ချိုမိုင်မိုင် (အပိုင်း ၂၀)
ဝေဟင့်တွင် ရည်ရွယ်ချက်တစ်ခုတိုးလာ၏။ထိုတိုးလာသည့်ရည်ရွယ်ချက်မှာ သူ့အစ်ကိုလေဟင်ကို မိန်းမမြန်မြန်ပေးစားချင်သည့်ကိစ္စသာဖြစ်လေသည်။
တက္ကသိုလ်က ဆရာမအပျိုကြီးများအား သူ့တွင်အစ်ကိုတစ်ယောက်ရှိကြောင်း၊မည်မျှချောကြောင်း၊ တက္ကသိုလ်တက်စဥ်ကပင် ကင်းဘွဲ့ရ၍မိန်းကလေးများ ဝိုင်းနေအောင်ပင်ချောမောကြောင်း၊ခန့်ညားကြောင်း ကြုံတိုင်းပြောတတ်လေသည်။
ထိုအခါ ဘေး၌အမြဲတတွဲတွဲရှိတတ်သည့် စိုးမင်းပိုင်မှာသူ့ကို မျက်နှာကြီးတမဲ့မဲ့ဖြင့်ကြည့်နေတတ်လေသည်။
"ဝေဟင်...မင်းဟာကလည်း တော်ရုံပဲစျေးဗန်းလိုက်ခင်းပါကွာ။ မင်းအစ်ကိုကမကြိုက်ရင်သက်သက်ပြဿနာဖြစ်ဦးမယ်"
စိုးမင်းပိုင်က တားပေမဲ့ သူက လက်မခံပေ။ လေဟင့်ကိုမိန်းမမြန်မြန်ယူစေချင်သည့် စိတ်ကကြီးစိုးလို့နေလေသည်။
ညနေကျောင်းပြန်သည့်အခါ ခန့်ဘုန်းတို့ကို ဝေဟင်နှင့်စိုးမင်းပိုင်နှစ်ယောက်အတူ သွားကြိုကြသည်။စိုးမင်းပိုင်ကလည်း မငြီးမငြူနေ့တိုင်းလိုက်ခဲ့ပေးလေသည်။ ဒီနေ့လည်းအတူသွားကြိုရင်း ဝေဟင်ကိစ္စတစ်ခုကိုသတိရသွားလေသည်။
"ပိုင်ကြီး...မင်းကိုငါမေးစရာရှိတယ်"
"ဘာလဲ"
"ငါတို့အိမ်မှာ မုန့်လုပ်စားတဲ့နေ့က မင်းကိုငါကြည့်နေတာ။မင်း ခန့်ဘုန်းသူငယ်ချင်းကိုကြိုက်နေတာမလား။ဦးထီးရဲ့သီချင်းကို ဆိုနေကတည်းကငါရိပ်မိတယ်"
စိုးမင်းပိုင်က ပြန်မဖြေပေ။ ပြုံးနေ၏။
"ပိုင်ကြီး...ငါမေးနေတယ်...မင်းစုရှင်းခိုင်ကို ကြိုက်နေတာမလား"
ဒီတစ်ခါတော့ စိုးမင်းပိုင် မျက်နှာပျက်သွားလေသည်။
"ဘာလဲ မဟုတ်ဘူးလား"
"အင်း...."
"မသိပါဘူး...ငါက စုရှင်းခိုင်ကိုမင်းသဘောကျနေတယ်မှတ်လို့"
YOU ARE READING
ချိုမိုင်မိုင်
Romanceအသက်ငယ်ငယ်လေးနဲ့ ခိုးပြေးဖြစ်သွားတဲ့ ကလေးလင်မယားအတွဲလေးကို ဖတ်ရမှာပါ။☘☘☘
