Uni
အလုပ်ကိုရောက်တာနဲ့တခေတ်ခွန်းကစက်ရုံထဲဝင်သွားလေသည်။နားလိုက်တဲ့ရက်မှာမစစ်လိုက်ရတဲ့ဟာတွေကိုသူကပြန်စစ်ပြီးစံကောင်းမွန်အားတင်ပြရအုံးမည်။တစ်နှစ်ဆိုတဲ့ကာလကြီးလဲမြန်မြန်ပြီးသွားမှဘဲ သူရွာကိုပြန်ချင်နေပြီဖြစ်သည်။
အမေ့သတင်းလဲဘာမှမကြားရဘူး အလုပ်သာလုပ်နေရတဲ့ဘာပိုက်ဆံမှလဲအမေ့ကိုမပို့နိုင်ဘူး။သူတော်တော်အသုံးမကျတာဘဲလေ။
" စာရင်းတွေသေချာစစ်နော် မှားရင်မင်းတာဝန်ဘဲ။ "
အနားကိုရောက်လာလို့ဆိုလာတဲ့မိန်းကလေးအသံကြောင့်လှည့်ကြည့်လိုက်တော့ စံကောင်းမွန်ကိုမြူဆွယ်နေတဲ့မိန်းကလေးမနွဲ့မိုးဆိုသူပင်။နာမည်အတိုင်းဘဲနွဲ့နေလိုက်တာ ခါးကြီးတောင်ကျိုးတော့မည်။
တခေတ်ခွန်းပြေပြေလည်လည်ပင်သွားတက်လေးတွေပေါ်အောင်ပြုံးပြလို့။
" မပူပါနဲ့မနွဲ့မိုး ကျွန်တော်ကကျွန်တော့်အလုပ်ကိုသေချောချာလုပ်ပါတယ် မနွဲ့မိုးသာကိုယ့်အလုပ်ကိုလုပ်ပါ "
" နင်!!! နေရာကောင်းရထားတော့အာချောင်ကောင်းနေတယ်ပေါ့လေ။ "
" ကျွန်တော်ကမချောင်ပါဘူး မနွဲမိုးကသာဟိုးဘက်ကနေဒီဘက်ကိုလာတာလေ အလုပ်လေးအေးဆေးလုပ်ချင်လို့ ထွက်သွားပေးပါဗျာ့ "
" နင်...ကြည့်နေ နင့်ကိုအလုပ်ထွက်ရအောင်လုပ်ပြမယ်။ "
သူ့အားမျက်စောင်းထိုးကာပြောလို့ ထွက်သွားသူအားကြည့်ကာတခေတ်ခွန်းခေါင်းတစ်ခါခါဖြင့်သာ။တစ်နေ့တစ်ခြားသူ့ကိုမနာလိုတဲ့လူတွေကများလာသလိုဘဲ အထူးသဖြင့်မနွဲ့မိုးရဲ့အပေါင်းအပါမိန်းကလေးများဖြစ်ကြသည်။သူတို့ကတခေတ်ခွန်းဘာလုပ်လုပ်မျက်စိဒေါက်ထောက်လိုက်ကြည့်တတ်ပြီး အမှားတွေကိုလိုက်ရှာနေတတ်သည်။
သူကဘာတွေများသူတို့မကျေနပ်အောင်လုပ်မိထားလို့လဲ။ဒေါသတွေထားမနေစမ်းပါနဲ့အမတို့ရယ် ကျွန်တော်က၁နှစ်ပြည့်တာနဲ့ရွာပြန်မှာပါဗျာ...
နေ့လည်ခင်းထမင်းစားချိန်နားတော့မှဘဲတခေတ်ခွန်းကသက်ပြင်းချမိကာစာရင်းစာရွက်တွေသိမ်းရင်းစက်ရုံထဲကနေထွက်လာလိုက်သည်။အရင်နေ့တွေကဆိုစက်ရုံရှေ့မှာစံကောင်းမွန်ကားကရပ်ထားတတ်ပြီး သူ့ကိုလဲတေဇတို့ကထမင်းစားရန်လာခေါ်ကြပေမဲ့ဒီနေ့ကျလာလဲမခေါ်တဲ့အပြင် စက်ရုံရှေ့မှာတွေ့ရတဲ့ကားဟာလဲ စံကောင်းမွန်ကားဟုတ်မနေ။
YOU ARE READING
သူဌေးမင်းရဲ့အချစ်တော် (ongoing)
פנטזיהစံကောင်းမွန် + တခေတ်ခွန်း ငယ်ငယ်ကခင်မင်ခဲ့တဲ့ဆက်ဆံရေးကနေအကြောင်းတစ်ခုကြောင့်စိတ်သဘောထားကွဲလွဲပြီး ပြန်တွေ့တဲ့အချိန်မှာသူဌေးနဲ့အလုပ်သမားဆက်ဆံရေးဖြစ်သွားတဲ့အခါ။ Start - 3.5.2024
