ပြန်လည်မွေးဖွားပြီးနောက်‌ မြောင်ကျန်းကိုပြန်ပြီးမိသားစုအမွေကိုဆက်ခံခဲ့တယ်

Ch 68- Chu Chu chu

|| Unicode ||

    အကယ်၍တစုံတယောက်သာသူနားသို့ဤမျှလောက်နီးကပ်အောင် ရုတ်တရက်ကပ်လာရဲလျှင် ဝူရုန်ဟိုးအရင်တည်းက ပစ်ထုတ်လိုက်မည်ဖြစ်သည်။ သို့သော် အခုထိုသူမှာ ဖုချင်းဖြစ်နေသည့်အပြင် ဖုချင်းလက်ရှိဖြစ်ပေါ်နေသောအခြေနေသည်လည်း သူနဲ့တနည်း တဖုံ သက်ဆိုင်နေသည်မဟုတ်ပါလား။

    ခဏမျှတွန့်ဆုတ်နေပြီးနောက် ဝူရုန်စိတ်ထဲမှကျိတ်၍သက်ပြင်းချလိုက်ကာ တွန်းထုတ်ရမည့်အစား သူလက်နှစ်ဖက်လုံးဖြင့် သူ့နောက်ကျောအားဖတ်ထားလိုက်သည်။

    "ဖတ်ထားရုံပဲလား?"

    ဖုချင်းကိုယ်ပေါ်မှအပူချိန်မှာ လွန်စွာမြင့်မားနေသောကြောင့် ဝူရုန်သည် ကျန့်ယန်မီးတွင်တစုံတရာဖြစ်ပျက်နေသောကြောင့် ယန်ချီလွန်ကဲနေသည်ဟု ဝိုးတဝါးတွက်ဆမိသည်။ ဝူရုန်၏ကိုယ်ပိုင် ခန္ဓာကိုယ်တည်ဆောက်ပုံမှာ ယင်ဓာတ်လွန်ကဲသောကြောင့် အဲကွန်းနှင့်ရေအေးတို့ထက် ဖုချင်းအပေါ်ပို၍အသုံးဝင်လေသည်။ သို့သော်လည်း သူလက်မောင်းကြားထဲမှာ မီးလိုပူလောင်နေသည့်ကိုယ်အပူချိန်သည်သူအားစိုးရိမ်ပူပန်နေစေသည်။ ဖျားနာသည့်ဝေဒနာကိုအချိန်အတော်ကြာခံစားရပါက ထိုသူတွင်ပြဿနာရှိလာနိုင်သည်။ ဤအခြေနေမျိုးနှင့် ဖုချင်းကိုဆက်ထားခြင်းမှာ ရေရှည်ဖြေရှင်းချက်တစ်ခုတော့မဟုတ်ပေ။

    သွေးတချို့ကိုဖောက်လိုက်ရင်ရော?

    ဝူရုန် ထင်းကန်နံပါတ်၄၄၄တွင်ရှိစဉ်က ဖုချင်းသူ့နဖူးအလယ်ပေါ်သို့အစက်ချပေးလိုက်သည့်အခြေနေကိုပြန်အမှတ်ရမိသည်။ သန့်စင်သောယန်သွေးတစ်စက်ကပင် သူ၏တစ္ဆေချီအားလုံးဝဖုံးလွှမ်းသွားစေပြီး ဝူရုန်၏ခြေလက်နှင့်အရိုးများထိတိုင်အပူကူးစက်ပျံ့နှံ့သွားစေသည်။ ဝူရုန်ရဲ့ကိုယ်ပိုင်သွေးကလည်း အခုဖုချင်းအခြေနေတွက်အသုံးဝင်တာဖြစ်နိုင်ပါ့မလား?

    ထိုသို့တွေးပြီးနောက် ဝူရုန် ဖုချင်းအားအဝေးသို့ အနည်းငယ်တွန်းဖယ်လိုက်သည်။ သို့သော် သူအားအနည်းငယ်မျှမစိုက်ထုတ်ရသေးခင် ဖုချင်းသည် သူ့ခေါင်းအနောက်ကိုကိုင်လိုက်ပြီး ဖိချလိုက်ရာ သူတို့ကြားမှ အနည်းငယ်မျှသောကွာဟနေသည့်နေရာလေး ရုပ်ချည်းပျောက်ကွယ်သွားတော့သည်။ သူ၏ပူပြင်းတောက်လောင်နေသောမီးခန္ဓာကိုယ်သည်း အလွန်းနီးကပ်သွားရာ တောင်လောင်နေသောအပူမှာ လျစ်လျူရူ၍မရနိုင်စွာ အတာအဆီးအဝတ်များကိုပင်ဖြတ်ကျော်လာပြီး ဝူရုန်၏အရေပြားပေါ်ကပ်ညှိနေလျက် ဝူရုန်အလိုအလျောက်ထုတ်လွှတ်နေသည့် ယင်ချီများနှင့်တွယ်စပ် သွားတော့သည်။