Oops! This image does not follow our content guidelines. To continue publishing, please remove it or upload a different image.
Paghinto
Titigil ang mundo sa mga pangyayaring hindi mo inaasahan
Iyong tipong magtatanong sa iyong sarili kung saan ka nagkulang
Sinubukan mong lahat lahat ngunit tila hindi sapat
Ibinuhos mo ang kayang isakripisyo ngunit hindi tumatalab
Magulo at hindi maipaliwanag ang buhay
Hindi mo malaman kung anong mangyayari sa susunod na kabanata
Malayong malayo sa mga nais mong mangyari
Malabo pa sa malabo ng iyong mga inaasahan
Mahirap intindihan ang ikot ng mundo
Nakalilito kung tama ba ang landas na tinatahak mo
May mga bagay na kailangang pahalagahan na hindi mo napapansin
Tanong sa sarili kung tama ba ang lahat ng iyong naging desisyon
Sa kabila nito ang buhay ay napakahiwaga
Misteryoso pero punong puno ng mahika
Mahirap hulaan subalit magugulat ka sa tinatago nitong kaluwalhatian
Ngayon, bukas, at magpakailanman ang buhay ay mananatiling makabuluhan
Author's Note:
Photo is not mine. Credits to the rightful owner.
YOU ARE READING
Mga Tula sa Tala
PoetryTula ang tulay upang maitala ang masidhing damdaming nais iparating sa mga tala
