အချိန်တွေကုန်တာမြန်ပြီး, မျက်စိတစ်မှိတ်အတွင်းမှာပဲ မုရှင်းယုမွေးနေ့ကို ရောက်လာတော့မယ်။မားမားမုက သူဆီဖုန်းခေါ်လာတယ် " သားလေး, မနက်ဖြန် မားနဲ့ စျေးဝယ်ထွက်မယ် "
" မား, ဒါက မားရဲ့ သူငယ်ချင်းတွေကို သွားဖို့မေးသင့်တာ " မုရှင်းယုက ခေါင်းကိုက်ခြင်းနှင့်အတူ ပြောလိုက်တယ်။ ယောက်ျားတစ်ယောက်အနေနဲ့ ဈေးဝယ်ထွက်ခြင်းရဲ့ ပျော်ရွှင်မှုကို သူလုံးဝ နားမလည်နိုင်ဘူး။ အခုလည်း သူမွေးနေ့က နောက်တစ်ကြိမ်ထပ်ရောက်လာပြီး သဘာဝအတိုင်း သူ့အမေရဲ့ ရည်ရွယ်ချက်က ... ။
" မား, သားနဲ့ကိစ္စရှိတယ်။ မား မနက်ဖြန်မှ လာခဲ့မယ်! " မားမားမုကအလေးနက်ထားပြောပြီး ပြန်လည်ချေပခွင့်မပေးဘဲ ဖုန်းချလိုက်သည်။
မုရှင်းယုသည် အားကိုးရာမဲ့ဖြစ်နေပြီး သူဖုန်းပြန်ခေါ် ခါနီးတွင် ဖုန်းကထပ်မြည်လာပြန်သည်။ ဒီတစ်ကြိမ်ကတော့ ရှောင်ဝမ်းဆီမှဖြစ်သည်။
" ရှင်းယု ပရိတ်သတ်တွေက မင်းကို လက်ဆောင်တွေ အများကြီးပေးကြတယ်။ ဒါပေမယ့် အခု ငါတို့မှာ ရုံးနေရာမရှိဘူး။ အဲ့ဒီ လက်ဆောင်တွေအကုန်လုံးက အမြန်ဘူတာရုံမှာ။ သူတို့ကို တိုက်ရိုက်ပေးပို့စေချင်လား? "
" အများကြီးဘဲလာ? "
" တော်တော်များများက, **နိုင်ငံအနှံ့ကပို့လာပြီး တချို့က ပြည်ပကပို့လာကြတာ " ( **နိုင်ငံအနှံ့ = တရုတ်မှာရှိတဲ့ မြို့နယ်ပေါင်းများစွာက ပို့လာတာကိုပြောတာ )
ပရိသတ်တွေက လက်ဆောင်တွေ ပို့တဲ့အခါ fan club ကို သတင်းပို့ရတယ်။ ရှောင်ဝမ်းက လက်ဆောင်စရင်းကိုကြိုရခဲ့ပြီး သူအဲ့တာတွေကို တွေ့တော့ အံ့သြသွားတယ်။
" ဒီလိုလုပ်ရအောင်, မင်း ငါ့အိမ်ကို လက်ဆောင်တွေ လာပို့ပေးလိုက် " မုရှင်းယုက WeChat ကိုသုံးပြီး ရှောင်ဝမ်းဆီ တည်နေရာကို ပို့ပေးလိုက်တယ်။
ရှောင်ဝမ်းက တည်နေရာကို ဖွင့်ကြည့်လိုက်တော့ Bailu Bay မဟုတ်လို့ အံ့သြမိပေမယ့် ချမ်းသာတဲ့သူတွေမှာ ပိုင်ဆိုင်မှုတွေ အများကြီးရှိတယ်လို့ တွေးမိတဲ့အတွက် အလေးအနက်မထားခဲ့ဘူး။ သူ ပစ္စည်းပို့ဆောင်သမားကို ဌားလိုက်ပြီး အမြန်ဘူတာသို့ သွားပြီး လက်ဆောင်ပစ္စည်းများအားလုံးကို ကားပေါ်တင်လိုက်တယ်။ ထို့နောက် တည်နေရာအရ ဗဟိုဥယျာဉ်သို့ လာခဲ့သည်။
YOU ARE READING
မသန်စွမ်းစေ့စပ်ထားသူနဲ့လက်ထပ်ရန်ပြန်လည်မွေးဖွားခြင်း(မြန်မာဘာသာပြန်)
Romanceဟိုဘက် acc log ကျသွားလို့ဒီမှာပြန်တင်ပေးပါမယ်ရှင့်