قبل لا يدخل شاف فيصل اللي عند السياره وحالته مو على بعضها قرب لعنده وهو يقول : ولد وش فيك جالس هنا ؟
التفت للي يكلمه ويحس عيونه توجعه من كثر الضغط اللي اجتاحه واردف يحاول يشتت نفسه : ادور سماعتي طاحت بسياره
لزام اللي كان مو متطمن لوضعه لان تو شايفه مبسوط ووضعه تمام وش اللي قلب حاله كذا ، الا ينطق بتسرع وهو ياخذ غترته اللي على كتفه : مشينا ودني لمكان بعيد ،، هنا تأكد لزام ان الوضع فيه شي ما رد تماماً
استئذن من ال براك وركبوا السياره ومشوا لـ مكان يحبه وكثير
مكان يبعد عن الناس وضجيجهم دايم يحب يجيه لزام اذا حس نفسه متشتت وضايع هالمكان فيه عروق نفود ومكاااان رايييق جداً ويكفيه انه بعيد عن الناس وانظارهم
نزلوا الا ينزل لزام عزبته عزبة الشاهي والفرشة وجلسوا عليها كان حوار الجلسة صمت الا يسأله وهو يسوي الشاهي : وش فيك ما انت بخويي اللي اعرفه وش قلب جوك ؟
رفع راسه لفوق يناظر السماء والمقصد مو شوفة السماء كثر مايمنع دموعه من النزول ثواني الا ويرجع يناظر النفود وتنهد تنهيده هزت ضلوع صدره وهو يقول : ااهه يارفيقي ااهه من جرحن بوسط جوف قلبي عيا يطيب
لف عليه وعقد حاجبينه وهو يقول : وش فيك اهرج ؟
ما كن حاله الا كسير ماله طب ولا علاج نطق بضحكة استهزاء وقلة حيله : تدرين ان اللي جيتهم اليوم انهم اهلي وربعي !!
لزام بعدم فهم : وش تقول انت انهبلت ؟
فيصل : يحق في انهبل اللي يغبن اكثر جاحديني وقدام الحاضرين يقولون ولدنا سعود ماعليه احد جحدوني يا لزام اجحدوني ، كنت اشك بـ امي اقول وش فيها كل ما جيت اتكلم عنهم تسد الموضوع بكل مرا احاول حتى وانا بزر اشوف البزران كيف عمانهم وجدانهم معهم اقول ليتهم معي بس يوم كبرت تاكدت لو يبوني كان جاوني سئلوا عني اقل شي !!
ماحد جاء ماحد تكلم ماكني حي انا بنهبلللل يا لزام وش يعني انا ولد حرام عشان يجحدوني هالجحده
اخخخ ياخوك الاقدار جابتني لعندهم وبمجلسهم ليتني ما جيت ليتني ما جيت ،، كان يحس بعجز وقلة حيلة وهو يشوفه كذا الا قال : لا تسوي شي لين نتاكد من الموضوع ونبحث ، وسع صدرك يارفيقي ما ضاقت الا بتفرج واذا على موضوعهم خله عندي بجيبه كامل وانا اخو الفيصل اهم شي انت ما تشيل الحمول لحالك انا معك
فيصل : جعلك بالوجود يا اخو دنياي ،،
•تسريع للوقت بسيط مرّ اسبوع | لزام والفيصل رجعوا للرياض كل منهم عنده شغله والفيصل اللي مو على بعضه ولكن يحاول يقاوم ويشتت نفسه من تفكير ، تركي وغيد اللي كانوا عايشين مبسوطين وحياتهم هاديه ، شلة العيال اللي استقروا بالشقة اللي اخذوها ورتبوا امورهم ، بهاء اللي بدت تشتغل بشركة ابوها وصارت تقابل حاتم ولكن مابينهم الا نظرات ومن بعيد ، جُمانه اللي صارت تلاحظ على حازم تصرفات غريبه ولكن تحاول تتجاهل وتكتم وللاسف هذا زاد حالتها النفسيه للاسوء ، البنات عايشين كل منهم بيومه وحياته ، الجد براك وعائض صاروا اغلب وقتهم بالاستراحة
سعيد اللي تمت محاكمته يوم الثلاثاء وتم اصدار قرار سجنه خمس سنوات بـ قضية حق عام وخاص وترويج ولزال البحث مستمر عن اعوانه...
YOU ARE READING
قوت القلوب اللي من الزمن مبليه
General Fictionان ما لزّمت عهد الهوى والمحبة عقبيني الفنجال من بين الرياجيل - ماكن جيتك لديار جدي وعماني الا قوت القلوب اللي من الزمن مبّليه
