Taming the Wild Waves Rivera Series#2

WAVE THIRTY-SIX

TAMING THE WILD WAVES: WAVE THIRTY-SIX

Kinaumagahan, kahit alam kong gabi na kila Kiara ay tumawag pa rin ako sa kaniya upang ibalita ang nangyari sa amin kahapon.

Habang pinagmamasdan ko ang tatlong makapal na tuldok na umaalon kasabay ng tunog, ay hindi ko maiwasan ang kabahan.

Hindi ko alam ang dapat na gawin kung sakaling magpunta nga rito si Dark, kaya mas mabuti na siguro na malaman ni Kiara.

Marami rin namang katuturan ang isang iyon kapag dating sa mga ganito. Pero kailan nga ba pupunta rito si Dark?

Kinakabahan ako sa isiping iyon. Si Dark ang taong lagi kang gugulatin gamit ang mga galaw niya, hindi mo siya inaasahan pero makikita mo nalang kasama mo na pala siya.

Napangiti ako at umiling at nang lumitaw sa video si Kiara na pu-pungay pungay ang mata ay agad akong nakaramdam ng konsensiya.

Nagising ko yata ang isang 'to.

I was about to speak pero naunahan na ako ng isang lalake mula sa kabilang linya. Nanliit ang mga matang tiningnan ko si Kiara, na ang itsura ngayon ay tila ba nahuli na may ginagawang masama.

"Sino ba kasi 'yan?" reklamo ng lalake sa kabilang linya, at noong ulitin niya iyon ay napagtanto ko na kung sino.

I crossed my arms over my chest. I saw her biting her lower lip habang parang may sinisipa sa kanyang harapan.

Mas lalo lang akong naghinala. Hindi ko alam na ang pinsan ko ay nag uuwi ng lalaki sa kanyang condo.

"Jasper, come out now." I said impatiently. Ginawa nga ng mokong at walang kahiya hiyang lumabas at agad na yumapos kay Kiara.

Iritado naman siyang tinulak ni Kiara pero tinawanan niya lang. "Oh si Zyreen? Alam ba ni Darky 'to?" napangiwi ako sa pagkaka banggit niya sa pangalan ni Dark.

"Ewan ko sa'yo!" iritadong ani ni Kia at ako nalang ang hinarap. Napangiti naman ako at lumapit sa kanila.

Akmang magsasalita na ako kaya lang naunahan na naman ako ni Jasper. "B-buntis ka?!" tipid akong ngumiti at tumango sa kaniya.

"Sino ang ama?" tanong ni Jasper pero bago pa man ako makapag salita ay may kumalabit na sa akin.

Si Inday lang pala. "Yes, Inday?" ani ko rito. "Ah ma'am, pasensiya na ho kayo sa istorbo. May naghahanap po kasi sa inyo sa labas." nanlaki ang mga mata ko at dali daliang tumayo.

"Oh? Anong nangyari Zyreen?" puna ni Kiara pero hindi ko siya pinansin. "Ah...anong itsura?" nauutal na tanong ko sa kaniya.

Nilaro laro niya ang dulo ng kanyang buhok na tila ba kinikilig, kaya may hula na ako kung sino iyon. Kung si Raven naman iyon ay hindi na mag do-door bell pa, makapal ang mukha ng isang iyon e.

"Ma'am malaki!" kumunot ang noo ko. "Ang alin?" sabay naming sabi ni Kia, kaya nagkatinginan pa kami. "Ang katawan ma'am! Kayo naman oh, kung ano ano ang iniisip niyo." ngumiwi ako at umiling.

Mukhang wala sa katinuan ang isang 'to ngayon. "Ah sige papasukin mo nalang. Sabihin mo lalabas rin ako, sa kuwarto muna ako!" sabi ko at dahan dahan na pumasok sa aking kuwarto.

Mabuti nalang at wala akong kasama rito bukod kila manang at Inday. Si papa at mama kasi ay mag ga-gala raw, hinayaan ko na dahil wala rin naman gaanong ginagawa ngayon si mama.