- ආදි -

9.

Main hall එක ඉස්සර කස්ටිය එක්ක කතා කර කර ඉද්දි මොකෙද්ද ගොබ්බ ගෝතයෙක් මගේ සපත්තුව පාගන් ගියා...

අම්මටහුකන්ඩ මූ සපත්තුව පාගලා දැක්කේ නෑ වගේ යනවා.

"සක්කිලියා...මේ අහපන්. උඹටයි මන් මේ කතා කරන්නේ---"

යුවානයට දෙකක් කියන්න කලින් පිනා රුවන් සර් එක්ක main hall එක ඉස්සරහට ආවා. අම්මපා තව ටිකක් පිනා පරක්කු උනා නම් මන් අරූට සපත්තුව ලෙවකන්න දෙනවා.

"ඒහ් ඇයි බන් අරූ හැමතිස්සෙම වලි ඇදගන්න හදන්නේ."

"සිරාවටම සහසා. ආදිට කියලා ඇරගත්ත දවසට තේරෙයි ඕකාට අපරාදේ මූ එක්ක වලියට ආවේ කියලා."

"අනේ මන්දා ඕයි. හැබැයි ඕකව මන් අතාරින්නෙ නෑ ඔහොම වලියට ආවොත් නම්."

සහස්ල එක්ක කතා කර කර ඉද්දිම එතෙන්ට විනයා ඇවිත්,

"හාහා නවත්තගනිල්ලා උඹලගේ කුටු කුටුව. අහගෙන ඉන්න බැරි නම් පලයල්ලා පංති වලට."

මූ නම් හෙන කොඩි විනයක්. ගෑනි වගේ ඔක්කොටම හොට දාගත්ත ගමන් ඉන්නේ.

"හරි ළමයි. පොඩි දේවල් ටිකක් අයෙත් මතක් කරන්නයි ඔයාලව මෙතෙන්ට ගෙන්නුවේ.
ඉතින් හෙට තමයි අපි ට්‍රිප් එක යන්නේ--"

සර් එහෙම කියනවත් එක්කම කොල්ලෝ ටික එක රැලට කෑගහන්න ගත්තා.

"හරි ළමයි කෑගහන්න එපා නිශ්ශබ්ද වෙන්න. විස්තර මුකුත් කියන්න බෑ නේ ඔහොම වචනෙන් වචනෙට හූ තියන්න ගත්තම.

ඉතින් අපි මෙහෙන් පිටත් වෙන්නේ පාන්දර 4.30ට. ඒ නිසා ඔය ළමයි හැමෝම 3.30 වෙද්දිවත් පාසලට ඇවිල්ලා ඉන්න ඕනේ. හෙට පාන්දර මෙහෙන් ගිහින් අනිද්දා හවස තමා එහෙන් පිටත් වෙන්නේ. ඒ නිසා අනිවරෙන් අමතර ඇඳුම් අරන් එන්න. ඔයාලට ෆෝන්ස් එහෙමත් ගෙන්න පුලුවන්. හැබැයි ගෙනියන්න දුන්නා කියලා ඒවගෙන් අනවශ්‍ය දේවල් කරලා අහුවෙන්න එපා ෆෝන්ස් ආය හම්බෙන්නේ නැති වෙයි කාටත්. විශේෂයෙන් කියන්න තියෙන්නේ එච්චරයි. අහ්...එහෙ මෙහෙ යන නිසා පුලුවන් හැමෝම අමතර මුදලකුත් අරන් එන්න."

"සර් බොන්ගෝ ගෙනාවට කමක් නැද්ද?"

"සර් ගිටාර් අවුලක් නෑ නේ?"