Soulless of The Pure

2

The devil is gorgeous.

***

“Zoel, tawag ka ni Dean.” Greg uttered. Isa sa mga kasundo ko. He was a nice guy. He is older than me kaya parang kuya ko na. But he insisted na hindi niya daw trip na tawagin na kuya. He took Legal Management as his pre-law, kaya halimaw rin sa recits.

“Eh, kukuhanin mo na naman ang baby Zoel ko,” Ingkos naman ni Mary. Ang babaeng dinaig pa si Hail sa sobrang pagka-clingy. Kung usapang maganda ay maganda ito. Nagmumukha lang siyang masungit dahil sa kilay niya ngunit lagi namang naka-ngiti ang gaga kaya dalang-dala ang mga tao. Kung gusto mong maraming maloko sa pyramiding scam ay siya agad ang kunin mo. 

This woman doesn't know the word no. Ako nga lang halos ang nakaka-hindi dito. She is charming and persuasive. Isa sa mga trait na pamatay kapag siya kalaban mo sa mock trial. 

Lima kami bale na halos iisa ang likaw ng bituka. Wala pa si Milan at Aurora. 

“Saan mo na naman dadalhin si babe?” Angal naman ni Aurora habang naka-ngisi lang si Milan. Milan is definitely gay na may gusto kay Eros na mabuti naman ay hindi ako ginugulo.

Isa pang sakit ng ulo ko ang epal na 'yon. Noong freshman pa kami nangungulit. Hindi ko naman siya trip. Ayaw rin nila Greg dito dahil ang angas daw at narcissistic. 

Si Milan ewan ko kung paano nagkagusto doon sa lalaki. I mean, Eros Roxas is known to have influencial family in politics. At matalino rin ang lalaki at marunong at malinis manamit. 

“Una na ako, mga hangal!” Ani ko sa mga ito at binagtad ang Dean's office.

“Miss Gomez, thank you for allowing my request.” Ani ni Dean Wilson.

“It is a pleasure po,” Magalang na ani ko naman dito. 

He is a nice gentleman. Malapit na ito mag-retiro sa serbisyo pero kapansin-pansin pa rin ang tikas at pagiging graceful nito.

“We will be having a new addition to our faculty. At dahil ikaw ang nirekomenda ng batch niyo na isa sa pinaka-mahusay ay ikaw ang napili naming faculty staff na umalalay sa bago niyong insructor. It will only last for a month since it is a transition period.” Ani nito na may malawak na ngiti. Hindi naman ako maka-angal dahil nakikita ko ang expectation nito na papayag ako sa task nila. Pero hindi ko naman kaya 'yon at graduating na ako. Ayokong matambak sa'kin lahat ng loads. Baka itakwil ako ng Papa kung babagsak ako.

“I am sorry, Dean—” I was immediately cut off.

“We will give you incentives. Take it or Take it? This is important to us, matagal na niligawan ng management na makuha ang service niya para dito sa academe so can you please do us a favor?” Malumanay na paki-usap ng Dean. Tumango na lang ako dahil may incentives e. 

Iyon lang naman ang hinihintay ko. Kasi kung walang incentives at favor lang ay bahala sila d'yan.

Matapos namin mag-usap ay tulala ako. Kasi punyeta naman. Ako talaga ang haharap doon sa nililigawan ng academe. Sana si Attorney Villafuente, please. Kung si Attorney crush ay kahit wala na pong incentives. Kidding.

Bumalik ako ng room at mukhang gusto ng chika ng mga hangal.

“Mga hayop talaga kayo!” Reklamo ko noong maka-upo ako sa tabi ni Aurora.

“Bakit babe?” Tanong naman nito, habang pigil ang tawa. 

“Ako pa talaga ang binida niyo sa dean, ako tuloy ang bahala sa transition period nung isang faculty.” Angal ko sa mga ito.

Malulutong na hagalpakan lang ang narinig ko. Hindi naman pinansin mg mga ito ang mga nakuha nilang tingin sa mga ka-block namin.

Mga hangal talaga e.