Uni
သူပြောတဲ့ apartment က တော်တော်ကျယ်တယ် ၊ ပြီးတော့ luxury ဆန်တယ် ၊ စျေးကြီး ပြီးအဖိုးတန်တဲ့ အိမ်တွင်း ပစ္စည်းတွေကလည်း အများကြီးပဲ ။
နှိုင်းတို့ရဲ့ အိမ်နဲ့ယှဥ် ရင်အတော်လေးကို ကြီးသည်။
" အိုကွယ် အကျယ်ကြီးပဲ ၊ သား ရှိုင်းကို ကျေးဇူးတင်လိုက်တာကွယ် "
မေကြီးက အထုတ်တွေကိုနေရာချပြီး ရှိုင်းရဲ့လက်လေးကို ဖွဖွလေးကိုင်ကာ ကျေးဇူးစကားပြောလိုက်သည်။
" ရပါတယ် အန်တီ ၊ မိသားစုတွေပဲ "
နှိုင်းက သူ့ကိုကြည့်ကာ မျက်လုံးပြူးပြတော့ ရှိုင်းကလည်း ချောင်းဟန့်ကာ ပြန်ပြောသည်။
" ဟို....ကိုယ့်အလုပ်သမားရဲ့ မိသားစုဆိုတော့လဲ ကိုယ့်ရဲ့ မိသားစုလိုပါပဲလို့ အဲ့ဒါပြောချင်တာပါ "
" ဟုတ်ပါပြီသားရယ် ၊ အန်တီသဘောပေါက်ပါတယ် "
" မေကြီး သွားနားချင်နားတော့လေ ၊ သား ပစ္စည်းတွေ နေရာချလိုက်အုံးမယ် "
မေကြီးက သူမရဲ့အခန်းထဲကိုဝင်ကာ ခဏ အနားယူတော့သည်။
နှိုင်းလည်း အိမ်ပြောင်းဆိုတော့ ပါလာတဲ့ ပစ္စည်းအနည်းငယ်ကို တစ်ယောက်ထဲ နေရာချနေသည်။
Apartment မှာက ပစ္စည်းတွေအစုံရှိပြီးသား ဆိုတော့ သိပ်အကြာကြီးနေရာချနေစရာမလိုပေ။
" ဟူးးး ပြီးပြီ "
" အမလေး ဘုရားရေ "
နှိုင်း မိသားစု ဓာတ်ပုံကို နေရာတကျ ချိတ် နေကာ ၊ လှမလှ သေချာအောင် အနောက်ဆုတ်ပြီးကြည့်တော့ အနောက်က တစ်ခုခုနဲ့ တိုက်မိကာ လဲကျသွားသည်။ သို့သော် တစ်ယောက်ယောက်ရဲ့ ရင်ခွင်ထဲကိုရောက်နေသည်ကို သတိထားမိသည်။
နှိုင်းလည်း အတင်းဖိကပ်ပိတ်ထားသော မျက်လုံးများကို ဖွင့်ကြည့်လိုက်တော့ ဟိုလူ ပဲ ၊ မပြန်သေးဘဲ ဘာလုပ်နေတာလဲ ။
" ခင်များ မပြန်သေးဘူးလား "
" အင်း မပြန်သေးဘူး ၊ ပြောစရာရှိလို့ "
" ပြောလေ "
" ဒီနေ့ည ၈နာရီ ပါတီတစ်ခုရှိတယ် ၊ ပြင်ဆင်ထားပါ ငါလာခေါ်မယ် ၊ ပါတီက လူငယ်တွေချည်း ပေါ့ပေါ့ပါးပါးပဲမို့လို့ ပေါ့ပေါ့ပါးပါး dress ပဲ ဝတ်ခဲ့ "
YOU ARE READING
Only for you ( မင်းအတွက်သာ)
Romanceမင်းကိုဘယ်ကနေ စချစ်မိမှန်းငါမသိခဲ့ဘူး။ #ရှိုင်းဝဋ်သာလွန် အစ်ကို့ကို ချစ်ပါတယ် ဘဝနဲ့ရင်းပြီးတော့ပေါ့ #နှိုင်းလွန်းသာနွယ်
