بعد صلاه الجمعه وقفت قدام المرايه و بدأت تدهن الكريم الي الدكتوره وصفته على بطنها ، مسكت ضهرها و قعدت على الكرسي بهدوء تكمل دهن ، خرج من الحمام بينشف شعره بالفوطه لف وشه لقاها بتدهن الكريم ابتسم و قرب باس شعرها
عبد الرحمن: اساعدك
سوار: لا انا كويسه
وقف وراها و بدأ يشرح شعره لبس قميصه و اتعطر ، وقفت قدامه و حطت ايديها الاتنين على دقنه
سوار: مش هتاخدني معاك بردو
عبد الرحمن: هذي طلعه البر ( الصحراء)
سوار: منا مجربتهاش قبل كدا
عبد الرحمن: سوار انت حامل لا تتحملين
سوار: و حياتي ، انا زهقانه
عبد الرحمن: كل يوم مع سالي وين الملل
سوار: يا عبودي سالي حاجه و انت حاجه تانيه
عبد الرحمن: خلاص بوديك مكان ثاني
سوار: لا عاوزه اخرج معاك النهارده و حياتي و حياتي انا طول عمري نفسي اجرب الصحرا و التخييم و كدا
سكت عبد الرحمن
عبد الرحمن: ما في حريم معنا
سوار: هاخد سالي و ساره وجهاد
عبد الرحمن: اذا بتجلسين معهم ، إجلسي بالبيت
سوار: يا حبيبي انا هجيبهم عشان ميكنش ليك حجه اما انا عاوزه نعد في جو رومانسي بعيد عن كل الناس
عبد الرحمن: بالصحرا
سوار: وسط التعابين و العقارب ايوا ، و تديني بوكيه تعابين اديك طبق عقارب كدا يعني
ضحك عبد الرحمن و حسس على بطنها الي ظاهره
عبد الرحمن: موافق
ابتسمت و اتنططت و باست خده
عبد الرحمن: بهدوء لا تنسي انك حامل
بعدت عنه و راحت للدولاب تطلع لبس
سوار: ٥ دقايق و هتلاقيني جاهزه
سكتت شويه
سوار: لا ربع ساعه كدا
ضحك و طلع يكلم تركي يقوله يجيب البنات معاهم
تركي: انت تمزح نروح معاهم البر
عبد الرحمن: عادي نحنا معهم
تركي: سوار و سالي
عبد الرحمن: اثنين دكاتره ما يقدرون على اثنين حوامل
ضحك تركي
تركي: لا ما نقدر
عبد الرحمن: خلاص تركي سوار بتذبحني اذا قلت لها لا
تركي: سوار انجنت
عبد الرحمن: الهرمونات الهرمونات
تركي: عندي شبيهتها بالبيت تبكي بس
ضحك عبد الرحمن و قفل مع تركي ، سمع عبد الرحمن صوت سوار بتادي عليه
سوار: عبد الرحمن
دخل الاوضه و بص على الساعه الي في ايديه
عبد الرحمن: ٢٥ دقيقه
سوار: مش خساره فيا ، تعالي
YOU ARE READING
قلبي بينادي باسمك
Romanceسوار بنت مصريه ملتزمه بتعاني مش شويه مشاكل مع امها و بعد فتره بتواجه ابوها المختفى من سنين و تبدأ صفحه جديده من حياتها
