තුරුම්පු ආසි♣️||[Completed]

ආසි 2 ♠️

"ශේර්....මම හරිනෙ...ඉදගන්න..."

"අය්යෙ ...."

"ඔව්..."

"ෂර්ට් එක අත් දිග...."

"ම්ම්...ඇදන් ඇවිත් නෙ.... මගෙ පිටිපස්සෙන් එන්න මල්ලි..."

ආසියා නැගිටලා යද්දි මට තිබුණෙ එයාගෙ පස්සෙන් යන එක විතරයි.... අන්තිමට එයා කාමරයක් ගාවට ගිහිං මාවත් ඇතුලට අරගෙන දොර වැහුවා.....

"ශේර් අද නන් උබ ඉවරයි....ඌ උබ ගැන දැනගෙන තමා ඔය...."

යටි හිත කෑගහද්දි ඕන දේකට කියලා මම අමාරුවෙන් හුස්ම ගත්තෙ හිතට හයියක් ගන්න.....

"හුස්ම ගන්න අමාරුද ... මේක ඇතුලෙ රස්නෙයි බන් ඒක වෙන්න ඇති....."

කාමරේ ඇතුලෙන් ආවෙ අමුතු උෂ්ණයක්...ආසියාට ඒක පුරුදු යි කියලා තේරුණේ එයාට ඒක ප්‍රශ්නයක් නොවුණ නිසා.....එයා හිතලා තියෙන්නේ රස්නෙට මට හුස්ම ගන්න අමාරු වුණා කියලා....මාත් එහෙමම ඔව් කියන්න ඔළුව වැණුවා.....

ආසියා මගේ ඉස්සරහින් හිටගත්තා ...මම අඩියක් පිටිපස්සට තිව්වා...තියවුණා....එයා ආයෙමත් තව අඩියක් ඉස්සරහට ආවා....මම පිටිපස්සට වුණා ...ඒත් තවත් බෑ.. බිත්තියයි එයයි අතරෙ මාව හිරවෙලා.....

ආසියා මන් දිහා නොබලා  අත අරන් ගියේ එයාගෙ සුදු ෂර්ට් එකේ උඩම බොත්තමට.....

"අයියෙ... ඔයා...."

"ස්ස්ස්....බලන් ඉදපන්...."

එයා කිව්වේ අමුතු විදිහකට...රාගික හැගීමක් නෙවෙයි ඒ වචන වල තිබුණෙ ...මහා අමුත්තක්.....මම බලන් ඉදියා....පපුව එකසිය ගාණට ගැහෙද්දිත් බලාගෙන ම ඉදියා....එයා පුදුම සංයමේකින් බොත්තන් ඔක්කොම ගැලෙව්වා.... හෙමීට....

"අල්ලගනින් මේක...."

එහෙම කියලා එයා ෂර්ට් එක මගේ මූණට විසික් කරා.....

"මල්ලි මගේ දිහා බලපන්....."

මම බිම බලාගෙන ඉදපු නිසාද මන්දා ආසියා මගේ නිකටෙන් අල්ලලා ඉස්සුවා.....

සාමාන්‍ය කොල්ලෙක් වෙච්ච මට එයාගෙ ඒ ලස්සනට හැදිච්ච ශරීරෙ නිසා බලපෑමක් වෙන්න විදිහක් නෑ කියලා යටි හිත කියද්දිත් උඩු හිත ඇස් වලින් ආසියාගෙ උඩුකය පුරාම දිව්වා.....ඇස් වලින් රස වින්දා.....ඔව් ඒක පුදුම ඇගක්....කුඩුකාරයෙක්ට ගංජාකාරයෙක්ට සූදූ කාරයෙක්ට කලාතුරකින් එන විදිහෙ ඇගක්........මම ගේ කොල්ලෙක් නූනත් ඒ ශරීරය මාව අඩපණ කලා වගේ.....