Me and Mr Arrogant ( Mizo BL)

hlau suh ka note

**************chapter - 17***********

Jesicai chuan a thil hmuh avang chuan a rilru ah thil dang reng a awm thei lo a nau in a mipa a fawp lai kha a hmu chiang mai si a a awih phal lo ani ber, Zoa an ina a lo len chang te chuan a bik tak in an in melh dan te leh an chet dan te chu a en chiang a a nau hi gay ni tur chuan a phal lo ani, an unau ah gay an awm hi a phal lo hrim hrim zawk ani...

Zan dang ang bawk in Zoa chu Sawmtea te inah leng in a chhungten an hriat thiam theih loh ang ber tur chuan a che a mahse a sir a lo en reng tu jesicai chuan an che zia chu a man thei reng mai si. Sawmtean a room ah chhoh pui a tum lai chuan jesicai chuan lo phal lo in " sawmte hetah in kawm mai ula room ah chuan chho lo mai ru hetah pawh a theih reng alawm tiraw Zoa" tiin Zoa pawh chuan lo aw ve maiin sitting room ah chuan a nu te nen chuan an inkawm ho a. Sawmtea pawh chuan tlem te chuan a ngaih a tha vak lo ni dang ah a u hian a thiante a room a chhoh pui hi a hnial ngai loa amah ber hian room ah in kawm turin i hrilh zawk mai thin mahse zanin kher hi chu an awm dun hi a phal lo ani ber. Zoa leh Sawmtea thu dun tir lo chuan an in karah a thu a Sawmtea leh Zoa te pawh chuan zanin kher chu nuam lo an ti ru ve khawp mai...

Zan te a rei hnu chuan Zoa pawh chuan haw tur chuan a tho a Sawmtean thlah a tum lai tak chuan Jesicai chuan lo tir in in thlah tir lo chuan a haw tir a. Sawmtea a room a chho chu Jesicai chuan zuiin a room ah chuan thil sawi pui tur chuan a lut a.

Jesicai : sawmte in be lawk ang thil sawi pui ka duh che.

Sawmtea : ohh eng nge ni u

Jesicai : dawt sawi miah lo in min chhan ang che...

Sawmtea : immm

Jesicai : kha i thianpa Zoa nen khan in in ngaizawng ani ti raw?

Sawmtea : aihhh eng nge maw i sawi leee mipa ka nih hii

Jesicai : dawt sawi suh! Hman zana heta in in kiss lai kha ka hmu che u..min chhang rawh in in ngai zawng em

Sawmtea : awww u kan ingaizawng

Jesicai : haaa... Sawmte eng pawh ti la ka thlawp zel ang che mahse he thil hi chu ti suh... Sual anih hii sual

Sawmtea : ka hria alawm u mahse ka hmangaih tlat si ani.

Jesicai : hmangihna eng nge i hriat ve... Then ang che rawn len tir tawh suh ang che.. in in hmu leh tawh tur ani lo

Sawmtea : u!... I ti mah mah lo maw....mipa ka ngaizawng hi sual ani tih chu ka hria mahse u kan mi hmangaih tur te hi kan thlang thei bik lo .. ka duh reng vanga hmangaihnaa  luh pawh ka ni hek lo... Ka then thei ang... U min ngaidam rawh mahse ka then thei lo ang..

Jesicai : ka ngaihtuah vang che anih hi ka sawi ni... Midang in hre ta se i hming a chhia anga kan nu leh pa te hming thleng in mahni hmasial na hun ani lo... Chu bakah mipa leh mipa chu a theih pawh i ring ami? Nakinah a then che anga hmeichhe dang duh in rilru na tak in a siam dawn che sin

Sawmtea : u chu tiang mi chu ani lo. Ka hria i tan chuan rin a har tih chu mahse min hmangaih ve tho alawm..

Jesicai : a hmangaih lo ang che... Then la ka tih chuan then la ani mai . I u angin ani ka hrilh che nih chu, chuan ka nu te chu engmah ka la hrilh lo ang mahse a tlai hma hian engkim i siam that chu ka beisei..

Chung thu a sawi hnu chuan Sawmtea room chu a chhuah san a, step ah chuan ding zawk in " ka thil tih sual thlak lutuk lo ang chu maw mahse ka nau thatna tur atang chuaha ti ka ni" ti chuan a in hnem a. A rilru ah erawh Sawmtea chu a ngaihtuah em em a support chu duh viau mahse sual anih avangin thlawp loa an inkar pawh then chu a tha in a hria ani..

Sawmte pawh chu a khum ah chuan a thu a thil te chu a ngaihtuah vung vung a a khum ah chuan mu in a u thusawi zawng zawng chu dik tiin mahse mipa a duh tlat a a thlak thei tawh lo, a thinglung ti nung tu leh a nun ti hlim tu anih miau vang ani...

