Unicode~
"ဟော့တော်! ဘယ်လိုဖြစ်လာတာလဲ။ ဘောင်းဘီအောက်ခြေမှာလည်း ဗွက်တွေချည်းပဲ"
သူစိတ်နဲ့လူနဲ့ ကပ်မနေ။
မိုးရွာလို့ဗွက်ထနေသော ချိုင့်ခွက်တွေပေါ် လှည်းတွေမောင်းသွားရင်း သူ့ဆီပေကျံလာတာတွေကိုလည်း သတိမထားမိ။
အိမ်ရောက်ချိန်ကျ သူ့နှုတ်ခမ်းတွေ ဖြူစုတ်ပြီး သွေးမရှိသလို ဖြစ်နေတော့သည်။
ခေါင်းထဲ တရိပ်ရိပ်မူးတက်လာပြီး သူ့ကမ္ဘာကြီးက ချာချာလည်နေသည်။
"ခင်ဗျား နေမကောင်းဘူးလား။ နှုတ်ခမ်းတွေလည်း ဖြူနေတယ်...ဟာ လုပ်ကြပါဦး"
အိမ်ပေါက်ဝမှာ စကားပြောနေရင်း လဲကျသွားပါသော Jeon JungKook.
Taehyungက အပြေးလေးထိန်းလိုက်သည်။
သန်သန်စွမ်းစွမ်းခန္ဓါကိုယ်ကြီးက ပျော့ခွေပြီး ဖြူဖတ်ဖြူရော်ဖြစ်နေတာမို့ Taehyungစိတ်ပူသွားသည်။
"Jeon JungKook! ထပါဦး! ဦးလေးကြီး လာသယ်ကူပါဦး အခန်းထဲပို့ရအောင်။ ဟိုကလေးမ ဆရာဝန်သွားခေါ်ပေးပါဦး ဒီမှာ နှုတ်ခမ်းတွေဖြူနေပြီ"
Taehyung စိတ်ပူလွန်းလို့ ခြေမကိုင်မိလက်မကိုင်မိတွေပါ ဖြစ်လာသည်။
ချွေးစီးတွေ တပြိုက်ပြိုက်ကျပြီး တုန်တုန်ရီရီဖြစ်သည်အထိ။
"မြန်မြန်လုပ်စမ်းပါ ဦးလေးကြီးရယ်။ ကျွန်တော်စိတ်ပူလိုက်တာ။ ဆရာဝန်ကလည်း မလာသေးဘူးလား"
"လာတော့မှာပါ သခင်လေး။ Mr. Jeonက အားနည်းလို့ ဖြစ်သွားတာပါ သိပ်စိတ်မပူပါနဲ့ဦး"
"မပူလို့ရမလား။ သူတစ်ခါမှတောင် ဖြစ်ဖူးတာ မဟုတ်ဘူးလေ။ အရေးထဲ ဆရာဝန်ကလည်း ကြာလိုက်တာ"
ကပ္ပလီအိမ်စေတွေဆိုသည်မှာလည်း နာမည်ကသာ အိမ်စေ၊ နေထိုင်မကောင်းဖြစ်ရင် သခင်တွေက ပြန်ကြည့်ပေးရတာခံရတဲ့ အခွင့်ထူခံတွေ။
သူတို့ပြုစုရမယ့်အလှည့်ဆို ခြေမကိုင်မိလက်မကိုင်မိ ပျာယာခတ်နေကြတာ မြင်လို့ပင်မကောင်း။
"အဒေါ်ကြီး! ရေပတ်တိုက်ဖို့ ယူခိုင်းတာ မရသေးဘူးလား"
"လာပါပြီ သခင်လေး"
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
