
جوري بإنزعاج اردفت : يمه شوفي ولد اختك
عبدالله بإبتسامه رقيقة اردف: خلاص آسفين آسفين بس صدقيني بعوضك عوض أجمل مما تتصورين
جوري بإبتسامه جانبية وبحياء اردفت: خلاص يكفي اعتذارك
أنوار اردفت بضحكه: اي توم وجيري خلصتم
جوري بإبتسامه رقيقة: عشانك يمه اي خلصنا
أنوار بإبتسامه واسعه: ياعيون أمكم أنتم وين الأستاذ عمار؟
عبدالله بإبتسامه: هم يقولون ياما ورا السواهي دواهي ولا؟
جوري بتفكير أردفت: ليه وش سوا؟
عبدالله بمكر: كم تدفعين؟
جوري بتفكير اردفت: مم بكيفك لا تقول شيء بس لا صار وتبي مني شيء مابقول
أنوار بضحكه اردفت: ترا مليت من هواشكم تعدلوا أقول!
كملوا سوالف وضحك وهواش
____
في مركز الشرطة
عناد بتوتر اردف: يارب تضبط الخطه لان كم صار لنا نسعى عشان نقبض على هالمجرم
نايف يجاريه واردف: أهدأ عناد مصيرنا نقبض عليه توكل على الله
عناد شد على قبضته واردف بحده: ويننن أهدأ ابي افهم من تعييني إلى الآن وحن كل ما مسكنا طرف خيط منه ضاع من بين ايدينا
نايف تنهد بعمق واردف بهدوء عكس القهر اللي داخله: حبيبي عماد بينحل كل شيء ينحل بالهداوة
عناد شد على كفه واردفت بغيظ: نهايته على أيدي اخذ مفاتيحه وطلع
نايف ضرب الطاولة اللي قدامه بقهر واردف بسرعه : الله ياخذك يا راشد نهايتك على أيدي متأكد ، اخذ جواله واغراضه ولحق عناد
عناد تنهد بضيق واردف بعصبيه: وش جابك وراي!!!
نايف بهدوء اردف: بأخذك مكانا ولا ابي اي عذر
عناد تنهد بضيق واردف: بس انا مابي اح...
نايف قاطع كلامه واردف بهدوء: لا بس ولا جدي ؛ غافله واخذ مفتاح سيارته منه بسرعه
عناد بقهر اردف بسرعه: نايف مب وقت المبزره
نايف تأفف واردف بسرعه: مفتاحك معي وهذا المهم بشوف شلون تطلع !!
عناد تأفف ومشى لسيارة نايف واردف بحده:تنتظر عزومه اخلص علي!!
نايف اخذ مفتاحه وفك السياره وبدوا يمشون لمكانهم المفضل
___
بالمحكمه وتحديدا بمكتب اميره:
اميره بقهر واضح على حكيها: شلون رغد شلون يطلع من القضية ولا كأنه سوا شيء ابي افهم
رغد بهدوء وقلق على اميره اردفت: ادري الموضوع يقهر اميره وهذي يمكن بداية سقوطه مب كل مره تسلم الجره
اميره بنبره مهزوزه اردفت تشتعل من غيظها: رغد انا تعبت على القضيه هذي اخذت مني اشهر وأيام بدون نوم شلون تتلاشى ابي افهم
رغد بتوتر اخذت كوب ماء بارد ومدته لها واردفت بقلق: اميره حبي مصيره يتلاشى صدقيني والله اقوى مني ومنك ومنه مصير راشد يتحاسب بسبب أفعاله..
اميره اخذت الكوب من ايديها وسمحت لدموعها تنساب واردفت بهدوء: رغد اتركيني وحدي تكفين
رغد سحبت حالها وطلعت من الغرفة بهدوء..
___
عند الجده نوره كانت توها واصله المزرعه أردفت بهدوء: ليلان
ليلان بهدوء واردفت: ايش ماما
الجدة نوره بإبتسامه: نظفي شوي جناح عبدالرحمن وعبدالاله وصوفيناز تنظف جناح عبد العزيز لا وصلت عشان الجوري ماتحب احد يلمس أغراضهم
ليلان هزت برأسها بالايجاب ومشت تشرف على شغلها
___
عند جوري وأنوار وعبدالله كانوا يفطرون بهدوء إلى أن قاطعهم رنين هاتف عبدالله
عبدالله تنهد بهدوء واردف: السلام عليكم والرحمة اهلا استاذه ريفان اي جاي بإذن الله اعطيني نصف ساعه ؛ قفل منها وتنهد واردف بهدوء: استودعت الله عندي شغل بكلم احد يجي ياخذكم
هزت أنوار رأسها بالايجاب ولفت على جوري واردفت: وش رأيك ناخذ شوبينق او نروح صالون
جوري بإبتسامه واسعه: ما امانع والله وش رايك تسويها اثنينهم نتسوق اثنينا ونطلع لماما نوره للمزرعه
أنوار بحماس: قدام .. بعد مدة ماتقل عن ثلاث ساعات اتصلت أنوار على نايف
نايف رد بهدوء: اهلين يمه كيف حالك يابعدي
أنوار والرضى باين من صوتها: بخير يمه عساك بخير شلونك انت؟
نايف بنفس الهدوء: بخير دامك بخير ياروحي امريني يمه
أنوار بهدوء اردفت: وش رأيك تمرني ما ودي اتصل على افكار يجي ياخذني للمزرعه
نايف بتفكير اردف:انتِ بالبيت يمه؟
أنوار بسرعه: لا يمه انا بالصالون
نايف تنهد بعمق واردف بحنيه: أبشري ياروحي ارسلي اللوكيشن وانا بجيك مسافة الطريق
ابتسمت أنوار بعمق واردفت: الله يحميك يا أمي أنت
جوري بإنزعاج اردفت: نوني وش رأيك بالصبغه علي
أنوار انبهرت بجمالها وبإبتسامه رقيقة اردفت: بسم الله على قلبك أبرزت ملامحك وزادتك نظارة وش مسويه اعترفي
جوري بإبتسامه اردفت بحياء: يمه ماغير صبغت غلى وش هالمدح !
