သွေးသစ်ရေချိုးပြီးတော့ကင်မရာပြင်ဖို့ဆိုင်ကိုထွက်လာလိုက်သည်။ဆိုင်ကိုရောက်တော့
ကင်မရာလေးပြကြည့်လိုက်တော့ကောင်လေးတစ်ယောက်ကသေချာကြည့်ပြီးတော့
"အကို ဒါကမရတော့ဘူးဗျ"
"ဗျာ"
"ဟုတ်တယ်အသစ်ဝယ်မှရတော့မှာ လုံးဝကြေသွားပြီ"
"နည်းနည်းလေးတောင်ပြန်ပြင်လို့မရတော့ဘူးပေါ့"
"ဟုတ်"
"ဒါဆိုအထဲကmemory stickရောထိသွားသေးလားထုတ်လို့ရောရလား"
"မထိတော့မထိဘူးဗျထုတ်ရတာတော့ခက်မယ် အရေးကြီးတာပါလို့လား"
"ဟုတ်တယ်ညီလေး အရေးကြီးတဲ့ပုံတွေပါလို့"
"ဪ ဒါဆိုကျွန်တော်ရအောင်လုပ်ပေးကြည့်မယ်လေခနနော်"
"ကျေးဇူးပါညီလေး"
သွေးသစ်ကင်မရာလေးအတွက်တော့စိတ်မကောင်းပေဒါပေမဲ့memory stickထုတ်လို့ရသေးတယ်ဆိုတော့ပျော်တော့ပျော်သွားသည်။သူဒီကင်မရာလေးကိုင်လာတာနှစ်တွေတော်တော်ကြာနေပြီဖြစ်သည်။သံယောဇဉ်လဲတွယ်နေပြီအခုတော့သူ့သမီးအမွှေစိန်လုပ်လိုက်တာကင်မရာလေးနဲ့သူခွဲရတော့မည်။
"အကိုဒီမှာ"
"ကျေးဇူးနော်ညီ"
"ဟုတ် ရပါတယ်ဗျ"
သွေးသစ်လဲကင်မရာလေးပြန်ယူလာပြီးဆိုင်ကနေပြန်လာလိုက်သည်။အိမ်ပြန်ရောက်တော့အိမ်ရှေ့မှာအမရာကမျက်နှာငယ်လေးနဲ့ဒူးလေးထောက်ပြီးလက်လေးမြှောက်နေတာမြင်တော့စိတ်မကောင်းပေခုနကလဲသူဒေါသထွက်သွားလို့စိတ်လွတ်ပြီးအော်လိုက်မိသေးသည်။အမရာရှေ့မှာဒူးတစ်ဖက်ထောက်ထိုင်ပြီးထဖို့ပြောလိုက်သည်။ပြီးတာနဲ့ထိုင်ခုံမှာထိုင်ပြီးအမရာ့ကိုယ်လေးကိုဖက်ထားသည်။
"ဖေဖေ မီးမီးတောင်းပန်ပါတယ်နော်"
"မဟုတ်တာသမီးလေးကလဲ သမီးလေးကတမင်လုပ်တာမှမဟုတ်တာမတော်တဆဖြစ်သွားတာပဲဟာ"
"ပြင်ယို့ရခဲ့ယားဟင်"
"ဟင့်အင်း"
အမရာလဲသူ့အဖေအတွက်စိတ်မကောင်းဖြစ်သွားသည်။သူ့ဖေဖေကဒီကင်မရာလေးကိုအရမ်းသဘောကျတာကို
YOU ARE READING
ပုဂံမြေကိုတိုင်တည်၍
Romanceဘယ်သူထင်မိမှာလဲကိုယ်အရမ်းရွံရတဲ့မိထွေးရဲ့သားကိုဒီလောက်တမ်းတမ်းစွဲချစ်မိသွားလိမ့်မယ်လို့ ကွန်းအသခ်ျေ ပုဂံမြေကိုတိုင်တည်ပြီးသစ္စာဆိုပါတယ်မောင်ပယင်းရဲ့ရင်ထဲမှာမောင်တစ်ယောက်ထဲပဲရှိတာပါ ပယင်းသွေးသစ်
