Unicode~
ဆေးရုံကို ပြန်လာတဲ့တလျှောက် Suzan သွေးတွေ ဆူပွက်နေသည်။
Taehyungဟာ သူ့ကိုလည်း စော်ကားသည်၊ တောင်ပိုင်းပြည်နယ်တပ်သားတွေကိုလည်း စော်ကားသည်၊ သီးခြားပြည်နယ်ခွဲထွက်တဲ့အရေးတော်ပုံကြီးကိုလည်း စော်ကားသည်။
"Suzan.. သမီးဘာဖြစ်လာတာလဲ"
"အိမ်မှာ ပြဿနာလေးနည်းနည်းဖြစ်လာလို့ပါ ဒေါ်ဒေါ်"
"အေးကွယ်...သမီးက မျက်နှာမကောင်းတော့။ ဟိုမှာ လူနာတွေရောက်နေတယ် သွားလိုက်ဦးသမီး"
ဆေးရုံက နေရာမလောက်မင။ တချို့ခြေပြတ်လက်ပြတ်လူနာတွေအတွက် ထားစရာမရှိလို့ ကြမ်းပြင်မှာ အခင်းနဲ့ ထားရသည်။
သွေးညှီနံ့တွေလည်း ရသည်။
တချို့လူနာတွေမှာ ပါးစပ်တဟဟနဲ့ ညည်းနေကြသည်။
ဆေးရုံက ထုံဆေးမလောက်၊ အနာသက်သာဖို့ ဘိန်းမရှိ။ အရာရာကပ်ဆိုက်နေသည်။
"နာ..နာတယ်"
ငုံးတိဖြစ်နေသော စစ်သားရဲ့ ခြေထောက်ကို စီးပေးရင်း ညည်းညူသံတွေကို ဒေါသထွက်လာသည်။
သူ့ခမျာ စိတ်ရောကိုယ်ပါ တက်အားသရွေ့ အရေးတော်ပုံအတွက် ပေးဆပ်နေရသည်။
ဒီလောက်လုပ်ပေးနေပြီး ဘာမဟုတ်တဲ့ Kim Taehyung ဆီက 'ပျော်တော်ဆက်' ဆိုတဲ့ စကားကို ရခဲ့တာ နည်းနည်းမှ မကျေနပ်။
"အား....သေပါပြီ!"
ပတ်တီးစည်းပေးနေရတဲ့ စစ်သားက ထအော်သည်။ လုပ်အားပေးနေတဲ့ တခြားအမျိုးသမီးတွေပါ လှည့်ကြည့်လာသည်။
"သမီး ဘာဖြစ်နေလဲ ဒေါ်ဒေါ့်ကိုပြော"
"ရှင်..."
"သမီးကြည့်ရတာ စိတ်က အလိုမကျဘဲ တခြားကို ရောက်နေလို့။ ဘာလဲ ဒေါ်ဒေါ့်ကို ရင်ဖွင့်လေ"
ထိုအဒေါ်ကြီးကို Suzanသိသည်။ အပျိုကြီးတစ်ယောက်ဖြစ်ပြီး အတ္တလန်တာက အပျိုလေးတွေအပေါ် ဩဇာလွှမ်းမိုးသည်။ အမြင်မတော်လျှင် ဆုံးမသည်။
ပါးစပ်ဖွာပြီး စပ်စုတတ်သည်။
"Suzan ဒီတိုင်းစိတ်ရှုပ်စရာကြုံလာလို့ပါ ဒေါ်ဒေါ်"
"တစ်ယောက်တည်း မြိုသိပ်မထားပါနဲ့ သမီးရယ်"
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
