RadhithReyshan
- Let Them පාඩම - ඔයාලා අහලා තියෙනවා ද "Let Them" කියන අදහස/පාඩම ගැන? ඕකට සිංහලෙන් "එයාලාට ඉඩ දෙන්න" කියලා කියන්න පුළුවන්.. මම ඔය පාඩම ඉගෙන ගත්තේ හරියටම කවදා ද කියලා කියන්න මට මතකයක් නෑ.. හැබැයි, වයසෙනුයි අත්දැකීම්වලිනුයි මුහුකුරා යන්න යන්න, මගේ ඔලුව ඇතුළේ නිදහස තියා ගන්න, මට ඔය "Let Them" පාඩම හරියට උදව් වුණා.. මේ ළඟදී ඒ සම්බන්ධයෙන් මෙල් රොබින්ස් කියන ප්රසිද්ධ ලේඛිකාව එයාගේ සමාජ මාධ්යය පිටුවක දාලා තිබිච්ච පුංචි පෝස්ට් එකක් නිසා, ඒ පාඩම ගැන ඔයාලා එක්ක බෙදා ගත්තොත් හොඳයි කියලා හිතුණා.. මම නම් ඒ පාඩම ඉගෙන ගත්තේ සෑහෙන අමාරුවෙන්.. එක පාරක් ඉගෙන ගත්තාට මොකද, ජීවිත කාලේ පුරාම, මට ඒ පාඩම ආයෙ ආයෙත් මතක් කර ගන්නත් සිද්ධ වෙනවා.. හැබැයි, එහෙම අමතක වෙන වාරයක් ගාණේ මතක් කර කර හරි, අපිට ඒ පාඩම දිනපතා පාවිච්චි කරන්න පුළුවන්! මේකයි ඒ "Let Them" පාඩම.. ඉස්සර මම මිනිස්සුන්ව නැති කර ගන්න තියෙන අකැමැත්තට, එයාලාව දරාගෙන හිටියා.. "එයාලා ඇයි මට එහෙම කළේ?" කියලා විස්සෝප වුණා.. එහෙම විස්සෝප වෙවී, එයාලාව තේරුම් ගන්න උත්සාහ කළා.. කරන්න තියෙන වැඩ ඔක්කොමත් නතර කරගෙන, සති ගණන් කල්පනා කළා.. හැබැයි, කාලෙත් එක්ක මම තේරුම් ගත්තා, මම මිනිස්සුන්ව ළඟින් ආශ්රය කළාට, ආදරේ කළාට, උදව්පදව් කළාට, මගේ කියලා හිතාගෙන හිටියාට, ඒ සමහරු, මම ගැන ආපස්සට එහෙම හිතන්නේ නෑ කියලා.. එයාලා අපිට කිට්ටු වෙන්නේ, අපෙන් උදව්වක්, ප්රයෝජනයක් ගන්න විතරයි කියලා.. ඉතිං, අර හැමවෙලේම හැමෝවම තේරුම් ගන්න උත්සාහ කරන, හැමෝගෙම අත් වැරදීම් ඉවසන කෙනාගේ චරිතය තව දුරටත් රඟපාන එක මම නතර කරලා දැම්මා.. අම්මෝ... ඊට පස්සේ ඔලුවට දැනෙන සනීපේ!! මේ වෙනකල් ජීවිතේ ඉගෙනගෙන තියෙන වටිනම පාඩම මොකද්ද කියලා කවුරු හරි මගෙන් ඇහුවොත්, ඒ "Let Them" පාඩම බව කියන්න මම දෙපාරක් හිතන්නේ නෑ.. මිනිස්සුන්ට, ඔයාව වරදවා තේරුම් ගන්න ඉඩ දෙන්න. ඔයාව විනිශ්චය කරන්න ඉඩ දෙන්න.. ඔයා එක්ක අවුල් යන්න, හිත් රිද්දවා ගන්න ඉඩ දෙන්න. ඔයාව මග ඇරලා යන්න ඉඩ දෙන්න.. (ඕනේ ම නම්, එහෙම මග ඇරලා යන කෙනෙක් එක්ක බලෙන් ම පැනලා කතා කරලා, පොඩි ජොලියක් ගන්න..) ඔයාව සැක කරන්න ඉඩ දෙන්න.. එයාලා හරි, ඔයා තමයි වැරදි කියලා කියන්න ඉඩ දෙන්න.. ඔයා ගැන කතා පතුරවන්න ඉඩ දෙන්න.. .....Continue in the comment section....
Gayathri_23
@RadhithReyshan මගේ අවුරුදු 24 ඇතුලේ සමාජෙට ආව අවුරුදු 5 පුරාවටම මට උනේ පාවිච්චි වෙන්න. සරලවමඅගේ අනුකම්පාවෙන්, මගේ හොඳ හිතෙන් වාසි අරන් මාව අයින් කරල දාන මිනිස්සු එක්ක එකට ඉන්න. ඒ බව දැන දැනම එහෙම ඉන්න එක මුල් කාලේ පට්ටම අමාරු උනා, කොටින්ම අඬ අඬා ඇයි මට මෙහෙම කරන්නෙ ගගා ඇහුවා. දැනුත් තාමත් මට එහෙම වෙනකොට රිදෙනවා. හැබැයි මම හේතු අහන එක නැවැත්තුවා, පස්සෙන් යන එක නැවැත්තුවා, අඬන එක නැවැත්තුවා.. කොටින්ම උබ එහෙම කරනවනම් කරපන් මට කමක් නෑ අදාළ නෑ කියල දැන් මම ඉන්නේ.. It still hurts, but not like a hell.. Yeah, Let Them!! Thank you ❤️
•
Reply
RadhithReyshan
හැබැයි අපිට නැති වෙන්නේ, අපෙන් වාසි ගන්න බලාගෙන කිට්ටු වෙච්ච, අපේ කරෙන් ගොඩ ගියපු, වංක මනුස්සයෙක්! එහෙමත් නැත්නම්, අපිත් නොදැනම අපිත් එක්ක තරග කරපු, අපිට ඊරිසියා කරපු කෙනෙක්! රිදිච්ච මිනිස්සු, අනුන්ටත් රිද්දනවා.. නිවිච්ච මිනිස්සු, අනුන්වත් නිවනවා.. රිදිච්ච මිනිස්සු නිසා, ඔයාගේ සතුට නැති කර ගන්න එපා.. ආයෙත් මතක් කරනවා.. ඔයාට ළං වෙන්න, ඔයාව ආශ්රය කරන්න ඉඩ දෙන එක වරප්රසාදයක්! කවුරුම හරි ඒ වරප්රසාදය අවභාවිතා කරන බව දැනෙනවා නම්, ඒ වරප්රසාදය දෙන එක එතැනින්ම නතර කරලා දාන්න. එතැනින් එහාටත්, එයාලා එක එක දේවල් කරයි. එක එක දේවල් කියයි.. එක එක දේවල් හිතයි.. ඉතිං, අපිට මොකෝ?? Simply, Let Them.!
•
Reply