Unicode
ခြံဝန်းထဲတွင်ကယ်ရီတစ်ယောက် ဂိုဏ်းချုပ်ပိုင်ပေးထားသော လက်ဝါးသိုင်းကျမ်းအားလေ့ကျင့်နေခဲ့သည်။ System မှ အတိုက်ခိုက်စွမ်းရည်အားထည့်သွင်းပေးထားသော်လည်း ထိုစွမ်းရည်မှာသာမန်ကိုယ်ခံပညာရပ်များသာဖြစ်သောကြောင့် ဤကမ္ဘာတွင်များစွာအထောက်ကူမပြုချေ။ ထို့ကြောင့် ချီစွမ်းအင်အသုံးချ၍ တိုက်ခိုက်ရသော ပညာများပိုမိုလိုအပ်သည်။
ကယ်ရီ ဖြည်းဖြည်းမာန်သွင်းပြီး လေထဲသို့ခုန်တက်ကာ လက်ဝါးနှစ်ဘက်ကိုဝေ့ရမ်းရင်း မြေကြီးအား အားဖြင့်ရိုက်ချလိုက်ရာ စွမ်းအင်များက ပတ်ဝန်းကျင်နေရာအနှံ့သို့ ပြန့်သွားပြီး လေပြင်းများဖြစ်ပေါ်လာစေခဲ့သည်။ ကယ်ရီဆက်လက်၍ လက်ဝါးသိုင်းကို မရပ်မနားလေ့ကျင့်နေခဲ့သည်
[Host တော်ပါတော့ ခြံဝန်းတစ်ခုလုံးလည်းရစရာမရှိတော့ဘူး ရပ်ပါတော့ ]
System ၏သတိပေးချက်ကြားမှသာ ကယ်ရီလေ့ကျင့်တာရပ်လိုက်ပြီး ပတ်ဝန်းကျင်သို့တစ်ချက်ကြည့်လိုက်သောအခါ ခါးလယ်မှကျိုးပဲ့ကာမီးကျွမ်းနေသောသစ်ပင်များ ၊ အစိတ်စိတ်အမွှာမွှာဖြစ်နေသော ကျောက်တုံးများ ၊ ခပ်ကြီးကြီးကျောက်တုံးတွင်လည်း ချိုင့်ဝင်နေသော လက်ဝါးရာများတွေ့လိုက်ရသည်။ ကယ်ရီလည်းကိုယ့်ကိုယ်ကိုမယုံနိုင်စွာဖြင့် သူ၏လက်အားငုံ့ကြည့်ကာ
"ဒါတွေက ငါလုပ်ထားတာလား"
[ Host ခြံဝန်းတစ်ခုလုံးကို မီးလောင်တိုက်သွင်းမိမလိုဖြစ်သွားတာရောသိလား]
"ငါကလက်ဝါးသိုင်းပဲကျင့်တာမဟုတ်ဘူးလား"
[ဒါပေမယ့် Host က မီးဝိညာဥ်သွေးကြောရှိတော့ အလိုလျောက် မီးစွမ်းအင်ထုတ်နိုင်တာပေါ့ ဒီသိုင်းကျမ်းကို ဇာတ်လိုက်မကျင့်လိုက်ရင် ရေခဲစွမ်းအင်ထုတ်နိုင်လိမ့်မယ်]
"အော်...ငါနားလည်ပြီ"
ခပ်လှမ်းလှမ်းတွင်ရှိနေသော ယဲ့ဝမ် တစ်ဖြစ်လည်း ရှောင်ပိုင်မှာတော့ သိပ်မအံ့သြသွားဘဲ တည်ငြိမ်သောအမူရာဖြင့် လှဲကာ ကယ်ရီအားကြည့်နေခဲ့သည်။ အဘယ့်ကြောင့်ဆိုသော် သူ၏အမြုတေပိုင်ဆိုင်ထားသောသူတစ်ယောက်အနေဖြင့် ဒီလောက်အတိုင်းတာစွမ်းရည်ရှိနေသည်မှာ ပုံမှန်ပင်ဖြစ်သည်။ ကြည့်ရတာသူ့ကလေးလေးတွင် ပါရမီတော့ပါပုံရသည်။ ချီစုစောင်းမှုအဆင့်၉ဖြင့် ကမ္ဘာမြေကြီးအဆင့် စွမ်းအားထုတ်နိုင်သူများမှာ တစ်ရာတွင်သာတစ်ယောက်ရှိနိုင်သော ပါရမီရှင်များသာတတ်နိုင်သည့်အရာမျိုးဖြစ်သည်။
'နတ်ဆိုးဘုရင်နေရာကို ကလေးလေးကိုပေးလိုက်ရင်ကောင်းမလား'
YOU ARE READING
SYSTEM 286 (On going)
Randomကယ်ရီတစ်ယောက် ကလေးငယ်တစ်ဦးအားကယ်တင်ရင်း ကားမတော်တဆဖြစ်ပွားခဲ့ရာမှ System 286 နှင့်ချိတ်ဆက်မိသောအခါ..... ဒီ ficလေးမှာ ကယ်ရီတစ်ယောက် မစ်ရှင်တွေထမ်းဆောင်ရင်း ဘယ်လိုအခက်ခဲတွေ၊ပျော်ရွှင်မှုတွေကြုံတွေ့ရမလဲ နောက်ပြီးအချစ်ကိုဘယ်လိုရှာဖွေတွေ့ရှိမလဲ Title...