أنوار بإبتسامه رقيقة اردفت: والله طلعتي تاخذين العقل
جوري بحياء وأردفت برقة: يابعد روحي والله بس انتِ ليه ماغيرتي اللون
أنوار بإبتسامه واسعه أردفت: يمه الزين لكم كم صار عمري
جوري بإبتسامه رقيقة: بسم الله باقي شباب يمه لا اسمع هالحكي
أنوار بضحكه تصابحها خجل اردفت بهدوء: أبشري يا أمي وش بعد
جوري ضحكت من قلب وأردفت: والله لو عمري كله اقابلك كنت انا بخير  اكثر مما تتصورين
أنوار بإبتسامه رقيقة: جعلك من خير لخير يمه
جوري بإبتسامه واسعه: امييين يارب
____
نايف وصل هو وعناد مكانهم المعتاد وعناد فرغ طاقته السلبية كلها بكيس الملاكمه إلى أن انهارت قواه اخذ شاور وبدل وكان يجفف شعره
نايف بهدوء اردف: ماخف ألمك ولا ودك تأخذ وتعطي لسّ؟
عناد هز رأسه بالايجاب
نايف بتعجب منه حط ايده على راسه واردف: عناد اترك هالعناد ياولدي
عناد ناظره بنصف عين وكمل تجفيف شعره
نايف تنهد بقلق واردف بحنيه: ان ما حكيت معي مابروح لامي وتكتف
عناد ناظره من فوق لتحت واردف بسرعه: ياطفل هذا امك!!
نايف تنهد وحط ايده على صدرة واردف: ترا قتلتوني انت وعنادك من جهة وامي من والزن من جهة تراي ادمي
عناد تشابكت حواجبه واردف بفضول يخالطه قلق: افا؟ وش صاير معك
نايف بهدوء: امي تبي اتزوج وانا مابي اتزوج الا لا خلصت القضية 
عناد بهدوء كمل تجفيف شعره واردف بإبتسامه: طيب ورا ماتشوف البنت!!
تنهد نايف بحب وحاول يشتت نظره وأردف بهيام يوضح على صوته: والله هو شف
قاطع عناد وتوسعت عيونه من نبرته واردف: ايوه ايوه وش بعد مخبي علي استاذ نايف
نايف توهق وبدأ يصرف الموضوع اردف بسرعه: وشو اخبي
عناد وضيقه بدأ يتلاشى اردف بإبتسامه: من سعيدة الحظ
نايف بوهقة اردف بسرعه: اي سعيدة حظ وتعيسة حظ استهد بالله
عناد بضحكه اردف بصوت متقطع من الضحك: لا واضح طايح على وجهك اخلف الله عليك يا أنوار كمل كمل
نايف كان يحك شعره واردف بسرعه: ياولدي لا اصفقك اقول لك ...
فاطعه عناد بسرعه واردف بضحكه: تقول وشو!!
نايف اخذ أغراضه بغضب واردف بزعل: ماحد يفتح معك موضوع ولا احد ياخذ ويعطي
عناد بإبتسامه واسعه: اسف اسف بس كمل تحمست
تنهد نايف واخذ أغراضه وناظر ساعته واردف: الموقع قريب بروح اخذ امي
عناد بإبتسامه واسعه اردف بسرعه: انتظرك في المزرعه لا تنسى
نايف هز رأسه بالايجاب وطلع متوجه لأمه..
____
جوري وهي تناظر شكل شعرها المبعثر بإنزعاج اردفت: متأكده حلو يمه؟
أنوار بإنبهار: جدا والله ليه مب واثقه؟
جوري بإبتسامه زائفة: والله مادري اول مره اسوي هالتغير بس
أنوار شبكت حواجبها وأردفت : اللون يزهى بك
جوري بإبتسامه رقيقة يخالطها خجل: ماما أنوار احبكك
أنوار بإبتسامه واسعه يخالطها حنية: ماحبيتي الا اللي يحبك يمه
جوري بإبتسامه واسعه ضمتها وأردفت:الله لا يحرمني منك ويحميك من الدنيا وضيمها
أنوار شدت عليها واردفت بحنية: ويديمك لي يمه
قاطع مشاعرهم رنين جوال أنوار ؛ أنوار بإبتسامه رقيقة يخالطها ضحكه: طبعا كل مره يقاطع الأم وبنيتها الجوال ذا
جوري بضحكه يخالطها خجل: شوفي من يمه
أنوار رفعت جوالها وابتسمت من شافت المتصل واردفت برحابة:اهلين بأبوي وصلت؟؟