(Unicode)
မိုးမြင့်မှာ ဘုရားစာကိုအတည့်ဆိုလိုက် ပြောင်းပြန်ဆိုလိုက် ပြန်ပြောင်းလိုက်ဖြင့် ထိုဆိုင်ကို ရောက်လာတော့သည်။ကြားထဲသူလမ်းမေးတာ ချက်ချင်းမဖြေနိုင်လို့ ငေါက်ခံထိသေးသည်။အခုရောက်တော့လည်း ဘရိတ်အုပ်လိုက်တာ မပြောမဆိုတော့ ရပ်ခနဲ။မိုးမြင့်ကိုယ့်ဟာကိုယ်မထိန်းနိုင်ပဲ သူ့ကျောကုန်းနဲ့ကိုယ့်နဖူးတိုက်မိတော့ ပြန်ကြည့်လာတဲ့မျက်ထောင်နီတွေကြောင့်မိုးမြင့်မှာ ကြက်သီးတောင်ထသွားသည်။
"ကဲကိုယ်တော်ကြီးများရောက်ပါပြီခဗျာ"
ခပ်ရွဲ့ရွဲ့အသံနဲ့ပြောလာသောသူမှာ သူမျက်နှာကအစခပ်ရွဲ့ရွဲ့ဖြစ်နေသည်။မိုးမြင့်သာအဲ့လို ဘရိတ်အုပ်လိုက်ကြည့် ခေါင်းကို တူနဲ့ထုမလားတောင်မသိဘူး။ရွဲ့ပြောလာသူကြောင့်မိုးမြင့် မြန်မြန်ဆင်းလိုက်ပြီ ဆိုင်ထဲဝင်လာလိုက်သည်။ဆိုင်ထဲရောက်တော့
ဆိုင်ရှင်မနှင်းက ပြုံးပြပြီ ဆိုင်ထဲ လက်ယက် ခေါ်သည်။" မဖူးစုံက ဒီမှာကလေးအသုံးအဆောင်တွေစုံတယ်ဆိုပြီ ညွှန်းပေးလိုက်လို့လေ"
"အော် ဖူးစုံညွှန်းလိုက်တာပေါ့ ကဲကဲဝင်လာကြလေ "
မိုမြင့်နဲ့တင်မြင့်လည်း ဟိုကြည့်ဒီကြည့်လုပ်ပြီ ဝင်လာကြသည်။
"ကလေးကဖြူဖြူဖွေးဖွေးလေးနဲ့တုတ်တုတ်လေးနော် မီးမီးလေးလား အမမှာ ဒီအရွယ်အင်္ကျီလှလှလေးတွေရှိတယ် "
မနှင်းက ပြောပြောဆိုဆိုနဲ့ ဆိုင်ကပစ္စည်းတွေကြော်ညာပေးသည်။
ပထမဆုံးမနှင်းက မီးခိုးရောင်ဂါဝန်ပိစိလေးတထည်ဖြန့်ပြကာ"သူလေးက တထည်ကို ၄၅၀၀ ချစ်စရာလေးမလား ဒါမဲ့အပန်းရောင်နဲ့ဒီအရောင်နှစ်မျိုးပဲလာတယ်"
"အာ..ဟုတ်ကဲ့ ဟိုလေအမ ကလေး ပေါ့ပေါ့ပါးပါးဝတ်လို့ရမယ့် ဟာလေးတွေများရှိလားမသိဘူး"
"အော်ရမယ်ငါ့မောင်တို့ အရင်ဆုံးစပန့်ဝမ်းဆက်တွေကြည့်ကြည့်ပေါ့နော်"
မနှင်းက စကားတပြောပြောဖြင့် အင်္ကျီများကိုဖြန့်ပြပြီ အသားကောင်းကြောင်းဘာကြောင်းညာကြောင်း ရှင်းပြနေသည်။
YOU ARE READING
အချစ်များစတင်ရန် ပန်းတစ်ပွင့်
Romanceလောကကြီးက ကိုယ်တို့ဖြစ်လာမယ့်အရာတွေကို ဖန်တီးပေးပြီသားလား (ဒါမှမဟုတ်) ကိုယ်တို့ကိုယ်တိုင်ကပဲ ဘဝကို ရေးသားနေကြတာလား?။ ေလာကႀကီးက ကိုယ္တို႔ျဖစ္လာမယ့္အရာေတြကို ဖန္တီးေပးၿပီသားလား (ဒါမွမဟုတ္) ကိုယ္တို႔ကိုယ္တိုင္ကပဲ ဘဝကို ေရးသားေနၾကတာလား?။