ارتاح والشكات ماهيب صوبك
و تسدّ عنك في غيابك سواياك
أبيض وجه وأبيض قفا مثل ثوبك
أكرم نبا وأكرم عطا مثل مخباك
ابلشت عدوانك معك وابلشوبك
ويوم استضاقوا من وقوفك وممشاك
عابوك في شيٍ ماهو من عيوبك
ياللي قليل عيوبك أحلى مزاياك
والله ماغير يخاشرونك ذنوبك
ولا ماهم مثلك ولاهم بشرواك
• عند الصحراء الرملية موسم الربيع قد ابتدا موسمه وخضار العشب بدا ظهوره وهبايب هاديه ودافئة ، بتحديد عند عزبة أبل ال برّاك |
صحى من الفجر كون مافي احد يستلم هالشغله كثره واللي هي الاشراف على عمال الابل وكذلك العزبة وما ينقصها ، نزل من سيارته يبحث عن عامل قد عمل عند الجد برّاك ما يقارب سبع سنين ومتعلم كل شي
فهد : ياوسيم ياووووولد
وسيم جاي يركض من عند مخزن علف الابل : سم سم
فهد التفت لناحية الابل ثم اخذ نظرة سريعه للحوض الكبير الفاضي من الماء والواضح ان الابل للحين ما شربت : وسيم ليش ما اسقيت الابل
وسيم : الوايت فاضي ما امداني اسوي كذا شغلة بنفس الوقت
فهد عقد حاجبينه وبستغراب: وين العامل الجديد اللي جابه جدي برّاك !
رفع اكتافه بقلة الحيلة: جديد مايدري وين مسدح راسه
فهد بضحكة كون وسيم اخذ كلامهم وحتى اطباعهم ، ربت على كتفه واردف يقول: معليه شوي شوي ويتعلم خلك معه واحرص على تصرفاته وبيمشي مثل مانبي
وسيم : ابشر ابشر
فهد : ذالحين عاوني نشيل الحوض ونحطه فوق الوايت عشان اوديه للشيب القريب اعبيه ماء واغسله
وسيم : ابشر ، مير انا بروح فوق وانت دفه صوبي
فهد : معليه يلا خلنا نعجل قبل يجي الشيخ برّاك ونروح فيها
\\ركب وسيم فوق الوايت واخذ فهد الحوض وقلبّه بشكل مستطيل وبدا يدفعه لفوق الا ان وسيم بدا يتهاوى بسبب ثقله ماهي الا لحظات وطاح الحوض بشكل مفاجئ ، من حسن الحظ فهد ابتعد بشكل سريع ولا صابه شي
دقات قلبه متتاليه بشكل مرعب اردف بنفس متقطع : الله يصيبك يالسلوقي الامعط ماتشوف بغيت تذبحني
وسيم بوهقة: والله اني مدري ماهقيت انه ثقيل
الا يرن جواله ويرفعه يشوف المتصل ورّد : اعقب ياولد انت وين ارضك ابن عمك بغى يموت وسبب هالابل
تركي بصوت ضاحك : وش تبي بي بعد برد الموت عنك مثلاً
فهد : امم امحق وعلى بالي بتقول سلامتك
تركي : الا صدق وش سبب اللي بغى يإدي لـ موتك اللي نجيت منه بفضل الله
ازفر بتعب : حوض ماء الابل نعنبوه ما ثقله بغى يبطش راسي
تركي انفجر ضحك : وش اللي ذبح ولدكم يال برّاك ! ابد ماعرف يناوش حوض ماء الابل وطاح عليه ومات
فهد بحنقة: فارقني الشرهه اني راد عليك
تركي : اصبر بسألك عن حاجة مهمه
فهد : اخلص وش هي جدي لايجي وانا ما خلصت بيذبحني صدق
تركي : اعانك الله ، ابي موقع المطعم الفخم اللي قد جيناه اول
فهد : مال القوم شوف دنيا انا اكّد عند ابل ال برّاك وهو يتمشى بالرياض والمطاعم الفخمة
تركي : قول اعوذ برب الفلق اذكر الله ياولد وتراه مغير يوم وجاي لاتحسدني
فهد : ماشاءلله يا رجال ، بقفل لادخلت السناب بتحصل الموقع
تركي : فمان الله
حصل الموقع بعد البحث عنه بقوقل ماب وارسل له وقفل جواله وكمل شغله
YOU ARE READING
قوت القلوب اللي من الزمن مبليه
General Fictionان ما لزّمت عهد الهوى والمحبة عقبيني الفنجال من بين الرياجيل - ماكن جيتك لديار جدي وعماني الا قوت القلوب اللي من الزمن مبّليه
