وصلُك غايتي

بارت٣٩

عند رنيم
بيتر جاء لها وهي حاطه راسها على الطاوله ونايمه من بدايه الكلاس وانتهى الكلاس وهي باقي نايمه
حط اصبعه السبابه وسط الابهام ويطلقها على راسها صحت بالم من اصبعه اللي دق براسها وهي تتلفت والكلاس شبه فاضي :من متى نايمه!
بيتر: من بداية الكلاس
رنيم: صوتها يجيب النوم
بيتر ابتسم لها : تعالي معنا للمطعم، السكاندرا ماتت من الخوف عليك انتي واختك وحكيها شصار
رنيم: مو اليوم، لازم ارجع البيت بدري
بيتر: لا اول تجين معاي لاني مو مستعد اشوف السكاندرا ونتو مو معي وقتها تقلب وحش وتعضني
رنيم اخذت شنطتها وهي تمشي معه وتضحك على السكاندرا اللي كانت مسيطرة : طيب انت ليه تسكت لها
بيتر: شسوي خرجت على الدنيا قبلي بخمس دقايق وذلتني عليها
رنيم فطست ضحك
بيتر: وين خواتك ؟
رنيم : الحين ادق عليهم

عند عناد
كان يشرح لطلابه بعد مده من الشرح والعطاء انتهى الدرس وخرج الطلاب وبقيت يقين
جت لعنده وهي تساله عن كم مسأله
عناد: ماعندي اي وقت اشرح لك الان لكن مو مشكله على الساعه٢ تعالي مكتبي بكون فاضي
يقين: تمام يعطيك العافيه
عناد اول ماخرجت يقين اخذ جواله وهو يسال الخادمه : هل اكلت فطورها؟
الخادمه: اجل سيدي ولكنها دخلت لمكتبك مع اننا رفضنا ذالك وأقفلت على نفسها فالمكتب
عناد اللي عصب واخذ اغراضه واتجه لفلته
وهو يقول ( يالله ياعادل بنتك ذي لازم ارجعها لك )

فالمكتب الخاص بعناد
كانت رفيف تقلب ببعض الاوراق اللي مافهمت منها شي وطاحت عينها على اسم عناد بالكامل
شهقت بصدمه!!
رفيف:يعني هو عمي؟؟؟
فجاءه سمعت صوته وهو يكلم الخدم  فزت وارتبكت وهي ترجع الاوراق زي ماكانت وتجلس ع الكنب
عناد: ليهه جايه مكتبي الخاص؟
رفيف: ماكنت ادري شفته مقفل وجاني فضول ادخله
عناد: لاعاد اشوفك هنا سامعه!
رفيف  بملل: حاضر ، عادي اسال!
عناد : استعجلي
رفيف: ليه اخذتني!! وش تبي فيني؟ ليه تهتم لامري؟
عناد : بعدين بتفهمين هذا كله
رفيف: من حقي اعرف الان وبعدين انا طفشت الصبح كله بالبيت تعودت اروح المدرسه
عناد: مدرسه مافيه، بجيب لك معلم يدرسك
رفيف طلعت بضجر من هالمكان اللي هي فيه صح ان كل شي تبيه يجيها ومحد يضرها والكل عند كلمتها وكانها اميره ومتوصي فيها عناد وهي مستغربه هذا كله لكنها الان عرفت انه عمها وخف توترها وخوفها تدريجيًا تلاشى