ဘဲ့ဒူတောင်တိုက်ပွဲကား စတင်ချေပြီ။
တိုက်ပွဲအတွေ့အကြုံမရှိသောစာသင်သားများနှင့်ပြည်သူများကို နောက်တန်းတွေသာနေကာ ကူညီစေပြီး ဟွန်းနှင့်ဂျိုဝီတပ်များက ရှေ့တန်းမှ ကာပြီး တိုက်ကြသည်။
ဟွန်းဘက်မှာ အသက်မွေးဝမ်းကြောင်းအစုံ၊ လူတန်းစားအလွှာအမျိုးစုံမှလူများပါဝင်တာကြောင့် ကိုယ်ကျွမ်းကျင်ရာ သက်ဆိုင်ရာနယ်ပယ်များမှာ တာဝန်ယူလုပ်ဆောင်ကြသည်။
ဆေးပညာတတ်ကျွမ်းသူ ၁၀ဦးခန့်ပါလာသည်ဖြစ်ရာ ထိုသူများကို ဆောနူးကဦးဆောင်ပြီး ဒဏ်ရာရလာမည့်သူများအတွက် အရေးပေါ် ကုသပေးနိုင်ဖို့ ကြိုတင်ပြင်ဆင်ထားရသည်။
စစ်ပွဲဖြစ်တာကြောင့် အကောင်းမြင်စိတ်နဲ့ ကောင်းသောအရာတွေကိုချည်းပဲ မျှော်လင့်ထားလို့မရပေ။
အဆိုးဆုံးအခြေအနေအတွက်လည်းကြိုတင်ပြင်ဆင်ထားရပေမည်။သေစေနိုင်သောလက်နက်များဖြင့်အသည်းအသန်တိုက်ပွဲဝင်ကြမည့်သူတွေမို့ ဒဏ်ရာကတော့အနည်းနဲ့အများရကြမှာ အသေအချာပင်။
အထိအခိုက်နည်းဖို့သာဆုတောင်းရမည်။ဂျိုဝီအခြေစိုက်စခန်းဖြစ်သော ဘဲ့ဒူတောင်မှာဖြစ်တဲ့တိုက်ပွဲမို့ ရေမြေအနေအထားကျွမ်းကျင်သော ဟွန်းရဲ့ ဂျိုဝီတပ်များဘက်မှ အရေးသာလေသည်။
ထန်နိုင်ငံကိုတိုက်ခိုက်ဖို့ စစ်သည်ထုတ်ပေးရန်တွန့်ဆုတ်နေကြသော ဘုရင်နဲ့မျိုးနွယ်စုခေါင်းဆောင်များက
ဂိုဂူလျောသားအချင်းချင်းတိုက်ခိုက်ကြသည့် စစ်ပွဲမှာတော့ အဆမတန်များပြားသောစစ်အင်အားကိုအသုံးပြုထားတာကြောင့် စက်ဆုပ်စရာကောင်းသောစိတ်ထားကိုအတိုင်းသားမြင်သာနေသည်။ထိုအခြေအနေကို ဂိုဂူလျောပြည်သားများအားလုံးလည်း မျက်မြင်တွေ့ရှိသွားကြသည်ဖြစ်ရာ တစ်နိုင်ငံလုံး ဘုရင်ကိုအသည်းခိုက်အောင်မုန်းတီးကြတော့သည်။
" မီးလောက်လွှဲတွေအဆင်သင့်ပြင်ထား ရှေ့ပြေးမြားတပ်ဆုတ်လာတာနဲ့ တစ်ခါတည်းပစ်ချမယ် "
ဓားချင်းခုတ်သံ ကျောက်တုံးများပစ်ချသံ ဒဏ်ရာရသူတို့၏ဆူညံအော်ဟစ်သံများဖြင့် မျက်စိရှေ့ကမြင်ကွင်းက အနိဌာရုံအတိ။
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...