(Unicode)
တောင်ပေါ်လမ်းတလျှောက်ဖြတ်လာပြီနောက်မှာတော့ လမ်းအနည်းငယ်ပျက်စီးနေသော ရွာလမ်းထိပ်ရှေ့မှာ တက္ကစီကားလေးမှာရပ်သွားကာ
"ကျေးဇူးပါဗျာ ဦးထွန်း"
တင်မြင့်မိုးမြင့်ကိုမျက်ရိပ်ကဲဖြင့်စကားလှမ်းပြောလိုက်ကာ
"ဦးထွန်း ကားခဘယ်လောက်ကျလဲ ရပါတယ်လို့တော့မပြောနဲ့နော်"
"ဟားဟား ဒီလောက်အဝေးကြီးကို ဒီအဘိုးကြီးက မယူပဲပြန်လို့တော့ဘယ်ဖြစ်မလဲ ကဲ 30000 ပဲထားပေးမယ်"
"ဒါပေါ့ဗျာ ကျေးဇူးပါဗျာ ဦးထွန်းကျနော်တို့ကိုအများကြီးကူညီထားတော့ 35000လောက်တော့ယူလိုက်ပါဗျာ "
တင်မြင့်ကဝင်ပြောပြီ မိုးမြင့်ကတော့ ပိုက်ဆံလှမ်းပေးလိုက်သည်။ဦးထွန်းတနေ့လုံး ကားမောင်းလာရသောကြောင့် ရွာမှာ တညတည်းသွားဖို့ခေါ်သော်လည်း မြို့မှာချန်ထားလို့မရသောအလုပ်ကိစ္စတွေရှိတယ်ဆိုသောကြောင့် သူတို့လည်း အတင်းမခေါ်တော့ပေ။ဦးထွန်းနဲ့နှုတ်ဆက်စကားပြောပြီ သူတို့နှစ်ယောက်ကတော့ရွာအပြန်လမ်းလေးတလျှောက် ခြေသုတ်တင်ကာပြန်လာခဲ့ကြသည်။မနက် ၉နာရီလောက်ကထွက်လာခဲ့သောခရီးသည် ညနေ ၅နာရီခွဲမှရောက်သည်။နေ့တာရှည်သောကြောင့် ညနေ၅နာရီမှာမမှောင်သေးပေ။ပေါက်စလေး ကားပေါ်တလျှောက်လုံးလိမ်မာစွာ အိပ်လာခဲ့သည်မို့ ခုတော့မျက်ဝန်းကြီးနှစ်လုံးမှာပြူးကျယ်လို့နေသည်။တင်မြင့်ကတော့ပေါက်စကိုချီထားပြီ မိုးမြင့်ကတော့ အထုတ်တွေကောခြင်းကော ထီးကော သူ့လက်ထဲပြည့်လို့နေသည်။
ရွာထဲရောက်တာနဲ့ ရွာသားတွေသူတို့ကို အကြည့်အမျိုးစုံနှင့်ကြည့်ကြပြီ တချို့မှာလည်း မကြားအောင်တဖုံကြားအောင်တဖုံးတီးတိုးပြောကြသည်။သူတို့နှစ်ယောက်ကြားလိုက်သောအသံတချို့မှာ
"ဟယ် ယောက်ျားချင်းခိုးပြေးတာတဲ့ဟယ်"
"သူတို့နေရာမှာငါသာဆိုရှက်လို့သေပြီ"
"အခြောက်က ယောက်ျားယောင်ဆောင်နေတာကိုး"
"ဟဲ့ကြည့်ပါဦး သူတို့လက်မှာကလေးနဲ့"
YOU ARE READING
အချစ်များစတင်ရန် ပန်းတစ်ပွင့်
Romanceလောကကြီးက ကိုယ်တို့ဖြစ်လာမယ့်အရာတွေကို ဖန်တီးပေးပြီသားလား (ဒါမှမဟုတ်) ကိုယ်တို့ကိုယ်တိုင်ကပဲ ဘဝကို ရေးသားနေကြတာလား?။ ေလာကႀကီးက ကိုယ္တို႔ျဖစ္လာမယ့္အရာေတြကို ဖန္တီးေပးၿပီသားလား (ဒါမွမဟုတ္) ကိုယ္တို႔ကိုယ္တိုင္ကပဲ ဘဝကို ေရးသားေနၾကတာလား?။