Uni
သူဌေးမင်းကသူဌေးကတော်အားချီမကာ ကားထဲကနေဆင်းသွားလေသည်။သူဌေးကတော်ကိုယ်လေးကတုန်ရီနေကာထိုလူခေါင်းတစ်စုံကသူဌေးမင်းပုခုံးကြားမှာနစ်မြုပ်နေလေသည်။တေဇနဲ့ဇော်လင်းကတစ်ယောက်မျက်နှာတစ်ယောက်ကြည့်ကာ အတွေးတွေကထပ်တူကြလေသည်။
" သွားချောင်းကြမလား။ "
" သွားမယ်။ "
လူပျိုလေးနှစ်ယောက်ကတက်ကြွစွာကားပေါ်ကဆင်းလို့အသာလေးသူတို့သူဌေးမင်းနောက်ကနေပုန်းလျိုးကွယ်လျိုးဖြင့်လိုက်သွားလေသည်။
အခန်းလေးထဲစံကောင်းမွန်ကသူ့ရဲ့ချစ်လှစွာသောလူသားလေးအားချီမလာပြီးနောက်တွင်ကုတင်ပေါ်မှာတင်လိုက်ကာထိုင်စေလိုက်သည်။မျက်နှာလေးတွေနီရဲနေတဲ့တခေတ်ခွန်းက ခေါင်းကိုသာငုံ့ထားလေသည်။စံကောင်းမွန်ကဘာမှမပြော ကုတင်ဘေးကအံဆွဲလေးထဲကဆေးသေတ္တာလေးအားယူကာတခေတ်ခွန်းပေါင်ပေါ်တင်ပေးလိုက်သည်။
ပြီးနောက် သူကကြမ်းပြင်ပေါ်မှာအားမနာတမ်းထိုင်ချလို့သွေးတွေစွန်းနေတဲ့လက်ကလေးအားတခေတ်ခွန်းဆီထိုးပေးလိုက်သည်။
" ဆေးထည့်ပေးပါ "
အခုတစ်မျိုးတော်ကြာတစ်မျိုးစိတ်ပြောင်းလဲနေတဲ့စံကောင်းမွန်ကခုနကတင်ကားပေါ်မှာသူ့ကိုမထိနဲ့လေးဘာလေးနဲ့ရန်လိုနေပြီးအခုများကျဆေးထည့်ပေးတဲ့လေ။တခေတ်ခွန်းကပင့်သက်ရှိုက်ကာစကားတစ်ခွန်းအားဆိုလိုက်သည်ယ
" ခွေးစိတ်နဲ့ကောင်!! "
သူ့ရဲ့ကြိမ်ဆဲမှု့ကိုစံကောင်းမွန်ကစိတ်မဆိုးတဲ့အပြင်ပြုံးရယ်လာလေသည်။သဘောကဟုတ်ပါတယ်လို့ဝန်ခံသည့်ပုံ။
" ငါခုနကစိတ်ဆက်သွားလို့ပါ မင်းသာငါ့ကိုစိတ်မဆိုးအောင်မလုပ်ဘူးဆိုငါ့လက်လဲဒဏ်ရာရသွားမှာမဟုတ်ဖူး။ "
" အခုဒီလိုဖြစ်တာငါ့ကြောင့်လို့မင်းကဆိုလိုတာလား။ "
" အဲ့မြို့အုပ်ဆိုတဲ့ကောင်ရယ် ပွဲလုပ်တဲ့ဦးခန့်ကျော်ဆိုတဲ့အဘိုးကြီးရယ်နဲ့ဝေးဝေးနေပါ ငါသူတို့ကိုသဘောမကျဘူး။ "
YOU ARE READING
သူဌေးမင်းရဲ့အချစ်တော် (ongoing)
Fantasyစံကောင်းမွန် + တခေတ်ခွန်း ငယ်ငယ်ကခင်မင်ခဲ့တဲ့ဆက်ဆံရေးကနေအကြောင်းတစ်ခုကြောင့်စိတ်သဘောထားကွဲလွဲပြီး ပြန်တွေ့တဲ့အချိန်မှာသူဌေးနဲ့အလုပ်သမားဆက်ဆံရေးဖြစ်သွားတဲ့အခါ။ Start - 3.5.2024
