ပုဂံမြေကိုတိုင်တည်၍

အပိုင်း ၅၃

နောက်တစ်နေ့ညနေရောက်တော့ကွန်းတစ်ယောက်ပျာယာတွေခတ်နေလေသည်။အခန်းထဲမှာကွန်းတစ်ယောက်ထဲထိုင်မရထမရဟိုလျှောက်ဒီလျှောက်နဲ့နောက်တော့ဟိုတယ်အပေါက်ဝနားသွားပြီးသုတကိုသွားစောင့်နေသည်။မိနစ်အနည်းငယ်ကြာတော့သုတတစ်ယောက်လက်ထဲမှာစာအိတ်တစ်အိတ်ကိုင်ပြီးဟိုတယ်ကိုရောက်လာသည်။ကွန်းလဲသုတကိုမြင်တာနဲ့သုတလက်ထဲကစာအိတ်ကိုသွားယူသည်။ပြီးတော့စာအိတ်ကိုဖောက်ပြီးအထဲကစာရွက်ကိုဖတ်လိုက်သည်။ဖတ်လိုက်ပြီးတော့ကွန်းတစ်ယောက်ယိုင်သွားသည်။

'အမရာကငါ့သမီးမဟုတ်ဘူးပေါ့ဒါဆို'
:တောက်!!!

ကွန်းတစ်ယောက်မယုံနိုင်ဖြစ်နေသည်။

"သုတမင်းယူလာတာစာရွက်ရောမှန်ရဲ့လား"

"မှန်ပါတယ်boss စားပွဲပေါ်မှာစာအိတ်လေးတင်ထားတာယူသွားဆိုလို့ယူလာတာပါboss ဘာဖြစ်လို့လဲဟင်"

"ဒီမှာအမရာနဲ့ငါနဲ့သွေးသားတော်စပ်မှုနှုန်းက1%တဲ့"

"ဗျာ"
သုတလဲလန့်သွားသည်။ဒါဆိုဒီကလေးကbossကလေးလဲမဟုတ်ပြန်ဘူးပေါ့

"Boss"

"ဘာလဲ"

"ကိုသွေးသစ်ကမွေးစားထားတာရောမဖြစ်နိုင်ဘူးလား"

"မသိတော့ဘူးကွာ စိတ်တွေရှုပ်လာပြီ ဟာကွာ!!"
ဆိုကာဘေးကနံရံကိုလက်သီးတွေနဲ့ထိုးနေသည်။သုတလဲအလျင်အမြန်တားလိုက်ရသည်။

"Boss မလုပ်ပါနဲ့ဗျာကိုသွေးသစ်ကbossကိုသေချာပြန်မဖြေရင်ကျွန်တော်သွားမေးပေးရမလား"

"နေပါစေ မမေးနဲ့ငါကိုယ်တိုင်သွားမယ်"
ဆိုကာသုတဆီကကားသော့ယူပြီးကားဆီသွားဖို့ပြင်နေစဉ်ကွန်းဆီဖုန်းဝင်လာသည်။

"ဟလို"

"ဟလို ကိုကွန်းအသင်္ချေလားခင်ဗျ"

"ဟုတ်ပါတယ်"

"ဟုတ်ကျွန်တော်က***ဓာတ်ခွဲခန်းကတာဝန်ရှိသူပါခင်ဗျ"

"ဘာကိစ္စရှိလို့လဲဗျ"

"ခုနကလေကိုကွန်းအသင်္ချေတို့ဆေးစစ်ချက်မှားယူသွားလို့ပါဗျ အဲ့တာပြန်လဲဖို့‌ဆက်လိုက်တာပါခင်ဗျ"