Unicode
"သခင် လင်းကိုဘာလို့ခေါ်လိုက်တာလဲဟင်"
ကိုယ့်မှာသခင်ကဖုန်းမဆက်စဖူးဆက်သဖြင့်အံ့ဩခဲ့ရသေးသည်။သခင်ကဖုန်းဆက်ပြီးသူ့အိမ်ကိုလာရန်ပြောခဲ့သည်။
သခင့်လေသံမာနေသဖြင့် ကိုယ့်အားစိတ်ဆိုးနေတယ်ဆိုတာကိုတော့ခန့်မှန်းမိပါ၏။
"မင်းနဲ့ငါ့ကို မိဘတွေကပေးစားမလို့လုပ်နေတာမင်းသိလား"
"အဲ့..အဲ့ဒါက"
"ဘာလဲ မင်းသိပြီးသားလား"
လင်းဘာမှပြန်မပြောရဲသလိုသခင့်ကိုလည်းမကြည့်ရဲဖြစ်မိသည်။
"မေးနေတယ်လေ မင်းသိပြီးသားလားလို့"
"ဟုတ် လင်းသိပြီးပါပြီ"
"ဘာရယ် မင်းသိရက်နဲ့တောင် ငါ့ကိုဘာမှမပြောဘဲထားခဲ့တယ်ပေါ့"
လင်းခေါင်းငုံ့ထားမိသည်။သခင့်မျက်နှာကိုလည်းစေ့စေ့မကြည့်ရဲပါ။
"ဖြေလေ မင်းမှာပါးစပ်မပါဘူးလား"
"ဖေဖေစီစဉ်တာတွေပါ လင်းလည်းဘာမှမသိပါဘူး"
"ဒါနဲ့မင်းလက်ထပ်ပွဲကိုလက်ခံလိုက်လား"
လူလည်းအငွေ့ပင်ပျံချင်မိပါသည်။သခင်ဟာတရားခံစစ်သလိုစစ်နေသည်မဟုတ်ပါလား။
"ဟုတ်"
"ဘာရယ် မင်းရူးနေလား...ငါနဲ့မင်းကနှစ်ယောက်စလုံးမိန်းမတွေနော်...ပြီးတော့ငါ့မှာချစ်သူရှိတယ်"
သခင်ဟာ ကိုယ့်ပခုံးနှစ်ဖက်အား အားပါပါလှုပ်ကိုင်ရင်းဆိုသည်။သခင့်ရဲ့ကြောက်စရာပုံစံကိုမြင်ဖူးခဲ့ပေမဲ့ ဒီတစ်ခါဟာအဆိုးဆုံးပါပဲ။အစိမ်းသက်သက်မျက်ဝန်းများဟာအရင်တုန်းကထက်ပိုစိမ်းကားနေသယောင်ရှိသည်။
"ဖေဖေစီစဉ်တာလေ လင်းဘာတတ်နိုင်မှာလဲ သခင်ရဲ့"
"မင်းမှာပါးစပ်မပါဘူးလား...ငြင်းလိုက်ပါလား..."
လင်း သခင့်ကိုသာငေးကြည့်နေမိသည် ။သခင်ဟာလည်းငိုတတ်သလား။သခင်ငိုတာမြင်ရခဲသည်မဟုတ်လား။မြင်ရခဲဆို တစ်ခါမှပင်မမြင်ဖူးခဲ့တာပါ။ကိုယ်တောင်တွေးမိသေးရဲ့ သခင်ဟာ မျက်ရည်မရှိတဲ့လူသားများလားဆိုပြီးတော့ပေါ့။ကိုယ်ကတော့သခင်နဲ့ဆန့်ကျင့်စွာအမြဲငိုယိုနေတတ်တဲ့လူတစ်ယောက်ဖြစ်ခဲ့သည်။ဒါတွေဟာလည်းသခင့်ကြောင့်သာကျခဲ့ရတဲ့မျက်ရည်များသာဖြစ်သည်။
KAMU SEDANG MEMBACA
သခင် (Completed)
Romansaသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
