قوت القلوب اللي من الزمن مبليه

Part8

الرياض | صباح يوم جديد وقد انبثق نور الفجر
سّلم وقراء آية الكرسي وبدا يستغفر ويحوقل بعد ما خلص رفع كفيه
داعياً و راجياً ، وهو يقول : يارب لا يعلم بحالي الا انت وحدك وقد اهلكتني المصائب والهموم ولكن اعلم بإن ما أبتليتني الا وعوضك بيدهشني فيارب عاجلاً غير أجلاً ،، اخذ كفيه يمسح على وجهه وقام من مكانه ثم اتجهه
للحمام ( اكرمكم الله) اول ما طلع انتبه لرنة رسالة من جواله
رفعه لناحيته الا رسالة على الايميل تحمل بين نصوصها
( السلام عليكم ورحمة وبركاته ، عزيزي حاتم قد قُبلت
في المقابلة الشخصية لـ شركة رائد الاعمال عبدالعزيز السند
الحضور الساعة الثامنة صباحاً نتمنى الحضور قبل الموعد بـ عشر دقائق )
أستبشر وتهلهل وجهه نوراً ، ثم نطق بدهشة :
اللهم لك الحمد اللهم لك الحمد ؛
جلس على الاريكة ضاحكاً وكن الدنيا ابتسمت له فعلاً
اتصل على جرّهد و اول ما رد ، قال : صباح الخير
صحى من النوم عاقد حاجبينه من اتصال حاتم المفاجىء : صباح النور وش العلم
حاتم بضحكة : الناس تسأل عن اخبار بعضها وانت مرتاع مامن علم جيت ابشرك اقبلتني شركة بجري عندهم مقابلة وعلى الله
جرّهد ببتسامة : الحمدالله اجل تستاهل هدية البشاره
حاتم: كثر خيرك يلا انتظر عاد
جرّهد : يالله اجل بقفل وبتجيك الحين ،، قفل المكالمة
دخل على تطبيق الراجحي حول المبلغ ثم كبشر الايصال وارسله وهو كاتب اعذرني على القصور تكمله المحبة اللي بيننا ، ضحك على حركته ثم غفى في سبات نومه ؛
حاتم ضحك اول ما شاف المبلغ وهو ( 1ريال ) وشاف كلامه ثم رد ، مامن قصور جعلك تسلم بتجيب لي ماء قفل جواله وطلع يجهز نفسه ،،

•هياما بتحديد عند براك رجع من المسجد وعاد لروتينه المعتاد شبة الضوء ويجهز قهوته الا رفع جواله يتصل على عايض

رد ;صبحك الله بالخير

عايض ;صبحك الله بالنور

براك ;الاكيد مر عليك كلام العرب

تنهد بعجز وحيره ; الله الله جاني ولكن يابوي مانيب حارق ولدي بشي ماله فيه طاري

براك بعصبية; اجل بتحرق سمعة ولدك الكبير وترا اللي بنسويه مهوب شي حرام ولا هوب عيب بنزوج فهد بالبنت المخطوفة

عايض يحاول يكتم عصبيته ;طيب البنت مانعرفها ولا وش هي من نبزه

براك ;نشدت عنها وما فيها الا ونعم خلنا نفلح ونشيل عنا حكى العرب

عايض ; اللي تشوفه

قفل المكالمة ,الا رفع صوته منادي باسم شيخه وما مرت دقايق معدوده الا و هي جايته ولكن شاف زول وجد تصاحبها ,جلسوا قباله الا تنحنح وهو يقول ;ترا بنزوج فهد ياشيخه

نطقت بعدم استيعاب ; يويلي كيف امه ما قالت لي

براك بعدم اهتمام ;امه ماتدرين عن شي و اللي بيحصل انه بيتزوج البنت المخطوفة