သွေးသစ်အလုပ်တွေပါးသွားတော့သမီးလေးနဲ့ညစာစားဖို့သမီးကိုသွားခေါ်လိုက်သည်။receptionနားမှာအမတွေနဲ့ဆော့နေတဲ့သမီးလေးမြင်လိုက်ရတော့သွေးသစ်အမောပြေသွားသည်။
တကယ်ပါသမီးလေးကသွေးသစ်အတွက်တော့တကယ့်အမောပြေဆေးလေး။ဘယ်လောက်ပင်ပန်းလာလာသမီးလေးမျက်နှာမြင်လိုက်တာနဲ့ပင်ပန်းတာတွေချက်ချင်းပြေပျောက်သွားသည်။ဒါကြောင့်ဖေဖေရှိတုန်းကအလုပ်ကပြန်လာရင်သွေးသစ်ခပ်လာပေးတဲ့ရေအရင်မသောက်ပဲသွေးသစ်ကိုအရင်ကြည့်တာဖြစ်မည်။ဖေဖေကအလုပ်ကပြန်လာတိုင်းသွေးသစ်ကဖေဖေ့အတွက်ရေအမြဲခပ်ပေးသည်။ဖေဖေကသွေးသစ်ခပ်ပေးတဲ့ရေမသောက်သေးပဲသွေးသစ်ကိုသူ့ရင်ခွင်ထဲထည့်ပြီးပြုံးပြုံးလေးနဲ့အမြဲတမ်းကြည့်သည်။ထိုအချိန်တုန်းကတော့သွေးသစ်နားမလည်ပါ။အခုသမီးလေးရလာမှဖေဖေ့ကိုနားလည်တော့သည်။သွေးသစ်သမီးလေးကိုမြင်တော့အတိတ်ကသူနဲ့သူ့အဖေအကြောင်းပြန်စဉ်းစားမိသွားသည်။သွေးသစ်လဲစဉ်းစားတာဖြတ်ပြီးသမီးလေးကိုထမင်းစားဖို့ခေါ်လိုက်သည်။
"သမီးငယ် ထမင်းစားရအောင်လေ"
"ယာပြီဖေဖေ"
ဆိုကာသွေးသစ်ဆီလုံးလုံးလေးပြေးလာလေသည်။သွေးသစ်လဲဖက်လိုက်ပြီးပါးဖောင်းဖောင်းအိအိလေးထဲသူ့နှာခေါင်းလေးနစ်ဝင်သွားတဲ့အထိနမ်းပစ်လိုက်သည်။
"ဖေဖေဘာချက်ယဲ"
"ငါးချက်"
"ဟင် ငါးဟင်းကြီးယား"
"ဟုတ်တယ်လေသမီးရဲ့"
"ငါးဟင်းကြီးရှိုရှားချင်ဝူး"
"ဘာလို့လဲသမီးလေးကလဲ ဖွားဖွားကြီးချက်ထားတာလေကောင်းမှကောင်း"
"ဟင့်အင်း ဟင့်အင်း မီးမီးရှားချင်ဝူး အဲ့ငါးကြီးပဲချက်တာတုံးရက်ရှိပြီ"
ဆိုကာလက်သေးသေးလေးတွေသုံးချောင်းထောင်ပြပြီးပြောလေသည်။သွေးသစ်သဘောတကျရယ်လိုက်သည်။ဟုတ်တော့လဲဟုတ်ပါသည်။သူ့အဒေါ်ငါးဟင်းချက်တာဒီနေ့နဲ့ဆိုသုံးရက်ရှိပြီဖြစ်သည်။အမရာလေးကငါးမကြိုက်တော့ပိုဆိုးသည်။
"သမီးငယ်ကလဲရှေ့နှစ်ရက်တုန်းကတောင်စားပြီးတော့ မနက်ဖြန်သမီးငယ်ကြိုက်တာပြောဖေဖေချက်ကျွေးမယ်အခုတော့ဒီနေ့တစ်ရက်လေးစားလိုက်ပါကွာနော်"
JE LEEST
ပုဂံမြေကိုတိုင်တည်၍
Romantiekဘယ်သူထင်မိမှာလဲကိုယ်အရမ်းရွံရတဲ့မိထွေးရဲ့သားကိုဒီလောက်တမ်းတမ်းစွဲချစ်မိသွားလိမ့်မယ်လို့ ကွန်းအသခ်ျေ ပုဂံမြေကိုတိုင်တည်ပြီးသစ္စာဆိုပါတယ်မောင်ပယင်းရဲ့ရင်ထဲမှာမောင်တစ်ယောက်ထဲပဲရှိတာပါ ပယင်းသွေးသစ်
