Oops! This image does not follow our content guidelines. To continue publishing, please remove it or upload a different image.
Talim ng pag-ibig
Paano tatakasan at wakasan ang pagmamahalan?
Aanhin ang pag-ibig kung nauuwi sa sakalan?
Unti-unting nanlalamig at puro na lang sakitan
Mga sugat na tila hindi maghihilom kailanman
Bago pa magsimula ang lahat
Nangako kang buhay na langit ang aking malalasap
Subalit taliwas ito sa'king inaasahan
Mistulang impyerno ang aking dinanas
Kapit sa patalim kung tawagin
Kamalasan ang kambal nang ikaw ay mahalin
Sapagkat pinong sakit at pighati ang iyong hinatid
Tila bilanggo sa malupit mong pag-ibig
Nagkamali na ikaw ang pinili
Nagpadala sa mga kasinungalingan mong ngiti
Paano ko ngayon haharapin
Kung ako'y iyong alipin?
Author's note:
Photo is not mine. Credits to the rightful owner.
YOU ARE READING
Mga Tula sa Tala
PoetryTula ang tulay upang maitala ang masidhing damdaming nais iparating sa mga tala
