ថេយ៍ចុះចេញពីរថយន្តសេរីទំនើប ញញឹមរាក់ទាក់ទៅរកលោកតារបស់ដេវីតនិងនាយយ៉ាងពេញទី ធ្វើអោយតៃកុងសង្ហារម្នាក់នោះក៏ភ្ញោចមាត់ញញឹមតាម ។« បងទៅសិនហើយ » ថេយ៍ក៏ញញឹម ដេវីតក៏បើកឡានចេញទៅ ។ បន្ទាប់ពីឈរមើលបានបន្តិចគេក៏ងាកមកភូមិគ្រឹះបម្រុងនឹងបោះជំហានដើរចូល ។
« ញញឹមរកស្នេហ៍ដាក់វាសម្បើមណាស់ឬ?? » ជុងហ្គុកសង្រឺតជើងធ្មេញឈរជ្រែងហោប៉ៅបោះបោកប្រយោគគ្រោតគ្រាតឡើងមក ថេយ៍ក៏រាងភ្ញាក់ ព្រោះតែឮសម្ដីគេភ្លាមៗពេក ។
« បងប្រុស »
« ទៅធ្វើស្អីខ្លះជាមួយវា?? »
« គ្រាន់តែជូនមកផ្ទះវិញប៉ុណ្នោះ »
« បើគ្រាន់តែមកផ្ទះ មិចមិនខលហៅយើង ចាំបាច់អីអោយអាបារាំងនោះជូនមក » ជុងហ្គុកច្របិចប្រយោគសំណួរហាក់ចង់សង្កត់គេអោយនៅគិតមួយកន្លែង ធ្វើមើលតែថេយ៉ុងជាអ្នកទោសដែលត្រូវគេជម្រិតសួរយ៉ាងអ៊ីចឹង ។
« មិនចង់រំខានបងប្រុសច្រើនប៉ុណ្នោះ »
« ចឹងក៏ទៅរំខានវា »
« តែលោកតាគាត់ជាអ្នកអោយគាត់ជូនខ្ញុំមក » ថេយ៍ប្រញាប់តវ៉ា
« បងប្រុសចាំខ្ញុំផង » ថេយ៍ស្រែកឡើង ខណៈជើងស្រឡូនក៏បោះជំហានតាមពីក្រោយនាយរហូតចូលដល់ខាងក្នុងភូមិគ្រឹះ ។
« ថេយ៍មកហើយឬ មកអង្គុយទីនេះសិនមក » ថេយ៉ុងក៏ដើរសម្ដៅទៅសាឡុងទន់ៗតាមការបង្គាប់បញ្ជារបស់អ្នកជាជីដូនដោយមានរាងចំណាស់អង្គុយទីនោះដែរ ។
« ល្ងាចនេះថេយ៍ចង់ទៅជួបការណាត់ជាមួយគ្រួសារលោកជេសរីសជាមួយអ៊ុំទេ?? »
« បងប្រុសទៅដែរទេ?? »
« ក៏ទៅដែរ »
« ចុះលោកយាយ?? » ថេយ៍ក៏បែរមកសួរអ្នកជាជីដូន ។
« យាយមិនទៅទេ យប់ព្រលប់បែបនេះ រាងពិបាកបន្តិចហើយ មិនទៅល្អជាង »
« បាទ៎ ខ្ញុំនឹងទៅជាមួយលោកអ៊ុំដែរ »
« អឹម »
« ជុងចង់ទៅណា?? » អ្នកជាជីដូនស្រដីឡើង ក្រោយឃើញគេបម្រុងចេញទៅខាងក្រៅ ថេយ៍ក៏ងាកទៅមើលដូចគ្នា ទើបក៏ប្រទាក់នឹងភ្នែកគ្នាបន្តិច ។
YOU ARE READING
សំណងស្នេហ៍ ( ចប់ )
Romance_ត្រឹមជាកូនក្មេងមិនដឹងអី ចូលចិត្តលេងសើច តែត្រូវធ្លាក់ក្នុងគុំនុំសងសឹក ការស្អប់ខ្ពើម ក្នុងក្រសែភ្នែកគេទៅវិញ _ស្រឡាញ់ប្រែជាស្អប់ «ថេយ៍ថេយ៍អោយគុកគីណា..» _ការវិលត្រឡប់មកវិញរបស់គេ ធ្វើអោយអតីតកាលដែលកប់ជ្រៅក្នុងចិត្តផ្ទុះឡើងម្តងទៀត #ហេតុអីទុកគេចោល #ដរាប...