في رحلة يقودها الكابتن مُعلن عن نقطة الانطلاق لوصول الوجهة المحددة لدى الركاب المتواجدين
على متن الطائرة ولكن
رحلتي مختلفه ! انا القائد وانا الراكب
المُحزن بإنني لا اعلم ما وجهتي !
ما الدار التي تُناسبني وما الارض التي ستحتل
مكانة خاصة في قلبي !
—
الرياض | بيت ام لزّام
خلصت العزيمة وتعشو ، وخلصو مابعد العشاء من مكسرات وشاهي وغجر ، قامت من مكانها عفايف وتلبس عباتها : نستئذنك يارزنه بنمشي
ام لزّام ببتسامه : الله يستر عليكم
عفايف لّدت اتجاه بنتها مرام : يامرام يلا البسي
اخذت عباتها ونقابها ولبستهم وطلعت للسايق قبل امها
معالي وجمانه في المطبخ جالسين عند طاولة يشربون شاهي ويسولفون ،،
سمعت ان عفايف وبنتها طلعو ازفرت براحة : اوف الحمدلله ذلفو
جمانه قامت من مكانها بضحكة : لاحول ولاقوة الابالله لهدرجة متعقده منهم
معالي : يعقبن مابقى الا هن اعقد نفسي عشانهن
جمانه : اقصري الصوت امي لا تسمعتس وتزعل
؛؛طلعت من المطبخ متجهه للصالة
معالي لمت المواعين وبدت تخلص اخر شي من مواعين الشاهي ومكسرات ورتبتهم وطلعت لغرفتها..
•
|هياما بتحديد عند تركي وفهد |
اول ما وصلو لعند الموقع المتواجدين فيه البنات وعرفو بالسالفة من قوت،،
تركي بحيرة : قوت انتي عارفه وش تنطقين به
قوت : اي عارفه ومستوعبه ومايهمني احد الاهم ان البنت ترجع لاهلها
فهد بتأييد : وهذا الصح نرجع البنت لاهلها وهالكلاب اعرف كيف اصيدهم
تركي متوجهه لداخل المخزن اول ما دخل تنحنح
زينه لبست نقابها وغيد اخذت الطرحة وغطتها
على وجهها
تقدم لناحية غيد وعيونه تحت احترامًا لوجودها واردف يقول : اسمعيني يابنت الاجواد لتس وجهي وجاهي ان ما يلحقتس ضرر ولكن ساعدينا بإي طريقة رقم احد من اهلتس او تدلين الطريق اللي يودي لبيتهم
غيد برجفة وتمسك يدينها بتوتر وخوف : جوالي اخذوه وكسروه اما الطريق اي ادلّه ، انا من سكان الرياض حي...
تركي : تمام اجل باخذتس ونمشي لرياض عادي عندتس ولا تبين تنتظرين هنا حتى يوصلون لتس اهلتس
غيد فزت من مكانها اول ما سمعت طاري انها بترجع لاهلها: لا عادي وربي عادي
فهد : ضروري معنا محرم
قوت بحزم : انا اللي بروح معكم
زينه بتردد من روحة قوت : طيب واذا سئلوك وش بتقولين !
قوت بدوامة من تفكير وتشتت : بدبر امري معليك
•عند ام زينه وام قوت دخلو للمطبخ ينكبون العشاء | مزون واغاريد استلمو كل وحده فيهم شغله ، بدت تلف المطبخ وتفتح الادراج
بتعب اردفت تقول : وين صحون السلطة عجزت احصلهم
مزون تنكب الجريش وملتهيه باللي بيدها : دوري زين افتحي عينتس زين
تأففت واتجهت لراجيا ( الخادمة ) اللي كانت تدخل المشروبات الغازية بالثلاجة
اغاريد : راجيا وين صحون السلطة امداتس تجين وتغيرين كل شي من مكانه
راجيا: صحن موجود في درج صغير
اغاريد : مافيه شي دورت بكل مكان
راجيا تخصرت والواضح عصبت من فهاوة اغاريد : انتي مشكلة عقل مافي
تفاجأة وفتحت عيونها بصدمة من كلام راجيا لها : اهبي يالمقروده
جابت الصحون وحطتهم عندها ، الا ام زينه اردفت تقول : بنات وحده فيكم تروح تجيب صحن العشاء الكبير انكب لرجاجيل فيه
مزون : عن نفسي مقدر مشغوله باللي معي
اغاريد تقطع الورقيات : حتى انا يمه ، شوفي راجيا ماعندها شي وتعرف مكان الصحن زين
ام زينه : راجيا روحي جيبي صحن كبير حق العشاء سريع
توجهت راجيا للمخزن اللي برا (( مخزن ويعتبر مستودع لقدور الذبايح وكذلك الصحون الكبيره للحفلات الخاصة في عايلة ال برّاك ))
YOU ARE READING
قوت القلوب اللي من الزمن مبليه
General Fictionان ما لزّمت عهد الهوى والمحبة عقبيني الفنجال من بين الرياجيل - ماكن جيتك لديار جدي وعماني الا قوت القلوب اللي من الزمن مبّليه
