Qurbat (قُربت)
transl. Proximity ||
Used to point out the nearness between two persons or things.
written in 𝙧𝙤𝙢𝙖𝙣 𝙪𝙧𝙙𝙪.
Islamabad se Karachi duology - part one.
[can be read as a standalone]
─────────────
"𝘒𝘩𝘰𝘰𝘯 𝘢𝘶𝘳 𝘮𝘰𝘩𝘢𝘣𝘣𝘢�...
Oops! This image does not follow our content guidelines. To continue publishing, please remove it or upload a different image.
The starting of this chapter is a series of flashbacks
Dosri manzil pe mushtamil playroom mein teenoun bachay jamah thay. 5 saala sherry aur 8 saala bebo khirki k saath bani jagga par bethay khirki k bahir gaari k aanay ka intezaar kar rahay thay aur dhai saala chutko zameen par bethay apne gaarioun k saath khelraha tha.
Ussi waqt porch par eik siyah gaari aakar rukki aur khirki se lagaye dono bachay zorr se chilaye, "Woh log aagaye!"
Dono bachay kamray se foran bahar bhaagtay seerioun se utarrne lagaye aur chutko unko dekha dekhi mein woh dhai saal ka bacha utha aur bhaagte hoye baahar nikla magar usse pehlay k woh sirrioun se neechay utarr paata usko peechay se kisi ne uthaliya, "Tum kahan chaldiye? Gir jao ge, chutko!"
Eik boorhi khatoon thi jinke taqreeban saaray baal sufaid hogaye thay magar shakalan woh apni umar se kam lagti thein ne dhai saala bachay ko godh mein liya aur seeriyan utar ne lagein.
Drawing room k darwazay par unhoun ne usko utaar diya aur woh bhaagta apni ammi k paer k saath jakar lag gaya jo lambay sofay par eik siyah rang ki baby seat k barabar mein bethi hass rahi thein aur andar leti hoi bachi ko pyar kar rahi thein, "Aalia, shakalan toh tum par gayi hai yeh bilkul!"
"Isko seat se bahar nikalein na!", 8 saala bebo sofay k konay par bethi uchalti hoi boli thi.
"Acha acha, uchalna toh band karo!", uski ammi ne usko pakar k ruka aur hastay hoye Aalia baby seat ki belt khol rahi thein. Jaise hee unhoun ne baby ko uthaya unkay shohar ne seat hatadi aur 8 saala bebo aur 5 saala sherry khaali jagga par foran aakar bethgaye aur kamray mein tamam log unka naye mehman se milne ka jazba dekhte hass diye.
Nanha chutko sofay k saath lag gaya aur uchak uchak k dekhne ki koshish kar raha tha magar koi farq na parha. Woh dono ne uss chotay k liye manzar chupadiya tha.
"Aray bhae, chutko ko bhi koi dekhne do.", saath sofay par bethay eik boorhay mard ne kaha.
"Haan bhae, chalo tum dono hatto!", Musab Hasan, Aalia k shohar aur sherry aur iss nayi jaan k abba ne dono k kandhay thap thappatay hoye kaha aur chutko ko uthakar khaali jagga par betha diya.
Aalia uski taraf murri aur chutko k godh mein nanhi si jaan ko letaya. Sarr par pink bow bandhi woh narm chaadir mein lipti hoi thi. Chutko eik haath uskay seene par rakha betha tha aur dosre se uskay sarr ko sahara deraha tha. Nanhi se jaan ne apna sarr uski taraf murra aur chand lamhay k liye aankhein khol kar usko dekha.
"Yeh dekho, dono eik dosre se mukhatib bhi hogaye!", peechay se Musab k kandhay par haath thap thapakar chutko aur bebo k abba aagaye aatay bolay.
"Chutko meets Chutki!", 8 saala bebo ne purjosh andaaz mein bola aur sab hass diye aur chutko ussi ko dehaan se sahara diye raha.
"Your birth was one of the happiest moments in that house. I still remember. Sab itne khush thay, khaas kar tumharay dada dadi, unki laadli pouti jo rahi tum!"
