'ثانية واحده فقط كفيلة لكسر قلب أحدهم'
_إيڨا
هاي تاني ياشباب.
تنبيه بسيط:
نزلت رواية جديدة إسمها القواعد الثلاثون للحصول على شريك حياتك.
الرواية نزلت منها البداية لمجرد بوصلكم فكرة الرواية واللي هي عكس ماسكد تمامًا، رواية إجتماعية كوميدية شخصياتها ميتخطوش السبع أفراد وبسيطه و خفيفه جدًا.
بس مش هنزل منها حاجه غير لما ماسكد تخلص ومجرد البداية نزلت بس عشان أمهد للفكره بتاعة الرواية.
(البداية دي فصل كامل)
ملحوظه أخيرة:
حصل تغيير في أسامي بعض الأبطال و بالفعل أنا غيرت أساميهم في كل الفصول اللي فاتت كمان:
ياسين بقى سيف
أدهم: شادي
عمرو(ريس): أنس (و لسه ريس برضو زي ما هو)
زين: آدم.
التغيير ليه سبب في دماغي إن شاء الله هتعرفوه بعد كده.
وأخيرًا صلوا على شفيعنا يوم القيامة❤️
-----------------------------------------------------------
"أنا قررت أتجوز"
سقطت الأوراق من يد مالك وتناثرت على الطاولة، يطالع آدم بصدمة وأعين متسعة وكذلك فعل الجميع.. فعلا صوت سيف قائلًا بتلقائية مما لفت بعض الأنظار إليهم:
" نعم يا عين أمك"
كان يطالعهم آدم بإبتسامة مستفزة يمرر نظراته عليهم جميعًا، فتعالى صوت الشجار أكثر وبدأ كل شخص يبوح بما في داخله.
" وهي مين دي إن شاء الله؟ "
كانت تلك جملة ريس فقاطعه آسر قائلًا هو الآخر:
" وهي المشكله ف هي مين؟ المصيبه السوده ف هو ده وقته جواز يا متخلف؟"
وأضاف شادي بصوت مرتفع يشير إليه بسبابته وكأنه يثبت صحة حديثه السابق:
" مش قولتلكوا كان في مزة في التليفون"
فأضاف مالك قائلًا:
" وبعدين هو في واحده هتستحملك يا آدم أساسًا؟، علميًا مفيش بشر يستحمل كائن شبهك غير إحنا وأمك... حتى لارا مش مستحملاك"
كان سيف يضحك بسخرية في عالم موازي على حديث آدم، وحين حل الصمت والجميع ينظر له ينتظرون تفسير، فتحمحم قليلًا معتدلًا في جلسته ثم إبتسم ببرود قائلًا ببساطه كبيرة وكأنه يتحدث عن مباراة كرة قدم أو ما شابه:
" أولًا ردًا على أول سؤال، هي ليندا.. ثانيًا هل هو ده وقته؟ ده أكتر وقت مناسب فيه وهتبوسوا راسي لما تفهموا، ثالثًا لا يازفت مكانش في مزة في التليفون أنا كنت بشتغل عادي وبعدين حتى و لو، تقول على مرات صاحبك المستقبلية مزه؟... هل بقى هتستحملني أه هي هتستحملني لأنها معجبة بيا.. وأخيرًا سيف حبيبي.. بمناسبة أمي فهي بتسلم عليك وعايزاك تبقى تعدي عليها "
YOU ARE READING
مُقَنَعُون (إن سقط قناعك سقطت قوتك) من سلسلة T.D
Actionيقولون بأن الحب هو الشيء ونقيضه. إن أردت إضعاف أحدهم إجعله يقع في الحب، إن أردت تعظيم أحدهم إجعله يقع في الحب. إن أردت أن تؤلم أحدهم إجعله يقع في الحب، إن أردت أن تسعد أحدهم إجعله يقع في الحب. الحب هو أقوى شعور من مشاعر غير معدودة في بني آدم، فإست...
