နှစ်တစ်ရာ ကျင့်ကြံပြီးနောက် - ကျန်းချန်ရွှမ်

အပိုင်း ၂၆ ။ နတ်ဆိုးသားရဲအဓိကရုဏ်း

[Unicode]
နှစ်တစ်ရာကျင့်ကြံပြီးနောက်

အပိုင်း ၂၆ ။ နတ်ဆိုးသားရဲအဓိကရုဏ်း

“ဒါဆို များများသာသောက်။”

ရှုန်းဝမ်သောက်က ကျန်းချန်ရွှမ်အတွက် နောက်ထပ်ဝိုင်တစ်ခွက်ထပ်ငှဲ့ပေးလိုက်ပြန်သည်။

နှစ်ယောက်သားခွက်ကိုမြှောက်ကာ တိုက်လိုက်ကြသော်လည်း ဤတစ်ကြိမ်တွင်တော့ တခါတည်းအပြီးမသောက်ဘဲ တစ်ငုံသာသောက်ခဲ့ကြသည်။

စိတ်ဝိဉာဉ်ဝိုင်ထဲတွင်ပါဝင်သည့် ဆေးဖက်ဝင်စွမ်းအင်အားလုံးကို စစ်မှန်သောအဆီအနှစ်ထဲသို့ပြောင်းလဲပြီးနောက် ရှုန်းဝမ်တောက်က ကျန်းချန်ရွှမ်ကိုကြည့်ကာ ပြုံးလိုက်လေသည်။

“အကြီးအကဲကျန်း၊ ဒါက ငါတို့ဒုတိယအကြိမ်တွေ့ဆုံကြတာဆိုပေမယ့် ငါတို့နှစ်ယောက်အတော်လေး စိတ်ညီတယ်လို့ခံစားရတယ်။

ဒါကြောင့် ငါမင်းကို ဘာမှဖုံးကွယ်မနေတော့ဘူး။”

ကျန်းချန်ရွှမ်တစ်ယောက် ရင်တစ်ချက်တုန်သွားမိသည်။

ထို့‌နောက် ရှုန်းဝမ်တောက်ကိုကြည့်လိုက်ပြီး၊

“အစ်ကိုရှုန်း၊ ပြောစရာရှိရင်ပြောပါ။”

ချက်ချင်းပင် ရှုန်းဝမ်တောက်၏အမူအရာမှာ အလွန်လေးနက်သွားပြီး၊

“ညီလေးကျန်း၊ မင်းဒီနေရာကို ရအောင်တက်လှမ်းနိုင်ခဲ့မှတော့ ငါတို့ကျင့်ကြံရေးလောကမှာ ဘာကအရေးကြီးဆုံးလဲဆိုတာ မင်းကောင်းကောင်းနားလည်မှာပဲ၊ ဟုတ်တယ်မလား?”

ရှုန်းဝမ်တောက်က အမေးစကားဖြင့် အစချီလိုက်သော်လည်း ကျန်းချန်ရွှမ်၏အဖြေစကားကိုတော့ စောင့်မနေခဲ့ပေ။

“အဲ့ဒါက ကြွယ်ဝမှုလည်းမဟုတ်ဘူး ငွေလည်းမဟုတ်ဘူး။ အသက်ပဲ။ မင်းဘဝအတွက် အာမခံချက်ရှိမှသာ ကြွယ်ဝမှုရော ငွေရော ရှာဖွေနိုင်လိမ့်မယ်။

မင်းရဲ့ဒီတစ်ခေါက်စွမ်းဆောင်ပေးမှုကြောင့် သေချာပေါက် ထောက်ပံ့မှုအမှတ်တွေအများကြီးရမှာပဲ။