The Way I Loved You [COMPLETED]

Chapter 14

Pasalampak akong humiga sa kama ni Angge nang makarating kami sa bahay nila. Isinubsob ko ang mukha sa unan at doon umiyak. Sobrang sama ng loob ko sa mga sinabi saakin ni Sir Calren. Napaka dali nyang husgahan ang pagkatao ko kahit wala naman syang alam tungkol saakin.

Nasa kalagitnaan kami ng daan ng mapansin kong wala sa mood si Sir Calren. Hindi nya ako nililingon at diretso lang ang tingin nya sa kalsada. Ayoko nanalng din syang pansinin dahil alam ko huhupa din ang kung ano man ang trip nya sa buhay at ayaw nyang pumansin ng kahit anong humihinga.

"You should've waited for me." Mapakla nyang sabi habang nakatitig parin sa daanan.

Hindi ko sya nilingon dahil pinasasama na din nito ang timpla ng mood ko. "Ayos lang  naman po ako."

"That's because nandoon ako. What if I wasn't there?"

Umismid ako. "Kilala ko naman po si Yuan. Mabait sya."

"You don't know guys that well, Taffy. Bad guys don't declare at first meeting that they aren't good." Saad nya.

"Pero mabait naman talaga sya." Pilit ko.

"You just fucking met him yesterday! How can you say that he is kung isang araw mo pa lang syang nakakasama? Don't be such a lamb, Taffy." Inis na singhal nya saakin. Bigla syang napapreno nang sabihin saakin 'yon. Hinampas nya ang manubela sa inis.

Natulala ako habang nakatingin sakanya. Malapit na kami sa bahay nila Ate Delya.

Napapikit sya at sumandal sa upuan nya habang ako ay napayuko at pinipigilan ang mga luha sa pag patak. Nanginginig din ang mga kamay ko.

"Naging mabait din naman po kayo saakin nung una tayong nagkita. Hindi ko naman kayo hinusgahan agad at inisip kong mabait kayo." Saad ko habang nanginginig ang mga labi dahil naiiyak na din ako.

Kinalas ko ang seatbelt at binuksan ang pintuan. Lumabas ako ng kotse at nagsimulang maglakad. Tumutulo na ang mga luha mula sa mata ko. Nang marinig ko ang pagbukas ng pinto ng kotse ni Sir Calren ay nagsimula na akong tumakbo.

Nang maka rating ako sa bahay ay agad akong pumasok sa kwarto ni Angge. Umiyak ako ng umiyak doon. Tatlong beses nya na akong kinatok para magkipag usap saakin pero hindi ako lumabas.

"I'm sorry. Please, let's talk." Sabi ni Sir Calren mula sa labas ng pintuan.

Narinig ko ang pag uusap nila ni Ate Delya sa labas. Mukhang nakauwi ma sila galing sa plaza.

"Ayaw nyang buksan ang pintuan? Siguro nga ay masama ang loob sayo. Ano ba kasi ang nangyari?" Tanong ni Ate Delya kay Sir Calren.

Hindi umimik si Sir Calren sa tanong nya. Hindi ko na iyon pinansin at itinulog na lang ang sama ng loob na nararamdaman ko.

Nang magising ako ay alas otso na ng gabi. Nasa papag na din si Angge at natutulog na. Iunlock ko kasi ang pintuan kanina bago ako matulog dahil alam kong papasok si Angge.

Bigla akong nagutom kaya lumabas ako ng kwarto. Tulog na ata sila dahil medyo dim na ang ilaw. Nadatnan ko si Sir Calren a nakaupo sa lamesa at gamit ang laptop nya. May tinatrabaho ata kaya hindi ko nalang inistorbo. Walang imik akong pumunta sa kusina para mag hanap ng makakain.

"Your food is here." Saad nya ng maramdaman ako.

Nilingon ko sya at kung saan ang itinuro nya. Nasa lamesa ang pagkain at tinakpan 'yon ng food cover.

Nakasuot sya ng salamin ngayon at bagong ligo. Simpleng t shirt lang ang suot nya at pajama na blue. Amoy ko ang din ang mabangong sabon na ginamit nya sa pag ligo.

Tumango ako kumuha ng pagkain sa lamesa. Kinuha ko iyon at dinala sa sala. Ayokong kumain doon sa lamesa dahil makakaistorbo lang ako sakanya.

"You eat here. Ako na dyan." Saad nya at akmang kukunin na ang laptop nya.