**
هياما | تحديداً بيت الجد برّاك
وجد اللي كانت بـ غرفتها من وقت ما وصلت جملا وعيالها ، قامت من السرير واتجهت للحمام ( أكرمكم الله)
غسلت وجهها ثم رَفعت أنظارها للمرآيه أزفرت بـ قلة حيله ، بـ داخلها عواصف لا حدود لها بكل مرا تنوي تَشد حدود العداوه مع أهل ابوها تحس أنها تضعف وقت تشوف والدها بينهم مبتسم ومبتهج ، طلعت لـ تسريحة ترتب شكلها الا تسمع طق الباب عرفت أنها قوت
اردفت تقول : حياك يا قوت ادخلي
دخلت ونزعت عبايتها وهي تقول ببتسامه : تدرين يا وجد احس اني اسعد أنسانه بالعالم
التفتت لـ قوت بضحكة : اسعدينا معاك يا أخت قوت
توجهت لها تأخذ المسكرا تسوي رموشها ، وهي تقول : بعدين بعدين القصة طويله الحين ورانا ضيوف خلينا نطلع لهم
وجد اللي ناظرت لـ قوت ، بخاطرها كلام تقوله ولكن متردده ، هنا حست انها تبي تقول شي ولكن بادرت : هاتي اللي بخاطرتس ياوجد
وجد اللي كانت تسوي روجها ، ناظرتها رافعه حاجبينها بتساؤل كيف فهمتها !
اخذت بيد قوت ثم جلسوا متربعين مقابلين وجيه بعض ، عدلت جلستها وهي تقول : قوت لو اعطيك سر تخبينه
قوت : اخبيها والقلب لتس مفتوح
تنهدت براحه كـَونها بتفصح عن السر اللي عايش معاها من سنين طفولتها لـحد ما أدركته : أنا احب شخص و ..
عقدت حاجبينها من سكوتها المفأجى : ايوا كملي اسمعتس ولا تخجلين ترا الحب مهوب حرام ولا عيب
وجد : هالشخص اعرفه من يوم كنا أطفال تقدرين تقولين عنه حب طفوله ومن يوم كبرت وانا اشوفه دايم لان حنا جيران ولكن من يوم كبرنا وكل منا التهى بدراسته وحياته وهو صار يدرس بجامعة الضباط اللي بـ الجوف ومعاد صرت أشوفه من تسع شهور الى اكثر
قوت ميلت شفايفها بتساؤل مهم : طيب هو يحبتس مثل ما تحبينه !
رفعت أكتافها بعدم معرفة : مدري ، أفعاله دايم لي حنونه وانسان حبيب ولكن اشوف هالتصرفات مثل ماهي معاي مع غيري واحس بقلبي نار
فجأة طق الباب بخفيف ، التفتوا بفزع وخوف ان احد سمع حوارهم ولكن عرفوا أنها الجدة شيخه اول ما قالت : يا عرايس وينكم ما طلعتوا
قوت بضحكة : جايين يالشوخي ثواني نكشخ
وجد بعدم فهم: عرايس !!
قوت ببتسامه : جدتي اذا شافت الشخص طول بالغرفة ما طلع تقول عنه عروس كون العروس تستحي ما تطلع وتطول بغرفتها شي من كلام الاولين
وجد : اها ، اقول شرايك نكمل بعدين لان الواضح ماراح نرتاح بالسوالف دامنا ما طلعنا لهم
قامت من مكانها وهي تقول : اي افضل شي ومنها اضبط لنا جلسة وننبسط فيها
اتجهت للمرآية لثواني ترتب شعرها : تمام يلا,,
عند جملا والجوهرة اللي جالسين بمجلس الحريم يتقهوون , بدت تتلفت يمين ويسار وهي تقول ; غريبه وين زوجات خوالي وبناتهم ماعندهم احترام وتقدير لجيتنا
YOU ARE READING
قوت القلوب اللي من الزمن مبليه
General Fictionان ما لزّمت عهد الهوى والمحبة عقبيني الفنجال من بين الرياجيل - ماكن جيتك لديار جدي وعماني الا قوت القلوب اللي من الزمن مبّليه
