Mga Tula sa Tala

32.

Kinikimkim

Mahilig ka bang maglihim?

Itago sa pinakatatagong sulok ang iyong sekreto

Magtago sa likod ng mga matatamis na salita

At pilit na nagkukubli sa malalapad na iyong ngiti

Takot ang pangamba ang kadalasang dahilan

Dahil hindi ko kayang tiisin ang sasabihin ng iba

Baka ito ang maging mitsa

Kung saan tuluyan ka nang bumitaw sa kanila

Ang bigat na dumadaghan sa iyong kalooban maging isipan

Na mahirap maunawaan ng iba at minsan pa'y hinuhusgahan

Naitatanong sa sarili kung 'saan ko lulugar?'

Kaya pilit na lamang ikimkim kung kinakailangan

Ngunit hindi mo ba napagtatanto na ika'y nagiging alipin?

Alipin ng mga taong walang magawa sa buhay kundi ang manira at mantapak ng tao

Bakit hindi patunayan na sila'y nagkakamali

Panindigan ang tunay mong saloobin at ipakitang ika'y isang kahanga-hangang tao

Pasok sa isang tenga labas sa kabila

Huwag hayaang lamunin ng mga pananalitang panira

Sapagkat sila'y sawa lamang sa kanilang mga buhay na patapon

Ika'y tumayo, harapin sila, at bumangon

Author's Note:

Photo is not mine. Credits to the rightful owner.