နိုင်ငံတော်စျာပနအခမ်းအနားရော နန်းတက်ပွဲပါ
ပြီးသွားခဲ့ပြီမို့ ဆောင်ဟွန်းနောက်တစ်နေ့ညီလာခံမှာ တင်ပြရမယ့်သက်သေတွေ ပြန်လည်စိစစ်ပြင်ဆင်နေချိန်တွင်
စစ်စခန်းအတွင်းသို့
မဖိတ်ခေါ်သောဧည့်သည်တစ်ဦး ရောက်လာခဲ့သည်။
" စစ်သူကြီးချုပ် အရှင်မင်းကြီးကြွချီလာပါတယ် "
ရောက်လာပြီဆိုမှတော့ဖြင့် မဖိတ်ခေါ်ချင်လည်း ဖိတ်ခေါ်ရတော့မည်။
စစ်စခန်းအတွင်းက ဆောင်ဟွန်းရဲ့အလုပ်ခန်းထဲသို့ ဝင်လာသော ဘုရင်အသစ်ကို ကြိုဆိုပြီးလာရင်းကိစ္စကိုမေးမြန်းလိုက်သည်။
" ဒီနေ့လာတာက စစ်သူကြီးချုပ်နဲ့ အပေးအယူလုပ်ဖို့ လာခဲ့တာပဲ "
အပေးအယူတဲ့ ကိုယ်ကျိုးပဲကြည့်တတ်တဲ့သူရဲ့နှုတ်ကအပေးအယူဆိုတဲ့စကားကြောင့် ရယ်ချင်သွားသည်။
သူများဆီကနေ လိုချင်တာယူပြီး ဒုက္ခတွေသာပြန်ပေးတတ်တဲ့သူတို့ရဲ့အကျင့်ကိုနားလည်နှင့်ပြီးသားဖြစ်ပေသည်။
" ဘာအပေးအယူများလုပ်ချင်ပါသလဲ မင်းကြီး"
" မောင်မင်းလက်ထဲမှာရှိတဲ့ သက်သေတွေ ကိုယ်တော့်လက်ထဲ အခုအပ်လိုက်ပါ"
ဘုရင်ဖြစ်ပြီမို့ သက်သေတွေကိုဖျောက်ဖျက်ချင်တိုင်းဖျောက်ဖျက်ခွင့်ရပြီဟုမှတ်ယူထားပုံရသောထိုသူက ပြောင်ပြောင်တင်းတင်းပင် သူ့အပြစ်တွေကိုမီးမောင်းထိုးပြနေတဲ့သက်သေတွေကို ဆောင်ဟွန်းထံမှတောင်းယူနေသည်။
" နိုင်ငံအတွက်တာဝန်ထမ်းဆောင်ဖို့သွားတဲ့စစ်သူကြီးကိုလုပ်ကြံတယ်။
ရန်သူကိုသတင်းပေးတယ် မြေပုံလဲပြီး အချိန်ကြာအောင်လုပ်တယ် ဒါတွေအားလုံးက အလွယ်တကူ လျှော်ပေးလိုက်လို့ရတဲ့အပြစ်မဟုတ်ပါဘူး ရာဇဝတ်မှုပါ။
နိုင်ငံကိုကြိုးကွင်းစွပ်တဲ့ ရာဇဝတ်မှုပါ။
ဥပဒေအထက်မှာ ဘယ်သူမှမရှိစေရဘူးဆိုတဲ့စကားအတိုင်း
ဘယ်ရာထူးက ပုဂ္ဂိုလ်မဆို အပြစ်ကိုပြန်ပေးဆပ်ရမှာပါပဲ"
ဆောင်ဟွန်းကားကြောင့် ဘုရင်ကဒေါသထွက်ကာ ရှူးရှူးရှားရှားဖြစ်သွားသည်။.
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
