Reincarnated as a Binibini

KABANATA 31

Napatahimik bigla ang lahat sa table namin, tangina! Na hot seat ako! Nananahimik lang naman ako rito eh bakit ako yung tinanong?!

Duh! Si Hannah ang may birthday, hindi ako! Kainis amputa.

Napatingin ako sa bisita dahil babae ang nag tanong, kapal ng mukha! Wala pa naman ito sa katandaan, kasing edaran lang namin.

Saan niya nakalap ang balita na iyan?! Eh yung pamilya Montenegro, Hernandez at Guivarez lang naman ang nakakaalam, isama na natin yung dalawang ulupong.

Si Migz at Raf, psh!

Ano sasabihin ko ngayon?! Kingina naman wala naman akong gusto kay Ej! Wala bang tutulong sa akin diyan?

Ang sasama nila kung ganon! Kitang kita ko ang pagmumukha ni Hannah dito na nakangisi sa akin, parang na eenjoy niya yung reaksyon ko.

Mapagpanggap talaga ako, lalo na't nag papanggap ako bilang si Isabella, siya naman masiyadong halata! Ang pagkaahas niya ay pinapakita niya!

Don Alexander cleared his throat, mukhang naramdaman niya ang atmosphere. "Let's just continue the party." sa awa ni Don Alexander iniba niya ang usapan.

Buti naman! Pati ako naiilang na rin eh! "Happy birthday to you, Hannah, iha." nakangiting saad ni Don Alexander.

Ngumiti rin naman ang gaga, syempre tatay 'yan ni Ej dapat good girl siya, duh daig niya talaga yung china sa pagiging peke niya!

"I want to enjoy my birthday, ama nasaan na po yung mang tutugtog ng piyano?" sabik nitong saad.

Kailan pa siya nagka interes sa piano?! "Anak, hindi makakarating ang mantutugtog dahil may importante raw siyang pupuntahan." saad naman ni Don Rolando.

Umakto naman itong nalungkot, pinagmamasdan ko lang silang lahat.

Parang tanga si Hannah.

Biglang lumiwanag ang mukha nito na parang biglang may naisip. Kita ko ang pag tingin niya sabay ngisi sa akin.

Ayoko ang ngisi na 'yon, parang may binabalak siya! Tangina! Pag talaga ako nakaganti sa 'yo Hannah, luluhod ka talaga sa akin habang nag mamakaawa!

"Bakit hindi nalang si Binibining Isabella ang tumugtog ng piyano?"

Sabi na eh, hindi talaga ako nag kamali sa hinala ko. Alam niyang hindi marunong tumugtog ng piano si Isabella.

Papahiyain talaga ako nitong si Hannah eh! Pero hindi ko hahayaang pahiyain niya ako lalo na ang pamilya ni Isabella.

Kita kong biglang natigilan ang lahat na nasa lamesa, alam din nilang hindi marunong tumugtog ng piano si Isabella dahil one time rin ay pinatugtog siya pero ang pangit nang kinalabasan.

"Kaarawan ko naman, Binibining Isabella. Pag bigyan mo na ako." nakangiti nitong ani.

Kung ang totoong Isabella pa siguro ang nandito kanina niya pa sinampal si Hannah, kahit ako kating-kati na akong suntukin ang pagmumukha niya.

"Binibini, pwede namang sa ib─." natigil ang pag sasalita ni Ej nang tumayo ako.

"Gagawin ko dahil kaarawan mo naman, binibini." nakangiti kong saad.