Zing anih chuan Sawmtea chu college kal tur chuan a insiam a choka lama a chhuk chuan a u chu a hmu hreh khawp mai Zoa nena an in kar a man tawh mai bakah then a tum loh vang in hmuh a hreh leh zual a.

Chaw te te chu inthlahrung taka a ei zawh chuan class kal tur chuan a chhuak a. College a thlen veleh Samuela bulah va thu vat in a u in a hriat thu chu a hrilh a

Samuela : maw i u in a man cheu maw..

Sawmtea : aww then turin min tia.. samu ka hlauthawng e ka nu ten an hre chhuak anih chuan engtin nge min tih ang ka hre lo min pawh then a n tum ngei awm sia..

Samuela : in peih at in awm reng la ni mai . In ti pachang la a chhe ber tawk turin in peih mai rawh... Mahse then i tum lo tiraw..

Sawmtea : ka hre lo...nakin ah a chhe ber tawk ta ila amah hian min kalsan daih zawk hi ka hlau ani..

Samuela : a kal san che chu ka ring lo... A rinawma chubakah nangmah a hmangaih em em che a ..lungngai lutuk rih suh engkim a tha leh vek turah ngai ang..

Sawmtea : nia... Hemi chungchang pawh hi nakinah Zoa ka la hrilh ang...

Class a an awm chhung zawng chuan a rilru ah Zoa hlir a awm a an inthen chu a hlau ve ani... A vawi khat na atan he tiang khawp a mi a hmangaihna ani a, a nuna a la hlauh tawn ber tum ani bawk .

Lehlam ah Zoa te chu an hlim emem a   ani pawh in Sawmtea chu a rilru ah a awm bang thei lo ani ber class zWh vat a a hmel hmuh ngawt ani a chak tawh ni...Zoa pawh hian vawi tam tak chu an inkar hi a ngaituah ve thin a tir chuan an inkar hi hetiang khawp hian a thuk a ring loa hetiang khawp hian mi a la atchilh bur hi a ring pha ngai lo ani, engtik ah emaw a chhungte hian an la hre dawn tih pawh chu a hre ve reng an pawm pui dawn lo tih pawh a chiang bawk. A chhung ten engtin nge an tih ang tih ai mahin Sawmtea chhung ten engtin nge Sawmtea hi an tih ang tih hi ani a ni chuan a ngaihtuah ni. Sawmtea na lai hi hmu duh loa rilru na taka an siam a hlau bawk...

Class zawh chuan engdang ti lo chuan Sawmtea bulah chuan ava kal a Sawmtea chuan a rilru hahna te thuruk tum tak chuan nui a mahse Zoa chuan a rilru kap tu a awm ani tih chu a mit meng atang chuan a man thiam nghal tho.

Zoa : Sawmte i rilru a hah ami.. i rilru kap tu a awm mi a... Nge ni a ka lakah lung awi loh na i nei zawk...

Sawmtea : nei lo ee...engmah rilru hahna ka nei lo tak tak...

Zoa : i mit meng atang khan rulru hah na i nei tih ka hria lawmm.. imm lo chuang la khawi ah emaw kal in kan sawi dawn nia aw, lo chuang rawh le..

Engmah sawi lem chuan Sawmtea chu a chuang a Zoan rilru hahna a nei tih a hre nghal chat thei pawh chu mak ati khawp mai...

An awm dun thina hmun ah kal in Sawmtea chu a rilru hahna te chu a zawt a..

Zoa : duat tia rilru hah hmel taka i awm a ka tha i tih hian a hreawm ka ti ania...tih sual ka neih chuan min hrilh la..

Sawmtea : chu ti lam pawh chu ani lo.....engmah tih sual i nei lo..

Zoa : anih ti nge i lungngaih hmel em em a

Sawmtea : kan in kar kha ka uin mi man a hman zanah i lo kal tum a kan in kiss lai kha a min lo hmu ani awm ee

Zoa : chuan a zawt che mi..eng nge a sawi

Sawmtea : then tur che in min tia

Zoa : anih min then dawn em

Sawmtea : a teuh lo... Ka then  ngai lo ang che.. mahse ka hlau ve det..

Zoa : hlauh suh ka note i huai em kha engpawh lo thleng se kan 2 in kan hmachhawn zel dawn alawm..engpawh lo thleng se i bulah ka awm reng ang..( Sawmtea chal ah chuan a fawpa ). Sawmtea pawh chuan a lu bu nghauh Zoa nen chuan in kuah an pahnih chuan in thlem in inti paukhauh tur chuan Zoa chuan Sawmtea chu a hrih a .....

Kha ti kha nih rih mai rawh se aww...ka story te ngaihnawm in tih ngei ka beisei😊😊