كان دايم يرد عليها وهو معجب بشخصيتها وكتاباتها وكانت من المعجبات الوحيدات اللي يرد عليهم وينتظر ردهم لان مستحيل يجي يوم وماترسل له ولاحظ انها محتترمهه ماتاخذ وتعطي وتتطول معه( رغم انها جداً جداً تحبه)
ريث بذهول؛انتي المعجبه المجهوله اللي طلعت عيوني تقولين مستحيل تعرف اسمي !
ضحكت بخفه وهي تقول : اييه
ريث اللي مسك قلبه على ضحكتها وهو اول مره يسمعها
ولف وهو يمسح على وجهه ويسمي عليها ويخفي ابتسامته وكمل طريقه وهو مروقق
ريث: اجل طلعتي معجبه فينيي من اول وتو تعرفين انه انا وانتي كل ليلة ترسلين؟
ميار اللي ماكانت تشوف الا مجرد سايق وكانت ماتهتم تشوف ملامحه حتى سكتت بعدها استوعبت صح هوو سايقي :ششللون؟؟؟!
هو استغرب ريث: وش اللي شلون؟
ووصلو للشركه ونزلت بدون ترد عليه وهي للحينها مصدومه
في مكان آخر
غيث اللي له اسبوع وهو منهك من العمل لكن كانت بكل دقيقه تتداهمه نظراتها وكلامها وطيفها وحركاتها وصار يقول ياربي من وين جيتي ي غيم من عرفتك وانتي ببالي!!
كنت اظنها عابره بس ماتوقعت كذا تشغل بالي
وشفيني انا لايكون حبيتها؟ حرك راسه بتعب وقال لا لا مستحيل وش تخربط انت ، قلبك ماعرف الا ميار بنت عمه ولايقدر يهوى غيرها تنهدد بتعب من افكاره ومستغرب ان هالغيم مافارقته ونظراتها الفاتنه والغريبه كانت بكل مره تتداهمه وتشوش عليه عمله وافكاره وصار مشتت بعد صراع مع افكاره طلع من مكتبه وهو يبي ياخذ اجازه
قابل بطريقه نواف
نواف: غيث على وين
غيث: ابد ياخوي ضقت وبطلع اغير جو وارجع لان تركيزي مو معي
نواف: تسمح لي اجي معك
غيث: افا عليك مافيها استذان ذي حياك
غيث اللي يرتاح لنواف وهو الوحيد اللي حبه بهالديره وارتاح له وبحكم انه زميله بالعمل
راح هو وياه لكوفي قريب من قسم الشرطه
غيث اللي بدت ترجع له افكاره لما شاف القهوه وهو يتذكر كيف رفضت القهوه لما عطاها وهي بالمستشفى وبدا يطفش من كثر ماتطري عليه وتخربط عقله!
غيث بهمس: استغفر الله بس شبلاي انا
نواف اللي لاحظ عليه: ياخوي انطق انت بك شي؟ واضح انك مو على بعضك
غيث : لا والله بس هالفترة صارت تطرى لي كثير افكار مزعجه
قاطعه صوت رنة جوال نواف
نواف عن اذنك برد الوالده
غيث :ابد خذ راحتك
عبير: يمه قلبي كيفك
نواف: بخير يعيني آمري؟
عبير: ابيك تمر الصيدليه تشتري لريان شاش لان بنغير له اللي برجله
نواف: زين يعني غيم للحينها عندنا
غيث رفع راسه لما سمع اسمها وقال انا شفيني من كثر مافكر فيها حتى اسمها صرت اسمعه ولا وش!!
عبير : اي مدري تقول مابي ارجع البيت اختك مو بخير لكن بعرف وش وراها
نواف: اكيد يمه عشان ولدها مستحيل بتصير بخير بعد اللي مرت فيه انتي لاتضغطين عليها
YOU ARE READING
وصلُك غايتي
Romanceكانت راجعه من الجامعه بباريس ويخطفونها رجال عصابه عربيه تخطط تهرب منهم تتفاجئ وتنصدم ان ضحيتهم الثانيه ورغبتهم بالاستمتاع بتعذيبها .........هي اختها ياترى مالذي حدث معهم؟؟!💔💔
