"Happy birthday, Enzo!!" Malakas na bati ko sa kaniya pagkabukas na pagkabukas ko ng pinto ng kaniyang kwarto dala ang isang cake. "Huy, bangon na nga!"
Maya maya ay bumangon din ito at agad akong nginitian. "Salamat, nag-abala ka pa talaga, nakakahiya naman." umakto pa itong nahihiya.
"Ulol, utang 'yan!" Pang asar ko at sabay naman kaming natawa. "Sandali, kakantahan kita,"
Birthday na ni Enzo!
Birthday na ni Enzo!
Birthday na ni Enzo!
Birthday! Ni Enzo! Ngayon!
Get! Get! Aww!!
Happy birthday sexbomb, Enzo!
"Oh blow the candle na, Enzo, dali!" excited kong sinindihan ang kandila ng cake para mahipan niya na iyon. Siya naman ay natatawa dahil sa kantang kinanta ko pero umiling na lang ito bago hipan ang kandila.
Matapos niyang hipan ang kandila ng kaniyang cake ay binati ko ulit ito. "Happy Birthday, Enzo! Gusto pa rin kita" saad ko nang nakangiti, ngunit ang ngiti naman na nasa mukha niya kanina ay bigla na lang naglaho nang marinig ang sinabi ko.
"Ash naman, alam mo namang-"
"Study first ka. Oo, alam ko. Ano naman? Hindi naman kita pine-pressure eh." pagputol ko sa sasabihin niya habang natatawa. Ngumiti lang ito at pinat ang aking ulo.
