بعد اسبوع على ابطالي فالرياض...
غيث انشغل بقضية نواف طيلة هالفترة
وماكان يلازمه الا طيفها اللي يقطع قلبه ويهز كيانه نحيبها وبكاها بلحظة انهيار كله كوم ونظرات عيونها كوم ثاني
غيث: السلام عليكم
ريث: اهلاً وعليكم السلام
غيث: وين اقدر اقابلك ؟
ريث: وينك انت اجيك
غيث : فال.......
ريث : يلا دقايق وجايك
غيث قفل المكالمة واتجه للمكان اللي اتفقو عليه
ريث تجهز وبيطلع ويوقفه صوت الرساله
شاف المُرسل وكان مكتوب( المعجبه ميار)
ابتسم وهو مشتاق تنهد وطلع وهو ماشاف الرساله وكالعاده مارد عليها وهي بدورها ماتدري شصار معه من اسبوع مختفي ولايرد وخافت عليه
اما هو فكان يتجاهل انه يكلمها او انها تشوفه بهالحاله وهو حريص ان خاطرها يبقى بخير حتى لو هو مو متاكد من معزته عندها لكن مايبي شي هالفتره غير انه يكون قريب من اهله وينتقم لاخوه
عند عناد
دق على عادل
عادل: انا ياخوي شكلي بجيك باريس
لان ماني مرتاح هنا فالرياض حاس هالمره مابتتقفل القضيه بسهوله
عناد: مشكلتك ماعرفت تختار رجالك!!
عادل: مو وقت هالكلام لكن ماراح تعدي هالقضيه بسلام
عناد: وش تفكر فيه
عادل: انا لازم اسافر قبل حتى يشتبهون فيني لان قد حققو معي وماتركت اي دليل وكنت واثق لكن فيه محقق جديد مارتحت له اسمه غيث وواضح انه بيرجع لي
عناد: اجل انا بجهز لك تذكره ومن بكرا رحلتك وعندي لك مفاجاة لاجيت تشوفها
عادل: الله يستر
عناد: معليك بتعجبك
قفل المكالمه واتجه لغرفة رفيف
عناد: رفيف اليوم بيجيك مُدرس خصوصي
رفيف: يالله قلت لك ابي مدرسه مااحتاج معلم!!
عناد: اتنهى النقاش بهذا الموضوع
شقة فيصل وخالد
فيصل: انفدا خشمك ياخي
خالد: لو ادري انك بتروق كذا كان زينت لك الفطور كل يوم
فيصل: انشهد انك كفو ، وحبه فخشمه وقام بعجله يلا بلحق الله يستر من هالوظيفه يارب اوصل للي ابيه ادعي لي انت
خالد وهو ياكل لقمته: اي وعلمني اذا بنت عناد حلوه او لا ،امكن اصير حارسها الشخصي وانشبلك حتى بوظيفتك
فيصل: يليل انت صدق ماتنعطي وجه وخر بس
خالد ضحك: لهدرجه وجودي ثقيل عليك
فيصل : وتسااالل؟؟ ثقيل وبس
خالد : الله ياخذ عدوك ماتعرف تجامل
فيصل: فديت راسك المربع يلا انتبهلك
خالد ابتسم: وانت بعد انتبه لك
आप पढ़ रहे हैं
وصلُك غايتي
रोमांसكانت راجعه من الجامعه بباريس ويخطفونها رجال عصابه عربيه تخطط تهرب منهم تتفاجئ وتنصدم ان ضحيتهم الثانيه ورغبتهم بالاستمتاع بتعذيبها .........هي اختها ياترى مالذي حدث معهم؟؟!💔💔
