عند كارمن ;
دخلو جميعا الي المكتب عند كارمن وجدوها تسند رأسها علي المكتب فسكتو جميعا حتي تتكلم هي
ادهم ليلطف الجو : ايه يا كوكو هو اسر جاي ليه بعيد الشر يعني مين هيموت النهردا
رفعت كارمن رأسها له ونظرت له ببرود : لما يجي هتعرف ان شاء الله
ادهم بقلق : كارمن في ايه بج...
قاطعه دخول اسر
اسر وهو يدخل : السلام عليكم
الجميع : وعليكم السلام
كارمن وهي تنهض وتستند علي المكتب امامهم : تعالي يا اسر
اسر وهو يجلس : خير يا كارمن في ايه ؟!!
كارمن : جبتلي الي قولتلك عليه
اسر وهو يعطيها الشنطة التي بيده : اه اتفضلي
كارمن اخدت الشنطة وفتحتها نظرت بداخلها واغلقتها ووضعتها بجانبها : تمام
مازن : في ايه يا كارمن حصل ايه وجايبه اسر ليه ها
كارمن بتنهيده : فريد هرب من السجن
الكل بصدمه: اييييييييييييه
سلمي : بس هرب ازاي ده احنا حاطينوا في الحبس الانفرادي ومن سابع المستحيلات انو يهرب هاا
كارمن بتفكير : ما اكيد في حد في المديريه هو الي ساعدوا بس هنعرف ازاي
نور : من كاميرات المراقبه .. ايوه في كاميرات مراقبه هناك قومي ياكارمن نشوفها
كارمن وهي تنهض مأيدة نور : صح فعلا ازاي غابت الفكرة دي عن دماغي يلا يا نور
ثم وجهت حديثها لندي وملك وسلمي : وانتوا دوروا علي الموضوع في كاميرات المكان الي حوالين المديريه والاماكن الي بعدها
ووجهت حديثها للشباب : وانتوا حاولوا تشوفوا في الشركه حسابات فريد اذا اتغيرت فيها حاجه ما اهو اكيد هيصفي حاجته هنا عشان يهرب بيها هتعرفوا تهكروا الحساب ولا
الشباب بسرعه : لا
كارمن بنرفزة : اومال سابني بتكلم ليه من الصبح مفيش وقت نضيعوا
ثم وجهت حديثها لندي : ندي معلش انتي روحي معاهم وساعديهم ماشي
ندي وهي تنظر لحسام : ماشي
حسام وهو يوجه حديثه لندي : طب انتي هتعلميني طبعا عشان نبقي زي بعض بقي وكده
ندي بكسوف : اكيد لازم اعلمكوا عشان تساعدوني
حسام بهيام : بس انا تعلميني لوحدي ماشي
ندي بخجل : ماشي ان شاء الله
حسام : يااه شكلك حلو وانتي شبه الفراوله كده
كارمن بعصبيه : اجيبلكوا اتنين لمون هنا احنا هنهزر كل واحد يروح يتنيل يعمل الي قولتلوا عليه يلا يا نور
وذهبت للخارج بكل كبرياء وعصبيه وسليم ينظر لأثرها بشرود
ادهم بتنهيده: معلش يا جماعه محدش يحاول يهزر معاها لحد ما نشوف الزفت ده عشان الموضوع دلوقتي بقي داخل فيه خطر علي حياتنا كلنا وبالذات طنط كريمه تمام
مازن وهو ينهض : طب يلا كل واحد يروح يشوف هيعمل ايه بسرعة احسن كمان دقيقتين تلاقيها هنا
نهضوا جميعا وذهب كل شخص ليقوم بما طلبته منه كارمن
ʚ🐰ɞʚ🐰ɞʚ🐰ɞʚ🐰ɞʚ🐰ɞʚ🐰ɞʚ🐰ɞʚ
عند فريد ;
استيقظ من النوم ليجد الليل قد حل ودخل ليأخذ دش و بعدها تناول العشاء وخرج ليذهب الي منزله لكي يتخذ كريمة معه , وصل الي المنزل وعندما رأته سعدية قلقت بشدة
سعدية بقلق : استااذ فريد
فريد ببرود : حد سأل عني في غيابي
سعدية بتوتر : لا يفندم محدش جي هنا
فريد وهو يصعد لغرفته : تمام
توجه لغرفته و ذهب ليفتح الباب السري الذي فيه كريمة محتجزة بداخله
فريد وهو يدخل : كوكو حبيبتي اتوحشتيني ولا ايه ..؟!
لن يسمع فريد رد فشعل الاضواء بسرعة ووجد المكان كله فارغ لا يوجد احد فجن جنونه كيف خرجت من هنا ..؟؟؟!!!
خرج يجري لتحت
فريد بصراخ : سعديييييية سعدييييية
سعدية برعب : ننعم ييا ففندم
فريد وهو يهزها بعنف : مين جي هنا يا سعدية انطقييي !!؟..
سعدية بخوف : يا فندم معرفش طول الفترة الي قاعدة فيها هنا محدش جي خااالص
فريد وهو يتركها بنفاذ صبر وعصبية : وحياة اغلي حاجة عندي لو عرفت انك عارفة حاجة لموتك بايدي
وذهب لغرفة الكاميرات فوجد كارمن وسليم هم من اخذوها وخرجو
فريد وهو يرمي الكرسي برجله بعصبية : عااااا ازااااي ازاي عرفت مكانها ازاااااي 😡
فجاءت في باله فكرة خبيثة فاتصل علي حسين
حسين : الو يا فريد انت فين انا لسة واصل لل...
قاطعه فريد : حسين اسمع الي هقولهولك كويس ..
حسين بصدمة : ....
(ง'-̀̀'́)ง(ง'-̀̀'́)ง(ง'-̀̀'́)ง(ง'-̀̀'́)ง(ง'-̀̀'́)ง(ง'-̀̀'́)ง(ง'-̀̀'́)ง(ง'-̀̀'́)ง(ง'-̀̀'́)
خرجت كارمن ومعها نور فتبعهم سليم ومصطفي
سليم وهو ينده عليهم : كارمن
التفتت كارمن اليه بهدووء : نعم
سليم: احنا جايين معاكو
كارمن وهي تنظر له ولمصطفي الذي ينظر لنور فالتفتت واكملت طريقها : اخلصو
سليم وهو متغاظ منها : ايه طريقة المعاملة دي كتك نيلة علي شكلك الحلو ده
مصطفي بصدمة مصطنعة : انت سمعت الي انا سمعتو 😲
سليم بتوتر ليكون سمعو : هاا سمعت ايه
مصطفي بخبث : في حد بيقول علي كارمن دلوقتي حلوة وهو مش طايقها
سليم وهو يخبطه علي قفاه: تمشي قدامي وانت ساكت هاا بدل ما افضحك وشاور برأسة علي نور
مصطفي بلا مبالاة : ومالو انا كده كده هعرفها يعني 🌚
سليم بنفاذ صبر : امشي امشي اخلص بدل ما اخلص عليك
وركبو جميعا مع كارمن كانت كارمن في الامام هيا ونور وسليم ومصطفي في الخلف وتحركوا المديرية السجن ...
YOU ARE READING
جحيم كارمن
Romanceكرست حياتها للانتقام من قاتل ابيها وامها ولكن المفاجأة التي تنتظرها عند لحظة الانتقام ستغير مسار كل شيء ... رواية جديدة واحداث جديدة .. اتمني تنال اعجابكم .. واتمني تكون الرواية دي احسن من الي قبليها واخليكم مع رواية " جحيم كارمن " ...
