💛 Players ( Part - 23 ) 💛
▫▫▫▫▫▫▫▫▫▫▫▫▫▫▫▫▫"မင်းအလုပ်ထွက်သင့်ပြီ တန်ခိုး Min Groupမှာ ငါ့လူတွေရှိနေပြီ မင်းဆီက အချက်အလက်ပေါက်ကြားတာလို့ သတင်းထွက်လို့မဖြစ်ဘူး ထင်ကြေးတွေရှိလို့လည်းမရဘူး မင်းကCEOလုပ်ရမယ့်ကောင်"
"ဒီဆိုဒ်လက်စသပ်တော့မှာ အစ်ကို ဒါပြီးရင် Resignတင်လိုက်မယ်"
"အဲ့လောက်ထိအချိန်မရဘူး နောက်လကုန်တာနဲ့အလုပ်ထွက်ပြီးသားဖြစ်ပါစေ အခုကတည်းကပြင်ထားတော့ ပြီးတော့ ဘဏ္ဍာရေးပိုင်းမှာ အခွန်တွေအတော်ရှောင်ထားတာပဲ အဲ့ဒါမင်းဖြေရှင်းရမယ့်ကိစ္စမို့ အခုကတည်းကစဥ်းစားထား"
တားမရသည့်အစ်ကိုက Min Gpမှာ တကယ်ပဲစိမ့်ဝင်နေပြီမို့ အစ်ကိုချပေးသည့်လမ်းကို ဆက်လျှောက်ရုံသာရှိတော့၏။
ဒီနေ့တော့ အစ်ကိုက Min gpထဲကSpyတွေနှင့်တွေ့စေကာ ထိုလူတွေကို တရားဝင်ထိန်းချုပ်ခွင့်ပေးလိုက်ပြီမို့ စည်းတို့မိသားစုကိုခြွေချဖို့ ခေါင်းထဲမှာ Chessရုပ်တွေကိုနေရာချရင်း ငြိမ်သက်နေမိသည်။"တန်ခိုး ဟုတ်တယ်မလား"
ပခုံးကိုကိုင်ဆွဲကာမေးလာသော ရှေ့နေကြီးကို ခေါင်းညိတ်ပြလိုက်တော့ ကျန်သူတွေအားလုံးကလည်း သူ့ဆီအကြည့်ရောက်လာကြသည်။
ထိုအကြည့်တွေဟာ မင်းစည်းစိမ်ရဲ့ သူငယ်ချင်းအရင်းကြီးဖြစ်သည့်သူ့ကို မလုံလဲသောအကြည့်တွေဖြစ်ကာ တစ်နည်းဆိုရလျှင် သူခိုးလူမိသွားသောအကြည့်တွေဖြစ်သည်။နေရာဟာ အစ်ကို့ရဲ့ကာစီနိုဖြစ်ပြီး လက်ရှိသူရှိနေသောအခန်းသည် Leoponမှတစ်ပါး သူစိမ်းဝင်ခွင့်မရှိသောအခန်းမို့ ဒီလူတွေနားမလည်ဖြစ်နေကြသည်ဟု အလိုလိုသိလိုက်၏။
အစ်ကို့ရဲ့Spyတွေက သူတောင်ထင်မှတ်မထားသည့် အကောင်ကြီးကြီးလူတွေဖြစ်ကာ Min Gpရဲ့အမှုဆောင်ရှေ့နေကြီး၊ HRဌာနက အကြီးအကဲတွေနှင့် Financeပိုင်းက ဒါရိုက်တာတစ်ယောက်..
ထို့အပြင် သူတစ်ခါမှမမြင်ဖူးသော လူကြီးတချို့လည်းပါပြီး ဒီလူတွေကို အစ်ကိုကဘယ်လိုအာဏာမျိုးနဲ့ စည်းရုံးလိုက်သလဲ…"ထိုင်ကြပါဦးဗျ"
ကိုသီဟ၏လောကွက်စကားနှင့်အတူ waitressတွေက ရေဘူးနှင့်ကော်ဖီခွက်တွေကို စားပွဲရှည်ကြီးမှာ နေရာတကျချပေးသွားသောကြောင့် ထိုလူတွေဟာ ယောင်အအဖြင့်ဝင်ထိုင်ကြ၏။
သူကတော့ ဘောင်းဘီအိတ်ထဲလက်နှိုက်ထားရင်း ဂနာမငြိမ်ဖြစ်နေသော ထိုသူအားလုံးကို ကြည့်နေမိသည်မှာ အေးအေးဆေးဆေးပင်…
YOU ARE READING
Players
Romance"Real lifeမှာ စကေးကြမ်းလွန်းတဲ့ စနိုက်ကြော်ဆိုတာမရှိဘူး ပျော်ဝင်သွားတဲ့ယောကျာ်းဆိုတာပဲရှိတယ်" "ခေါင်းလေးပဲညိတ်ပေး Bae မင်းငြီးငွေ့ရလောက်အောင်အထိ ငါချစ်ပေးမယ် မင်းငါ့ဘဝထဲဝင်ရဲပြီဆိုတာနဲ့ ဒီလူကမင်းရဲ့အပိုင်ပဲ" "လိုတရမီးခွက်စောင့်ကြီးတော့မဟုတ်ပေမယ့် ဒီ...