"ပေးပါ ကိုကိုလေး...ကျွန်မတို့သယ်ခဲ့ပါမယ်"
"ဗျာ! ကျွန်တော့်နာမည် သင်တိုင်းရှင်းဟန်ပါ။ရှင်းဟန် လို့ခေါ်လို့ရပါတယ်"
"သခင်လေးက အခုလိုပဲခေါ်ဖို့မှာထားလို့ပါ"
"မဟုတ်တာ။ရှင်းဟန် လို့ပဲခေါ်ပါ။ကျွန်တော်...သူ့ကိုပြောလိုက်ပါ့မယ်"
အိမ်အကူကောင်မလေးများမှာ အင်တင်တင်လုပ်ပြီးမှ ရှင်းဟန်၏luggage ကိုလာဆွဲသောကြောင့်
"ကျွန်တော်နေရမဲ့အခန်းကိုသာပြပေးပါ။ကျွန်တော့်ဘာသာသယ်ပါ့မယ်။အလုပ် သမားချင်းအတူတူပဲ"
ရှင်းဟန် ထိုသို့ပြောတော့အိမ်အကူကောင်မလေးများမှာတစ်ယောက်မျက်နှာတစ်ယောက်ကြည့်လိုက်ကြသည်။
အလုပ်သမား?။
သခင်လေးပြောတာ ဒီလိုမှမဟုတ်တာ။အိမ်အကူကောင်မလေးများမှာ ထပ်မပြောတော့ဘဲ ရှင်းဟန်နေရမည့်အခန်းကိုသာပြပေးလိုက်သည်။အခန်းရှေ့ရောက်တော့ ရှင်းဟန် ကျေးဇူးတင်ကြောင်းပြော၍အခန်းထဲဝင်ခဲ့လိုက်သည်။
အာပါးပါး...ခမ်းနားလိုက်တဲ့အခန်း။အခန်းတွင်းရှိ ပစ္စည်းများမှာ အဆင့်မြင့် brand တွေချည်းပဲမို့ ရှင်းဟန် ထိတောင်မထိရဲ့။အိပ်ယာပေါ်သာထိုင်နေမိသည်။အခန်းအတွင်းထဲတွင် ဘာပစ္စည်းတစ်ခုကိုမှလိုအပ်ချက်မရှိအကုန်ပြီးပြည့်စုံအောင်ထားထားသည်။
ရေချိုးခန်းဝင်ကြည့်တော့လည်း တစ်ကိုယ်ရေသုံးပစ္စည်းကအစ အစုံအလင်ပင်။
"Bodyguard တစ်ယောက်က ဒီလောက်ဇိမ်ခံရမယ်လို့ တစ်ခါမှမတွေးဖူးဘူး"
ရေချိုးခန်းထဲရှိ မှန်ရှေ့တွင်ရပ်ကာ ရှင်းဟန် ခါးထောက်၍ကိုယ့်ကိုကိုယ်ပြန်ကြည့်ပြောနေသည်။တစ်လက်စတည်း ရေပါဝင်ချိုးပစ်လိုက်သည်။
ဒေါက်...ဒေါက်
"ကိုကိုလေးရှင့်...."
"ကိုကိုလေး.."
"ဟ! ဘာနာမည်ကြီးတုန်း။မခေါ်ပါနဲ့ပြောထားတာကိုထပ်ခေါ်ကြပြန်ပြီ။ငါရှင်ချင်တယ်"
ရှင်းဟန် ရေချိုးပြီး၍မှန်ရှေ့ သ နေတုန်းခေါ်သံကြောင့်တံခါးသွားဖွင့်လိုက်သည်။
YOU ARE READING
Love Behind The Complexity
Romance"ငါတို့ကယောက်ျားအချင်းချင်းလေ...ပတ်ဝန်းကျင်အမြင်မှာ..." "ပတ်ဝန်းကျင်ကိုဂရုမစိုက်ဘူး။အဓိက က ကျွန်တော်တို့တစ်ယောက်ကိုတစ်ယောက် နားလည်မှု၊ယုံကြည်မှု၊သစ္စာရှိမှုတွေနဲ့ အပြန်အလှန်ချစ်နေကြဖို့ပဲလေ"