Unicode
"တင်မြင့် မင်းရောက်လာတာနဲ့အတော်ပဲ သံဃာတွေကို ဆွမ်းကပ်ဖို့ ပြင်ဆင်တော့မှာ မြန်မြန်လာ"
"အာ ဟုတ်လား ကိုဖလူး ပြင်ဆင်တာကြာသွားတာ ဟီး မြန်မြန်သွားရအောင်"
အာရုဏ်ဦးမှာ အရင်ဆွမ်းကပ်ပြီမှ တရားနာဖို့ တင်မြင့်တို့ ဆရာတော်နဲ့ တိုင်ပင်ထားကြသည်။ဘုန်းကြီးကျောင်းမှာက ဘုန်းကြီးစုစုပေါင်းမှ (၆ ပါး)ပဲရှိတာဆိုတော့ ပြင်ဆင်ပေးရမယ့်အချိန်ကလည်း အများကြီးယူစရာမလိုပေ။ခနအကြာမှာတော့ဘုန်းကြီးတွေလည်းကြွကြလာပြီ အသီးအသီးနေရာထိုင်ခင်းယူကြသည်။ ဆရာတော်က တင်မြင့်တို့ကို ကြည့်ကာတချက်ပြုံးပြပြီး ဆွမ်းမဘုဉ်းခင် လုပ်ရိုးလုပ်စဉ်အတိုင်း စတင်လုပ်ဆောင်သည်။
ဘုန်းဘုန်းများဆွမ်းဘုဉ်းနေချိန် လွတ်လွတ်လပ်လပ် ဘုန်းနိုင်ရင် ဒကာ/မတွေကရှောင်ပေးရမည်။ကိုယ်ချက်ထားတဲ့ဟင်းဖြစ်လို့ ကြည်နူးချင်တာဆိုလည်း ခပ်လှမ်းလှမ်းကသာ ဖူးမြော်သင့်သည်။ထိုအချိန်တွင် တင်မြင့်နဲ့မိုးမြင့်ကတော့ သားသားကိုဘုန်းကြီးကျောင်းမှာရှိတဲ့ မျောက်နှစ်ကောင်ကိုသွားပြနေလိုက်သည်။မျောက်လေးနှစ်ကောင်က သူတို့ကိုမြင်တော့အစာပါမလားဆိုပြီဘေးနားလာစူးစမ်းကြသည်။ခုနကအထိ လိမ်လိမ်မာမာနဲ့ငြိမ်နေတဲ့သားက နှုတ်ခမ်းလေးမဲ့လာကာ
"အူးဝါးး....!"
"အယ် ဘာဖြစ်တာတုန်း သားရဲ့"
"အီး...ဝါး...ဝါးး..."
"သားသားကြောက်လို့လား ဖေဖေရှိတယ်လေ သူဘာမှမလုပ်ဘူး သားသားကခန့်ချောလေးမို့သူလာကပ်တာ"
တင်မြင့်ပြောလိုက်တော့ သားက မျက်နှာလေးပြန်ကြည်လာကာ တင်မြင့်ကို 'သူ့စကားယုံကြည်လို့ရပါ့မလား'ဆိုတဲ့အကြည့်နဲ့ကြည့်သည်။တင်မြင့်လည်း သားရဲ့ဗိုက်ပူလေးကို ဖွဖွကိုင်ပြီ နဖူးလေးကို ငုံ့နမ်းကာ ထိုနေရာမှထွက်ခွာလာခဲ့သည်။တခြားကလေးတွေဆို တခုခုမြင်ရင် စူးစမ်းချင်တာကြဆိုတော့ သူတို့လည်း ကြုံတုန်းခိုက်တုန်း လာပြခြင်းသာ။ဟိုတခါက ဓမ္မာရုံဘက်ကိုသွားရတာဆိုတော့ ဒီကိုမလာဖြစ်လိုက်ဘူးလေ။
YOU ARE READING
အချစ်များစတင်ရန် ပန်းတစ်ပွင့်
Romanceလောကကြီးက ကိုယ်တို့ဖြစ်လာမယ့်အရာတွေကို ဖန်တီးပေးပြီသားလား (ဒါမှမဟုတ်) ကိုယ်တို့ကိုယ်တိုင်ကပဲ ဘဝကို ရေးသားနေကြတာလား?။ ေလာကႀကီးက ကိုယ္တို႔ျဖစ္လာမယ့္အရာေတြကို ဖန္တီးေပးၿပီသားလား (ဒါမွမဟုတ္) ကိုယ္တို႔ကိုယ္တိုင္ကပဲ ဘဝကို ေရးသားေနၾကတာလား?။
